أمنية وسر السعادة
_انتي بتهببي تقولي ايه .
_ايه سيبني في حالي .. ما هو انت مش على بالك من حاجة مفيش حد بيلاحقك وعايز يقتلك… بس شوف الراجل يا اخي كان واقف معايا وبيتكلم بكل ود وزوق… ولا وإيه انقذني من الموت مدهوسة تحت عجلات العربية … اتاريه عايز يدهسني هوا تحت سن الساطور عاااا …لا .. يالهوااي .
سمير كتم بوءي وأخدني على الأوضة
يا ترى ايه اللي مستخبيلي تاني
وسمير ناوي على إيه ليا ولعماد
وليه بيعمل كل ده
مش يمكن ان سمير هو زعيم العصابة مش عماد وبيخدعني!
أمينة وسر السيارة السودا ٤
عدت أيام وانا نايمة في سريري ومستخبية في الغطا ومش راضية أطلع أبدا .
أما عماد فكان كل يوم بيزيد وجع عن اليوم التاني .
جالي سمير وقال
_أمينة أطلعي ماما بتسأل عليكي روحيلها وخليكي على طبيعتك هتفضحينا … مش عايز أي غلطة والا
_والا ايه انت هتهددني انت كمان.. ايه وكر الذئاب ده .. انا راجعة عشتي .
_أمينة بلاش تعصبيني واسمعي اللي بقولك عليه..أنا متحملك بالعافية ومتنسيش اني بعمل فيكي معروف فخليكي زوق ها …واسمعي الكلام
_حاضر يا سمير هسمع الكلام
_يلا قومي البسي واقعدي مع ماما طالباكي في اوضتها .
_حاضر
_
في اوضة ام سمير
_ازيك يا طنط
_اهلا يا حبيبتي تعالي .. انتي ليه حابسة نفسك في الاوضة ومش بتخرجي في حاجة ضايقتك
_لا أبدا يا طنط .. انا بس كنت تعبانة شوية فمقدرتش انزل
_لا الف سلامة عليكي ياحبيبتي.. وانتي دلوقتي عاملة ايه .. لو تعبانة ارجعي ارتاحي وأنا هوصي الدادة تطلع تأخد بالها منك
_لا أنا بقيت كويسة الحمد لله اطمني .
_الحمد لله
مدت إيدها علشان تأخد علاجها فبصت لدورق الماية لقيته فاضي فكانت هتتحرك بالكرسي لبرا علشان تنادي ع الدادة وقفتها
_أنا هنزل أجيب ليكي ماية حالا
_بس انتي تعبانة
_لا اطمني أنا كويسة الحمد لله
وانا نازلة وداخلة المطبخ بالصدفة شوفت سمير واقف واقفة مريبة كدا وكأنه بيتصنت على حد .
مشيت براحة ووقفت قريب منه وبصيت على اللي بيبص عليه
لقيت عماد قاعد مع أخته في المرسم بتاعها تحت وبيتكلموا
فوقف في زواية أسمع انا كمان بحيث لا عماد وسمر يشوفوني ولا وسمير كمان
سمر قالت
_عماد أنا عارفة انك بتحب أمينة متحاولش تنكر ده
عماد اتوتر وحاول ينكر
_انتي بتقولي .. جبتي الكلام ده منين… هحب مرات ابن عمي انتي مجنونة يا سمر .
