لعنة الماضى

رد إسماعيل قائلاً:أكيد المرتب مش هيبجى كبير فى البدايه،بس لو المكتب إشتغل زين وجتها بالتوكيد هزود له مرتبه،بس فى الاول كده المرتب هيبجى صغير.

تبسم نعمان يُفكر فى رباب،حقًا كما قال المرتب سيكون صغير لكن سيكون لها إحترام اكثر من وقفتها بمحل لبيع الملابس كما أنها لن تضطر للسفر يوميًا للمركز وتنفق اكثر من نصف راتبها بالمواصلات،فـ مكان المكتب الذى أخبره إسماعيل له قريب من العزبه التى تقطن بها رباب،اقل من نصف ساعه سير على الأقدام

تنهد نعمان براحه قائلاً:عيندى لك يا ولدى الشخص اللى محتاچ له.

تبسم إسماعيل قائلاً:بجد يا شيخ نعمان هو مين.

رد نعمان:هجيبه لك وأچيلك المكتب المسا.

رد إسماعيل:اكيد المكتب يتبارك بيك أنا واثق فى إختيارك.
…. ـــــــــــــــــــــــــــــــ
مساءً
دخلت رباب، الى غرفة الشيخ نعمان بالمسجد، القت عليه السلام قائله:
السلاموا عليكم يا شيخ نعمان، أنت شيعت ليا، وجولت أنك عاوزنى أچيلك للچامع خير؟

رد الشيخ نعمان عليها السلام ثم قال : خير يا بتى، إجعدى أنتى جولتى لى أنك خلصتى السنه الى فاتت الدبلوم صُح؟

ردت رباب: أيوه، خلصت دبلوم تچاره، وكنت چايبه مچموع كبير، يدخلنى چامعه، أو حتى معهد صحى، بس الحاچ چبر، بجى الله يمسيه بالخير، جالى كفايه علام لحد إكده.

زفر الشيخ نعمان يستغفر، ربه، هامساً:
ده بدل ما كان يكمل الثواب معاكى.

تحدث الشيخ نعمان لها قائلاً: يعنى بتعرفى تكتبى على الآله الكاتبه؟

ردت رباب: أيوه بعرف أكتب عالآله الكاتبه، ويدى سريعه كمان، وكمان بعرف كمبيوتر، كنت بدرسه فى المدرسه، وكنت مصاحبه، الأبله، وفى الفسحه، أو أما يكون عندنا حصه فاضيه، كنت أروح أجعُد أمعاها، وتعلمنى عليه، صحيح مش متمكنه جوى، بس ماشى الحال، بس، بتسألنى ليه يا عم الشيخ؟

نهض الشيخ نعمان يبتسم قائلاً: تعالى أمعاى، يا بتى، وهجولك كل حاچه فى الطريج.

سارت رباب خلف الشيخ نعمان، الى أمام باب المسجد، وجدت توكتوك،
نزل منه السائق، يقول: على فين يا شيخ نعمان؟

تبسم الشيخ نعمان قائلاً: مشوار جريب يا ولدى، يلا أركبى، يا رباب.

رغم تعجب رباب لكن ركبت الى جوار، الشيخ نعمان الذى تحدث لها قائلاً:
بصى يا بتى أنتى سبج، وجولتى لى إنك رايده تشتغلى، وتصرفى على حالك، أنا فى أمحامى، والده كان صديجى وواثج فى أخلاجه، وهو هيفتح مكتب محاماه أهنه بالبلد الى العزبه چارها، وهو عاوز، حد يشتغل أمعاه، ينظم له المكتب، وكمان ينسخ له الجضايا والمرافعات، وأنا سمعته، وهو بيجول لحد حبيبى، وجولت له عيندى طلبك، وأنا واخدك دلوك لعنديه..