أمنية وسر السعادة

أنا صقفته بشويش وقلت وأنا مبسوطة من شهامته

_ايوة كدا يا أبو الرجال ..اديها متسكتش ..وربنا عجبتني يا عمدة .

عماد قال
_اسمعي انسي الفكرة دي من دماغك… واستغفري ربك على اللي كنتي بتفكري فيه… وحاولي تنسي سمير ده من دماغك خالص

أنا
_ايوة يا بت ياسمر… ده زعيم مافيا وعايز يأخد أعضاءك أسأليني أنا

عماد كمل كلامه
_وانا كمان هحاول أنسى أمينة وأخرجها من دماغي للأبد

أنا
_ليه ليه يا عمدة أنا كنت لسه بقول عليك جدع وأبو الشهامة هتتخلى عني يا عمدة ..طب انا مقموصة منك ..اومال مين هيخلصني من زعيم العصابة دهون .

شوفته بيقوم يقف علشان يخرج وقال
_سمر … ده أخر تحذير ليكي اوعي تقربي من أمينة بأي شكل من الأشكال… سيبيها تعيش حياتها اللي شافته صعب واتمنى تلاقي عوضها مع سمير ..ربنا يهنيها .

صعب عليا حالي وقعدت على الأرض أندب حظي وعبطي اني صدقت واحد معرفوش وسمعت كلامه واتجوزته كمان… طب هخلص نفسي من المصيبة دي إزاي … أروح لعماد وأقوله اللي حصل ولا اتصرف إزاي ..بس خايفة سمير يعرف ويحاول يأذيه .. ياربي أنا مش عارفة أعمل ايه .. انا هتجنن … هتعملي ايه يا أمينة يا هبلة … اه والنعمة أنا هبلة أصل مفيش عااقل في الدنيا يعمل اللي عملتيه .. .. هو ابو الرجولة والشهامة اللي هينقذني أنا هروح وأقوله على كل حاجة

قمت من مكاني وبصيت على المرسم ملقتش حد
لفيت حوالين نفسي ملقتش أثر لحد منهم …دعكت عيني وقلت

_بسم الله الرحمن الرحيم… معقول كل اللي سمعته وشوفته قدامي ده كان تخيلات مش حقيقة

حطيت ايدي على راسي وقلت

_اه ياني يا أمينة يا لهوي عليكي خرفتي بدري بدري …. مين الحلو ومين الوحش مين اللي بيضمر ليكي الشر ومن عايزلك الخير… انا توهت مني كدا ليه ..عاااا.

_بعد فترة
الكل سمع ان عماد في المستشفى.

جرينا كلنا على هناك
وشفناه لافف دماغه بضمادة ونايم في السرير لانه مغمى عليه

فالكل لف حواليه وبدأ يعيط

أمه جريت على الدكتور اول ما شافته
_خير يا دكتور ابني فيه ايه طمني بالله عليك … ايه اللي حصله .

_ابنك تلقى ضربة على دماغه ادت الى ارتجاج بسيط في المخ
قالت ببكاء
_ايه ابني حبيبي ونور عيني…لااا بعيد الشر عنك .

_اطمني بسيطة الحمد لله قدرنا نوقف النزف اللي حصل والحالة الحمد لله مستقرة