عشق لاذع ٨
خرجت من الشركة كانت عاليا تنتظرها فهاتفتها :
-امشي قدام هتلاقيني بعد الشركة على أول الشارع، مش عايزة المحروس جوزي يشوفني عرفت أنه جاي
قهقهت عليها عاليا وهي تتحرك إليها ومازالت تحادثها..ناداها فارس
فأشارت بيديها له :
-هشوفك بعدين سلام..
وصل جاسر أمام الشركة فترجل من سيارته، وصعد سريعًا لمكتب أوس
فين الورق دا ، لازم امشي خلال عشر دقايق
نهض أوس قائلاً:
-هجيبه من عز وأشوف جنى وفارس مضوا ولا لا
-ليه هي جنى هنا..تسائل بها
-اه كانت هنا ولسة خارجة، قولتلها انك رجعتها
نفث سيجاره وتحدث:
-اه وهطلبها في بيت الطاعة بنت صهيب بس اخلص من القضية
قهقه أوس وهو يتحرك للخارج
-والله اتنين مجانين، بس بحبك وانت مسيطر ياحضرة الرائد
اتجه للنافذة ينظر للخارج وجدها تخرج من الشركة وتهاتف احدهما، كور قبضته يلكم النافذة بغضب حتى تساقط زجاجها، ..ولج أوس على صوت التحطيم
-يعني اليوم اللي هتيجه مكتبي هتكسره، امشي روح مش ناقص جنان
تحرك سريعا متجها خلفها، يريد أن يعلم لماذا خرجت من الشركة دون سيارتها..هرول سريعا وجدها تقف مع عاليا ..جحظت عيناه من ضحكاتهما المرتفعة..جز على نواجزه متجها إليهما :
-اعمل فيهم ايه الاتنين دول اخرتهم على ايدي، رفع هاتفه يهاتف ياسين
-تعالى لم مراتك، عرفت دلوقتي مين بيقوي البت دي عليا
ضيق ياسين عيناه متسائلًا
-تقصد إيه ؟!
قام بتصويرهما وأرسل الصورة
-دي جاية تعمل إيه هنا، انا بحذرك لمها بدل ماانا اللي ألمها
-تحرك بسيارته بسرعة جنونية:
-جايلك ياعاليا وياويلك مني
قام جاسر بمهاتفة جنى ..نظرت للهاتف بذهول فمنذ ذاك اليوم ولم يحاكيها ..لحظات كاعوام مرت عليها وهي ترفع الهاتف وتجيبه
-نعم ..انتي فين ومروحتيش ليه بعربيتك ..استدارت تنظر لوقوفه أمام سيارته، طالعته بحزن وهي تراه متجهًا نحوهما،..حاولت السيطرة على نفسها حتى.وصل إليها
-رايحين فين ؟!..تسائل بها ببرود
دققت النظر بعيناه ولكن تلك النظارة منعت رؤيتها لعيناه فاقتربت منه
-عامل ايه ؟!
تراجع خطوة ينظر لعاليا قائلاً:
-عاليا بلاش تمشوا من غير حراسة ، علشان محد ش يضر فيكم ..قالها واستدار متجهًا لسيارته، أسرعت خلفه
-جاسر..أطبق على جفنيه يحسب أنفاسًا هادئة ثم استدار إليها
-فيه حاجة ؟!
-لازم نتكلم نظر بساعة يديه ثم رفع نظره لعاليا قائلا
-مبقاش فيه حاجة نتكلم فيها ..قالها وتحرك
