أمنية وسر السعادة
فضل سمير ملازم أمه مش بيسيها وبعدها قرب مني وقال
_أمينة انتي طالق.. اسف على اللي عملته معاكي ..تقدري دلوقتي…تعيشي حياتك زي ما انتي عايزة ..وصدقيني مش هتلاقي زي عماد راجل بجد وشهامة وجدعنة هنيالك بيه .
قالها وقرب من عماد وحط ايده على كتفه…
_حبيبتك عندك أهي تقدر تتجوزها ربنا يهنيكم …وحقك عليا متزعلش مني .
أنا اتحرجت وقلت
_أنا عايزة ارجع عشتي
عماد قرب مني وقال
_لاا… ترجعي ايه أنا ماصدقت لقيتك… مش هتبعدي عني تاني أبدا .
رفعي وشي لقيتهم كلهم بيبصولي وبيبتسموا
ولقيت أم عماد بتفتحلي إيدها فجريت على حضنها
_احنا هنا عيلتك هتمشي تسبينا وتروحي فين .
سمر قالت
_اوعي تمشي أنا حبيتك يا أمينة سامحيني على قلة زوقي معاكي .
__
بعد فترة
اتحسنت حالة ام سمير ورجعت تاني نورت الفيلا
سمير برك على ركبه وباس إيد أمه وعايز يبوس رجليها كمان
_انا أسف سامحيني يا ماما .
أمه مسلت على شعره
_ربي يهديك ويرضى عنك يا ابني..اتعلم الرضا بالنعمة اللي في ايدك قبل ما تروح منك …ربنا لو شافك راضي بالمكتوب… هيطرح البركة في اللي عندك … اما لو شافك سخطت… هيسخط عليك وهتحل عليك لعنته في الدنيا والآخرة… ربنا كريم اوي يابني واسمه العدل .. مبيظلمش حد أبدا… لما بيأخد منك حاجة بيديلك مكانها عشرة فاسجد لله شكرا دايما على نعمه واياك يا بني ومسالك الشيطان ..فطريقها بيؤدي للهلاك .
__
بعد فترة عماد …طلب ٱيدي
وسمير طلب إيد سمر
فقالتله
_اسفة يا سمير انت هتفضل ابن عمي اللي بعزه لكن نتجوز لا
_ليه يا سمر انتي مش كنتي بتحبيني ..وانا والله كنت بحبك بس أعماني الشيطان وقتها فكنت مغيب .
_انا مقدرش أتجوز واحد كان ممكن تعتدي عليا .. حتى لو كنت بحبه .. استحالة.
_أبدا والله العظيم أنا مكنتش هاجي جنبك… انا قلت كدا بس علشان أهدد عماد وقتها وأخليه يتنازل ليا عن كل حاجة…. أحلفلك بإيه اني مفكرتش أني ءأذيكي بأي حال من الأحوال..وربنا اللي شاهد على كلامي .
_انت بتتكلم جد يا سمير
_والله العظيم ايوة .. انا صحيح اعترف اني كنت أوحش ما يكون بس مش لدرجة الحقارة دي … سامحيني
_خلاص مسمحاك
_يعني موافقة متجوز مع عماد وأمينة
_موافقة .
واتجوزنا وطليت أخيرا بالأبيض أنا وسمر وبعد الخفلة خرجنا علشان نركب العربيات علشان نقضي شهر العسل فلقيت عماد بيركبني عربيته السودا
