للحب فرصة اخرى برعاية التعلب بقلم مروة حمدى

لقاء الأبطال" فرصة أخرى للحب برعاية الثعلب" بقلم مروة حمدى يجلس وإلى جواره أخيه الذابل، ينظر له بتمعن بينما الأخر عيناه زائغة بالفراغ بصمت مطبق آثار بقلبه القلق عليه وسؤال واحد بات يؤرقه بمضجعه ... " هل كان العقاب قاسيٍ عليك يا فتحى إلى هذا الحد؟ أم أنها لوعه الحب وعذابه؟ أيعقل! أحببت علا لتلك الدرجه؟ حتى بعد مرور ثلاث أعوام!" قادته المحبة الغريزية لأخاه؛ فوضع يده على كتفه يشده اسفلها وكأنما يعطيه بعضا من طاقته علاّ ظهره المحنى بجلسته يستقيم وخرجت الكلمات المؤرقه على لسانه متسارعه بخوف حقيقى... "مالك يا فتحى؟! حاسس بايه؟" رفع رأسه له وبأعين انطفأت لمعتها اختلطت نظراتها بين العتاب ،الحزن، الكسرة ،الندم والأهم الوحده. أغمض عينيه بحزن عليه ليفتحهم سريعا ويده تشد من عضدهه وبصوت واثق بث كلماته لعلها تعيد بعض الحياة له وقد جلى للعيان انه بدأ يزهدها فاين هو فتحى السابق من الجالس إلى جواره الان من يهتم بلياقه جسده وملابسه، تصفيف شعره حتى حذائه إلى ذاك الجسد المتراخى الذقن النامى، الشعر الثائر بعكس صاحبه الراكد... " انا معاك يا فتحى ما تخافش، دى حالة مؤقته وعلاجها سهل بإذن الله" رفع نظره له وقد اسعرت كلماته الاولى كل حواسه... "انا معاك" اراد الصراخ بوجهه وعتابه بانه هو اول من تخلى عنه ولكنه آثر الصمت كعادته بالآونة الاخيرة. قرأ نظرته وفهمها جيدا، ليتجاهلها متابعا ... بقلم مروة حمدى " انا عارفك مش بتحب الدكاترة وبالأخص النفسى بس علشان نطمئن عليك وترجع فتحى بتاع زمان كان لازم نيجى، بص حواليك يافتحى وشوف الناس كل واحد عنده همه ال زاد عليه ومحتاج يخرجه مش معنى كده انه مجنون، لا بس محتاج يفصل تفكيره وحد تانى يوجهه وفؤاد دكتور شاطر هو حابب يدردش معاك شويه مش اكتر " "حمااااااااااااار" هكذا نطقها بها فؤاد وهو يتابع ذاك الحديث من كاميرا المراقبة بمكتبه، ليكمل بغيظ... _منبه عليه يجيبه ويجى يقعد معاه يتكلم يحاول يكسر حاجز الصمت ال عنده مش يقول ماتخافش مش لوحدك كله ضايع وانك مش مجنون لا سمح الله بس هنخليك عيل اهبل عايز حد يمسك دماغك ويقولك روح هنا وتعال هناك! نظر إلى ساعه يده بغضب متابعا: والبيه التانى ال قايله تعالى على الوقت وبلاش عادتك الزفت دى عدى نص ساعه اهو والبيه ولا هلّ! دلف المساعد" يا فندم ادخل كشف بقا، الناس زهقت! نظر له بغيظ: ده انا اللى زهقت، استنى نص ساعه، كمان ألاهى ربنا يوقف حال عياداتهم زى ما موقفين حال عيادتى... المساعد: دكتور، حضرتك بتتكلم عن مين؟ فؤاد: مين يعنى غير سى احمد و قاسم ، ياما نفسى اعرف دول نجحوا ازاى فى كليه الطب وبقوا دكاترة؟! هز كتفه له بعدم فهم يجيب بعفوية: زيك يا دكتور. ليتنهد الاخر: هى ذنوب وبتخلص انا عارف.. اكمل يشير بيده... - روح يا عوض، ولما اعوزك هرنلك. -الكراسى ال نبهت عليا افضيها ومخليش حد يقعد عليها لحد ما يجى دكتور قاسم ودكتور احمد، دكتور قاسم جه ودكتور احمد لسه، افك حجز الكرسى؟! -ايه يا عوض هى تذكرة قطر يا حبيبى روح زمانه جاى وماتدخلش حد الا لما اقولك واقولك مين. -يعنى كمان مش بالدور! -عووووض. -تحت امرك يا دكتور. خرج، ليتابع الأخر النظر إلى الشاشة أمامه، ليلفت انتباه أمرا ما، بسرعه يحرك يده على المكتب يبحث عن شئ وعيناه لا تنزاح عن الشاشة ، حتى اصطدمت بمفكرة أمسكها سريعا وأخرج القلم من جيب بذلته يخط به. بالخارج، فلتت تنهيدة حارة من صدره وقد صُمت أذنيه بعد تلك الكلمه " أنا معاك" وكأنها أغلقت عليها اكتنفت بها وتغشى من سماع الباقى. لتنتفض أوشاجه و يتوجه بسائر جسده باتجاه الباب المفتوح وقد استقطبت تلك الكلمة " أنا معاكى" كل حواسه مرة أخرى بفضول ليعرف مصدرها.. ** يمسكها بيد وبالأخرى يحاوطها من كتفها يساعدها على السير وقد قرر التخلى عن العصا أو الكرسى رغما عنها، تهمس له بخجل من حالها... " يا أحمد رجعنى او هات الكرسى من العربية بدل ما اقع" ‐متخافيش يا زهرة؛ أنا معاكى.. أطرقت برأسها لتحيط خصلاتها وجهها تخفى عنه معالم الحزن التى ارتسمت عليه وقد وضع أخاها يده على موضع حزنها، ألمها ووحدتها دون يدرى! اغماضها لعينيها بمحاولة واهيه لحجز تلك الدمعه التى توشك على الهبوط جعلها تتعرقل بخطاها توشك على السقوط ليتلقفها أخاها سريعا، يساعدها على الاعتدال، رفعت نظرها لأعلى تمررها على الجالسين أمامهم تستشف؛ هل سخر منها احدهم؟ هل رأى احد من الأساس ما حدث؟ لتوقف عيناها عليه وقد اصطدمت نظراتها به ودون إرادة منها تأملته ،لتعقد حاجبيها بحيرة لتلك النظرة المشبعه بالألم والاستجداء أفاقت على أخاها وهو يحدثها.. ‐بالراحه أقعدى على الكرسى هنا يا حبيبتى. منذ دلوفها وشئ ما يجذبه للنظر لها رغما عنه، ربما ذاك الاهتمام الرعاية الحب المحيط بها ممن يرافقها تلك الاحاسيس التى افتقر لها طوال الثلاث الأعوام المنصرمه.. رجفة سارت بقلبه وهو يرى ملامحها المقبضه عيناها المغلقة و تلك الدمعه التى تحاول أخفاءها، يسألها بعينيه: ما بك ولما هذا الحزن المرتسم على وجه فتاة كالزهرة برونقها حتى وهى ذابلة؟ اسمعى منى انا العاشق الخائن العاق المنبوذ المذنب بكل قصصهم لتعلمى كيف يكون الألم. "زهرة يا حبييتى، تحبى اجبلك حاجه تشربيها؟ محتاجه حاجه؟" هزت رأسها بنفى كإجابه غير واعيه بذلك المتابع لها الجالس قبالتها على بعد مترين وصدى أسمها يتردد داخل أذنه " زهرة" ابتسامه شاحبه صغيرة عرفت طريقها إلى وجه بعد فترة من الهجر وهو يحادث نفسه. " يظهر انى كان عندى حق زهرة وهى زهرة فعلا بس ياترى يا زهرة مالك؟ حالك زيى ولا ايه حكايتك؟" يرى الاهتمام الواضح ممن يرافقها ليتساءل من جديد... "يا ترى ده مين؟ قريبك، جوزك ولا أخوكى؟! وعند هذه النقطه عقد حاجبيه ليكمل حديثه الغير منطوق لايستمع إلى اى كلمه مما يلقيها أخاه إلى جواره على مسامعه. " ايه الحكاية يا فتحى، مالك مركز معاها اوى كده ليه؟" "فتحى، فتحى، انت معايا؟" نظر لأخاه يهز رأسه فقط بالايجاب ليعاود النظر إلى الأمام لتتلاقى النظرات من جديد ودقة صغيرة طرقت صدره، وتلك الابتسامة الصغيرة على وجه تلك الزهرة جعلت اشاحته لوجه بعيدا عنها بالأمر العسير. بينما هى ولا تعلم لما عندما استمعت إلى ذاك الاسم " فتحى" أعاد لها ذكرى من أيام طفولتها تلك الأوقات التى كانت لا تحمل بها هما ، وزرا أو خطيئة تدفع ضريبتها كل يوم بعمرها. " أم فتحى" لقب التدليل القديم الخاص بها لدى أخاها حينما يجاكرها ويرغب بإثارة حنقها، لتتنهد بصوت منخفض مرددة بصوت هامس... " ياليت تلك الأيام تعود" خرجت من شرودها على همس أخاها الواقف إلى جوارها بنزق يتمتم بكلمات لا تفهم مغزاها حتى اصطدمت نظراتها به من جديد لتشتعل وجنتيها خجلا أعاد إلى وجهها بعضا من لونه لتخفض عيناها سريعا لاسفل تزيح تلك الخصلة المتمردة وراء أذنها، بينما حنق اخيها زاد والاكيد انه لا يعنيها هى بل شخص ما، لا تعرفه. _ اقطع دراعى ان ما كان قاصد، وموقفنى زى قرطاس اللب كده والمفروض اسكت وانا شايف اختى بتتشقط من جنبى . بينما قاسم بالبدايه فرح بداخله عندما ابصر تلك الابتسامة الصغيرة على وجه أخاه ولكن نظراته المسلطه ببقعة ما جعلته ينظر هو الآخر ليبتلع ريقه بعدها، يرفع نظره إلى ذلك الواقف ليجده كما توقع مشتعل ويوشك على الانفجار ليتهرب بعيناه عنه يهمس... -الله يخرب بيتك يا فؤاد لو كنت قاصد ال فى دماغى! ... اكمل ناظر إلى أخيه...كفايه بحلقة أخوها تكه وهيولع فيا وفيك . عض طرف لسانه، متذكرا تعليمات الطبيب" فؤاد" بسرعه حاول إيجاد حديث او مبرر بتهته بكلماته الغير مفهومه ولكن أخاه لم يعره اى انتباه من البداية فقط عيناه تتطلع أمامه منفصلا عن ما يدور من حوله، ليصمت براحه اندثرت وهو يستمع لصوت ض*رب أحمد على الحائط خلفه بقبضة يده؛ ليض*رب على وجهه براحه يده يغطيه هامسا... " ما تتعدل يخرب بيتك جايبك مكتئب هروح بيك مقتول" بينما كلا الحائرين انتفضا على اثر صوت تلك الض*ربه ليتهرب كلا منهما بنظراته بعيدا عن الاخر مع حيرة داخليه جديدة، اشتعل فتيلها... زهرة: فى ايه؟ ايه ال بيحصل ده؟ انا حتى معرفوش! أطلقت تنهيده عاليه محملة بكل سنين الوجع متابعه وقد تذكرت مقتطفات من ذكريات مضت ترغب بمحوها من عقلها. "أيه، محرمتيش مستنية يحصلك ايه تانى؟" -ايه يافتحى، نزل عينك كده ما يصحش، يمكن متجوزة او مخطوبه! لا، لا مافيش دبلة. -ده انت مركز بقا، فوق لنفسك يا فتحى وكفايه ال عملته وحصلك بسببه! وخلف الشاشة الصغيرة يرتشف بعضً من فنجان قهوته بإستمتاع وعيناه لا تنزاح عنها بتركيز كأنه يشاهد فيلم سينمائي من تأليفه وإخراجه، لينطق بعض لحظات... "حلو اوى كده، يارب جوز التيران دول يفضلوا ماشين على التعليمات و لا يشغلوا دماغهم ويبوظوا