أمنية وسر السعادة
_اسمع كل اللي قلته مشفاش غليلي من ناحيتك
_ لا …..بالله عليك رجعلي أختي.. وأمينة حتى لو كنت عايز تكمل معاها أنا معنديش مانع هيه في الاول والآخر مراتك لكن رجعلي أختي يا سمير…
_عايز اقولك اني متجوزتش أمينة الا علشان أشوفك مكسور وبتتآكل من جواك… أمينة أنا ملمستهاش علشان تشوف بعينك وأنا بأخد اللي نفسك فيه وانت مش طايله
عماد غمض عينه بألم
_ارجع لعقلك يا سمير وأوعى تعمل حاجة هتفضل تندم عليها طول عمرك …البنات ملهاش دعوة بأي عداء منك ناحيتي…
انت حتى لو طلبت اني كتبلك كل ما أملك وهعيش على الحديدة بس كله الا انت تقرب منهم .
_موافق اكتبلي تنازل عن كل حاجة حتى الفيلا اللي هي ليا وليك بالنص عايزها كلها .
_ليك اللي انت عايزة بس سيب البنات في حالها .
_اكتب التنازل حالا
_وأنا ايه اللي هيضمني انك متأذيهمش بعد ما أكتبه.
_بقولك أمضي والا .
سمير قرب مني ومسكتي من حجابي جامد
فأنا قلت
_لا يا عماد متتنازلش عن حقك وحق أمك وأختك لجربوع زيه
سمير ضربني على وشي
_اخرسي .
عماد كان في قمة غضبه
_هكتبلك اللي انت عايزة وعلشان أضمن إنك متغدرش بيا … هشهد أمك على كل اللي دار بينا إيه رأيك .
سمير برق وقال
_انت بتقول ايه أمي إياها تعرف بأي حاجة من دي …دي ممكن تطب ساكتة… عماد أنا حذرتك لو عايز تشوف أختك سليمة إياك أمي تعرف
عماد بعد شوية من مكانه فظهرت أم سمير وهيه قاعدة على الكرسي وراه ودموعها مغرقة وشها
سمير اول ما شافها اتصدم
_ماما .
أمه هزت رأسها جامد
_لا متقولش أمك أنت مش ابني أنا متبرية منك ليوم الدين… انت يا سمير عايز تستحل حرمة بنت عمك!! … بدل ما تكون انت ليها الستر والغطا … عايز تأخد حق ابن عما وشقى عمره سنين طويلة … أنا مش مصدقة عيوني… لو كان حد حلفلي أيمانات الله مكنتش هصدقه أبدا لكني شوفت وسمعت بعيني … انت يا سمير يطلع منك كل ده .. لا حول ولا قوة إلا بالله… لا حول ولا قوة إلا بالله .
قالها وبدأت تحك جامد وصوتها يتخنق وبعدها أغمى عليها.
سمير صرخ بأسم امه
_لااااااا … ماماااااااااا
حتى البنات صرخت
_لاااااا
أما عماد فشالها بسرعة علشان يوديها المستشفى
فسمير صرخ فيه ببكا
_الحق امي ووديها المستشفى بالله عليك يا عماد .. والله العظيم ما ههوب ناحيتك سمر ولا أمينة .
