تزوجها الاخير
_ ماهو عنده بنتين أهو يا ماما وأنا مش عايزة أبوظ جسمي تانى.
_ يا بت مفيش راجل ما بيحلمش بولد من صلبه يرفع راسه ويشد ضهره، سيبك من اللى بيروحلها، فاكرة كلام أخوكى لما قالك تطاوعى جوزك وتسايسيه وتحسسيه أنك عروسة كل يوم وتدلعيه وان ده بيجي أوى مع الرجالة، خليكي بقي على نصايحه.
_ بس مش قادرة نفسي أربيها الجاهله دى .
دخلت دليلة عليهم الغرفة دون إستئذان بإبتسامة غريبة لم يروها من قبل، نظرت مهجة إلى سمر بتعجب بعد أن جلست دليلة على المقعد أمامهم بكل أريحية، لترد مهجة .
_ ودا إيه أصله ده، مالك يا دليلة؟
_ مالى يا ماما أنا خلصت اللى ورايا قولت أقعد معاكم شويه .
ردت سمر بسخرية:
_ ومن أمتى بتدخلى تقعدى معانا، قومى أدخلى شقتك ولا شوفى حاجة أعمليها .
قامت دليلة بهدوء تنظر إليها نظرات تشفى وألتفتت لتخرج من الغرفة، حينها وجدت الطفلتين فى جانب الغرفة مع ابنها .
_ إلا قوليلى يا مدام سمر، هما البنات دول شبهك ولا شبه الباشمهندس أكتر؟
نظرت إليها سمر بتعجب أكثر لترد بغيظ وســ,,ـــــخرية :
_ أنتى أول مرة تشوفيهم يا حبيبتى ولا ايه ؟
_لا أبداً، بس هما مش شبهك خالص، ممكن أخدين عنيكي بس، لكن مفيش أى حاجة من الباشمهندس.
ألتفتت بعد أن قالت جملتها ثم أكملت فى طريقها إلى الخارج ساخرة:
_ أبوهم .
تاركة سمر ومهجة فى حالة تعجب من طريقتها الغريبة عليهم .
_ مالها دى يا ماما؟
_سيبك منها، المهم عملتى إيه لما جوزك رجع امبارح؟
_ ولا حاجة كنت عايزه أخنقه بس مسكت أعصابى لغاية ما أجيلك أشوف حل .
_ جدعة يا بنت أمك، خليكي على الحال دا ومتتجنيش حاكم أنا عرفاكى .
نظرت سمر أمامها ساهمة تنوى فى عقلها فعلة قد تهدأ من إشتعالها قليلاً لتبتسم بخــ,,ـــــبث عازمة تحقيقها .
جالسة على السطح أمامها غارقه فى التفكير ليقطع ذلك التفكير صوت مالك.
_ حبيبي لوكا.
_ سرحان ف إيه يا جميل ؟
تنهدت ورد بعد جملة سارة لتتحدث بحزن .
_ بابا وحشنى أوى، ومش عارفه الشغل وضعه إيه حالياً وغير كده مش عارفه هفضل متخبيه هنا قد إيه.
_ زهقتنى منا ؟
_ لا والله يا سمر، ربنا يعلم إنى بفكر هسيبكم إزاى لما أرجع إن شاء الله ، وقررت أخدكم معايا كلكم، حتى عبير بشعرها الأصفر العجيب ده .
ضحكت سارة بعد جملة ورد .
_ طيب وراكى حاجة هنا؟
_لا طنط إم عمر قاعده مع ماما من بدرى.
