لعنة الماضى

تعجب جميع العائله من فعلة إسماعيل.

لكن نفض ثروت يد إسماعيل قائلاً بوقاحه:
وانا اعرف منين تلاجيها لافت على واحد وهربت معاه، ما هى خااا….

لم يكمل ثروت وصمه لـ رباب، حين لكمه إسماعيل قائلاً: رباب اشرف منك يا خسيس،إنت كداب وعندى الاثبات الغوازى اللى كل ليله سهران عندهم لوش الفجر.

إرتبك ثروت قائلاً بإهتزاز:
كدب،هى لعبت عليك انت كمان ووقعت فى فخها.

ردت سماح:انا متوكده ان جوزى مالوش فى الكدب اللى بتجول عليه،وروح دور على الخاطيه اللى شكلها لعبت بيك ولما لافت على غيرك هربت منيك…
ماهى بتجرى وراى كل راجل شويه ولما تخلى عقله يذهب وراها تهرب منيه،زى ما كانت بتلعب على ثروت بس هو ربنا نجاه من فخها.

لكم إسماعيل ثروت ثم قال بتوعد:
لو عرفت إن إنت السبب فى اختفائها مش هيكفينى فيك عمرك.

قال اسماعيل هذا وخرج من المنزل
وتركهم لشيطانهم الذى وسوس لهم عليهم الآن فضح ستر تلك الفتاه،وهذا بالفعل ما فعلوه حين أمرت نفيسه تلك الخادمه ان تشيع بين الناس بالقريه بالكذب عن محاولة تلك اللقيطه اللعب بعقل زوح إبنة العائله التى أوتها فى منزلها وعاملتها كأنها ابنتهم لكن هى ردت الجميل بخِسه منها… لينتشر الخبر بالبلده وفى العزبه أيضًا، تشتعل فى قلوبهم نــ,,ـــــار الكره لتلك ناكرة الجميل وأيضاً يخشون على رجالهم منها، فهى سلبت عقل ذالك المحامى التى كانت تعمل لديه.
❈-❈-❈
ذهب إسماعيل الى المسجد للـ الشيخ نعمان
يسأله عن رباب
فقال له:
بجالها مده مكنتش بتچى لحدى،جولى الحديت الداير فى البلد ده أيه اساسه،متوكد رباب طاهره.

أكد اسماعيل قول الشيخ نعمان قائلاً بندم شديد:
فعلا رباب كانت طاهره بس أنا اللى دنستها لم صدجت كدب عيلة الشعراوى.

إنصدم الشيخ نعمان قائلاً:
جصدك ايه بدنستها،جولى عملت فيها أيه…أنا أمنتها عندك.

شعر إسماعيل بالدونيه من نفسه وصمت

صفعه الشيخ نعمان قائلاً بتعسف:
أنا جولت إنك دارس قانون وكنت هتبجى فى يوم جاضى وأكيد مش هتسبب فى ظلــ,,ـــــمليها،لكن إنت كنت جاضى وچلاد ليها،يا خساره.

وضع إسماعيل يده مكان صفعة الشيخ نعمان وقال:
انا بدور عليها عشان ارجع لها حقها هتجوزها.

تهكم نعمان قائلاً:
هتتجوزها،بعد أيه،بس نلاجها الاول،ويارب متكونش عملت فى نفسها حاجه شينه.
❈-❈-❈
بمنزل والد رباب
دفع ذالك الكلب باب المنزل ودخل اليه
وجد رباب نائمه على الارض تحتضن جسدها بيديها،ترتجف،إقترب منها وأخذ يعوى،فتحت عينيها
نظرت له،تبسمت بوهن حين وجدت بفمه لقمة عيش،الكلب كان أحن عليها من البشر.
❈-❈-❈
مر يوم آخر، بالمسجد بعد صلاة العشاء كان إسماعيل يجلس مع الشيخ نعمان الذى تنبه لشئ قائلاً:
رباب كانت جالتلى فى مره إنها نفسها تشتغل و ترمم بيت أبوها وترچع تعيش بيه.