أمنية وسر السعادة
_أمينة انكتمي وحسك عينك أسمع صوتك الا لما أطلب منك وخليكي مؤدبة زي الجميلة اللي قاعدة جنبك باستكانة دي .
قالها وهو كان عايز يحط إيده على راسها فبعدت راسها وقالت
_انت ايه اللي بتعمله يا سمير وجايبنا هنا وبالطريقة دي زي الحرامية ليه!!
قلت
_لا هو انتي متعرفيش.. ده بسلامته مش حرامي ده زعيم مافيا مسلح تخصص سكاكين من الآخر جزاااار
سمير زعق وقال
_أمينة
_خلاص اهو انكتمت جتك مغص في بطنك أنا بطني كركبت من الخوف وعايزة أخش الحمام .
سمير فتح موبايله وبدأ يصورنا وقال
عايزة تعرفي أنا جايبكم هنا ليه ها … انتم الاتنين أغلى حاجة عند عماد وأنا هوريه في بث مباشر ليه ومن قلب الحدث وهو بيشوف حبيبته وأخته وهما بيفقدوا شرفهم وأغلى حاجة عندهم وقدام عينيه ومش قادر يعمل حاجة ولا يوقف اللي بيحصل
أنا صرخت وقلت
_يا مصبتاااااي لا والله يا سمير الجزار الموت متقطعة أهون من اللي بتقوله جكتك صاروخ في معاميك قال تفقدي شرفي قال ..بقولك ايه هات السكينة واتكل على الله وخلص خلينا ننتهي ..
سمر خافت وبدات تنتفض في مكانها وتصرخ بخوف
_لاااا … انت بتقول ايه يا سمير .. انت اتجننت انا بنت عمك …
سمير كان وقتها بيظبط موبايله وبيرن فيديو على عماد اللي ظهر وشه وهو واقف وملامح وشه مخضوضه وراسه لسه ملفوفة بالضماد
سمير ضحك وقال
_ايه أخبار الضربة يا ابن عمي.. شكلها كانت سهلة بدليل انك لسه عايش وزي القرد قدامي أهو
عماد
_فين سمر وأمينة يا سمير
سمير بعد شوية عم الكاميرا علشان يشوفنا وأول ما سمر شافته استنجدت بيه وهي بتعيط
_عماااااد الحقنا بالله عليك …الحقنا … سمير عايز يأذينا
عماد دمه غلي ووشه بقا أحمر
_سمييير … رجع البنات أحسنلك وإياك تمس شعره فيهم
سمير ضحك وقال
_انا مش بس همس شعره منهم .. أنا … ولا أقولك بلاش اتكلم أنا هخليك تتفرج بالصوت والصورة وابقى سلملي على شرف حبايبك .
عماد زعق فيه جامد
_سمييير أنا بحذركم اياك تقربلهم
وأنا وسمر قاعدين ننتحب وخايفين من اللي هيجرالنا.
سمير مهتمش لكلام عماد ولف علينا فعماد قاله
_ليه بتعمل كدا يا سمير… ليه يا ابن عمي انا أذيتك في إيه … أنا طول عمري بحبك وعمري في حياتي ما حبيت ليك الا كل خير…ليه شايل مني كدا وعايز تأذيني في أغلى حد عندي.
