تزوجها الاخير
فى الدنيا، وشوفى أنتى بقيتى إزاى؟ أنتى أخدتى فترة حزن طويلة وجه
وقت أن تحاولى تفوقى، ممكن ؟
همس لها برفق ضاحكاً: تعرفى مين قاعده تحت منتظراكى ؟
نزلت ورد بصحبة ياسين إلى أسفل فوجدت والدتها تجلس برفقة أم
عمرو وسارة ومالك ويزيد، أقتربت منهم بفرحة ثم أحتضنت سارة
بإحساس أخت طال شوقها لرؤية أختها، ثم نظرت إلى ياسين .
_ كنت عارفه أنها سارة.
_ بس أنا مقصدش سارة.
قالها ناظراً ناحية حمام السباحة لترى عبير جالسة على حافته
وقدميها فى الماء .
لتقول بصدمة : عبير؟
ردت سارة بتوتر: أصلها أصرت تيجى معانا لما عرفت أننا جاين ليكي
ومن وقت ما جات وهى قاعدة كده ونازلة تصوير.
ضحكت ورد على وضع عبير ف لمحتها عبير لتأتى إليها مهرولة
_ وروده، عامله إيه يا حبيبتى، والله عايزه أجيلك من زمان بس أعمل
إيه بقى المعلم مش بيسيبنى، ما صدقت نزل النهاردة زيارة لسعيد
قومت خالعه.
_ والله وحشتنى يا بيرو.
_ بيرو؟ لا يختى أستغفر الله العظيم، أنا مليش فى المنكر.
ضحكت ورد على رد عبير ثم جلسوا جميعاً على السفرة لتناول الطعام
بعدما رأى ياسين أن حالة ورد تحسنت قليلا بوجودهم أقترب منها
ليهمس .
_ إيه رأيك ترجعى تعيشي معاهم ؟
نظرت له قليلاً ثم أردفت .
_ طيب إيه رأيك هما اللى يعيشوا معايا هنا؟
فأشار لها بأن تعرض عليهم الأمر.
_ يزيد، بما أنك المسئول عن الجماعة وطبعاً طنط أم عمر، ف إيه
رأيكم تيجوا تقعدوا معايا هنا ؟
نظر يزيد لسارة ثم أردف بهدوء.
_ دا صعب شوية .
_ صعب ليه؟ طنط أم عمرو ابن أختها قاعد هنا وهى هتقعد مع مامى
علشان مامى أتعلق بها وهى كمان، وأنت وسارة مفيش ليكم أى حد
هناك.
_ بس أنا يا ورد عندى شغلى هناك .
_ بصي يا سارة أنا قررت أكمل إدراة أعمال، فإيه رأيك تقدمى معايا
ونذاكر مع بعض وبعدها أن شاء الله ممكن أفكر، أنا بقولك أفكربس
صفحة 261
إليك أنتمي
أنك تيجى تساعدينى ف الشركة .
قالتها مبتسمة تنتظر رد سارة، ف نظرت سارة ليزيد ف رد بهدوء:
_ هو عرض مغرى جداً يا ورد بس أدينى وقت أرتب أمورى وبعدها
نشوف أن شاء الله.
أبتسمت ورد لياسين الذى رد إليها أبتسامتها داعياً الله أن يمنح قلبها
السلام .
مر الوقت لتستقر أمور ورد قليلاً بعدها عادت إلى الدراسة برفقة سارة
بعد أن ذهبت لتسكن مع زوجها فى غرفة ياسين فى الحديقة، وأستقر
