للعشق وجوه كثيرة بقلم نورهان العشري
” مستنياني يا خالتو ؟”
فاطمه بتأكيد
” طبعا يا قلب خالتك استنيتك من آخر جواب جالي من زهرة حسيتها بتوصيني عليكي.. ”
ازداد هطول دمعاتها و قالت بحزن
“وحشتني اوي يا خالتو و لما حسيت اني محتجالها جيتلك ”
فاطمه بحب
“نورتي يا قلب خالتك جيتي نورتي قلبي قبل بيتي يا كاميليا ”
اتهارت كاميليا باكيه بفرحه فهي قد وجدت أخيرًا البيت و الملجأ و الوطن..
كل هذا يحدث تحت انظار كارما التي خانتها دموعها متأثره بهذا اللقاء العاطفي فقامت بمحاوطتهما معًا قائله
” وجعتوا قلبي اوي بكلامكوا دا .”
تحولت نظرات كاميليا إليها و قالت بهمس
” آسفه .”
فقالت كارما محاوله ان تضفي جو من المرح
“لا يا حبي و لا يهمك انا اصلا كنت عايزه اجرب الايلينر الجديد اشوفه هيسيح ولا لا فكتر خيركوا بقي ”
فنظرت فاطمه لابنتها قائله يتهكم
“مانا بردو بقول طول عمرك جبله ايه اللي حصل و بقيتي فجأه عاطفيه كدا لا و بتعيطي دانا حقي ازغرط.. ”
فنظرت كارما الي كاميليا نظرة ذات مغزى ثم قالت بمزاح
” هي دي الحقيقه المره الي بتحاول تداريها ميغركيش جو أمينه رزق الي كان من شويه دي مقدمه بس و هتظهر شخصيه ماري منيب في الحموات الفاتنات كمان شويه. ”
فنهرت فاطمه ابنتهت قائله بحدة
“انا ماري منيب يا باربي انتِ طب وحياه امك ما حد غاسل المواعين غيرك النهارده.. ”
كارما بذعر
” حرام عليكي يا ماما طب و ضوافري ”
فاطمه بتهكم
” هقصهملك مع لسانك ان شاء الله يا قلب ماما”
” ايه يا جماعه في ايه ما تصلوا عالنبي هتضر…….بوا بعض…… يا دين النبي ايه الطلقه الروسي اللي في بيتنا دي يا جدعان !”
كان هذا صوت علي الآتي من الخارج مع غرام فوجد والدته و شقيقته يقفان مع تلك الغريبه الجميله فنظر إلي كارما قائلا باستفهام
“امال مين الصاروخ دي يا كارما ؟”
فاجابته فاطمه بدلًا عنها قائله بحبور
” تعالوا يا ولاد سلموا علي كاميليا بنت خالتكوا زهرة الله يرحمها ”
على بمزاح
“يخربيتها ”
-فاطمه بعدم فهم
“هي مين دي يا واد ؟”
على بمزاح
” خالتي ! ازاي يبقي عندها الحاجات الحلوة دي و تخبيها عننا ؟”
لكزته فاطمة في كتفه قائله بحنق
” خالتك ماتت يا حلوف انت بقالها ييجي 16 سنه”
فتصنع على الغضب موجهًا حديثه لكاميليا
” و انتِ يا ست هانم لما خالتي اتكلت من 16 سنه لسه فاكرة تيجي تشوفينا سيباني وسط رايه و سكينه دول لوحدي ؟”
