تزوجها الاخير
_أنا عارفه مكانها وعارفه مين مخبيها عنده وأبعت رجالتك وأسأل بنفسك.
_لخصي، مش ورايا وقت لكل ده، فين المكان .
_ وأنا إيه فايدتى ؟
_ المكافأة مثلاً .
[الصورة الرابعة]
_أمممم ، لا طبعاً ، عايزه نص أسهم شركتك بأسم بناتى .
_نعم؟
_مستخسر فى بناتك نص أسهم شركتك يا حبيبى .
_ أنا معنديش بنات وقولى فين المكان بدل ما أجيلك وساعتها مش هيفرق معايا أى شيء غير روحك وروح بناتك .
_ أمممم عموماً ، أنا قولت اللى عندى وعايزه كمان فيلا بأسمي علشان مش ضامنه إيه يحصلي هنا تانى ويكون فى كومباوند من بتوعك .
تأفف بملل ثم رد .
_ موافق، بس الفيلا بس لكن أنسي موضوع الشركات، ف قولى اللى عندك بدل ما تخسري كل حاجة .
_هبعتلك التفاصيل وأتأكد منها بنفسك، سلام .
أغلقت الهاتف تشعر بلذة الأنتصار، فها هى نيران حقدها ستشعل الجميع .
نظر إلى العنوان المرسل بالتفاصيل ثم طلب منصور .
_تشوفلى المكان ده فين حالاً وتتأكد من التفاصيل دى فوراً.
_حاضر يا باشا .
مرت ساعات قليلة ثم دق باب الغرفة ليستأذن منصور بالدخول على سيده .
[الصورة الخامسة]
_ أحنا سألنا يا باشا عن العنوان والتفاصيل اللى موجوده صحيحة، بس أكتشفنا حاجة مش ولابد .
نظر إليه رياض يحثه على إكمال حديثه، ليكمل:
_دا نفس عنوان ياسين .
أظلــ,,ـــــمت عيناه بطريقة مريبة ودق بقلمه دقات خفيفة على مكتبه ليرد على الأخر بكلمات قليلة لكنها كافيه لتجعله يتحرك سريعاً.
لم يستطع إغماض عينيه تلك الليلة، يعيد تكرار قراءة تلك الرسائل المرسلة إليه مراراً وتكراراً، وفى ساعات الصباح الأولى قبل أن تستيقظ زوجته، نزل مسرعاً إلى صديقه يحدثه بما تحدثه به نفسه.
دقات قليلة أيقظته من نومه لا يدرى من الطارق فى ذلك الوقت، قام وعلامات النوم تكسو ملامحه.
_ يزيد!
أزاحه يزيد عن طريقه ليدخل ليتعجب ياسين من حالته تلك فأغلق الباب وجلس بجواره .
_خير ؟
قالها ياسين ناظراً إلي صديقه، أعطاه يزيد الهاتف لينظر إلى الرسائل المرسلة إليه.
صدمة جلية على وجه ياسين بعد أن رأى محتوى الرسائل، هو يعلم أن الرسائل حقيقة لكن صدمته فى أن تصل تلك المعلومات إلى رفيقه .
_أنا لقيت حد باعثلي الكلام ده، أول رسالة بتقول “أنت”
” متأكد أن البنات بناتك؟ ” رجع تانى وبعت “أنت مش أبوهم وأتأكد من كلامى بالتحاليل ” ، يعنى إيه الكلام ده ؟