الشغل، هههه بس ال شايفه انهم فهموا وقاسم قليله ما خد بوكس محترم من أحمد مكان أخوه، يالا اللهم اض*رب الظالمين بالظالمين علشان يتعلموا يخبطوا على الباب هما والطور التالت... وبابتسامه صغيرة ماكرة معروفه عنه، قرب الكوب من شفتيه وعيناه شاردة لذلك النهار بمشفى السلمى منذ يومين بمكتبه... -ايوه يا نونه، طب بذمتك انتى تعرفى عنى كده! ده خالد ده حبيبى ده انا ال مجوزهاله! -....... -ههههههههههههههههه، لا لا أوعى تفهمينى صح. "فؤااااااااااد" صرخ بها وهو يقتحم عليه باب مكتبه كقوات فض الشغب، جعله ينتفض بجلسته، ليقف سريعا ممسكا بسماعه الهاتف مبررا... -وغلاوتك عندى انا ماليش علاقه بحالتها دى ابداااااااا. ابطء بخطاه، نظر له بشك، يضيق عينيه.. -هى مين؟ فؤاد بسرعه أسعفه عقله... حنان، هيكون مين ؟ وحالتها الغريبة دى يا جدع الصبح تطلب محشى تفطر بيه ودلوقتي عايزة رنجا وحاجه أخر تلبك معوى... رفع السماعه على اذنه من جديد متجاهلا نظراته المشككه وصوت ضحكاتها العاليه من الطرف الاخر بعدما استمعت لحديثه كاملا... -خلاص يا حبيبتى ما تقلقيش هجيب الرنجا تكونى جهزتى الطحينة، مسافة الطريق، يالا فى رعايه الله.. أغلق معها وعاد للجلوس مرة أخرى.. ‐مش هتبطل يا بنى دخلة المخبرين دى لا رحمنى لا هنا ولا فى العيادة، حصل ايه ؟ خالد وهو لا يزال واقفا، متنفسا بغضب وحيرة وخوف بدأ يزحف له: ملاك. فؤاد: مالها موكا.. خالد بحده: فؤااااد. ‐مالها حرم الدكتور خالد الخديوى. -صحيت من النوم بتقولى يا أبيه.. أمسك ضحكة عالية أوشكت على الخروج، يستدعى جديته...اايه، ابيه؟ هو حصل ايه؟ -مش عارف يا فؤاد حقيقى مش عارف، انا انا... فؤاد بشماته لم ينتبه لها خالد وهويفرك قبضه يده بالأخرى: انت ايه يا حبيبى؟ -خالد بصدق: انا خايف. أنب ضمير فؤاد للحظات ولكنه تمسك بموقفه هامسا لنفسه: " هو ال بدأ، خد أخته عنده اسبوع قال وحشاه! ده على اساس انه مش قارفنا فى البيت ليل نهار ده انا قربت افرشله اوضه يبات فيها؟! يبقى يستاهل ومافيش غير كلمه ابيه ال تخليه يركز فى قارورته ويبعد عن قارورتى!" تحمحم بجلسته: من ايه بس يا خالد؟ ما تكبرش الموضوع يمكن ذلة لسان وعدت؟! خالد وهو يهز رأسه نافيا: لا دى صحيت من النوم، بقولها صباح الخير يا حبييتى قالتلى صباح الخير يا ابيه قولت زيك ذله لسان بس على الفطار تحت وقدام العيلة كل ما تكلمني يا أبيه ، يا ابيه؟ فؤاد يضم شفتيه حابسا لضحكاته بصعوبه ،يتخيل هيئته وقتها: وآمال عملت ايه؟ _ كانت هتولد من كتر ما هى كاتمه الضحكه زيك كده. انفلت منه ضحكات صغيرة ليصيح به خالد بنزق. -فؤااااااد. اعتدل بجلسته : طيب بالراحه كده اقعد قدامى واحكيلى ال حصل منك ومنها الأيام ال فاتت او لو كانت اتعرضت لحاجه خلت حالتها وصلت لكده... -خالد يتقدم منه يضع يده على المكتبه وبخوف جلى على ملامح وجهه: يعنى ايه؟ انت مش قولت أنها خفت! فؤاد وهوويجلسه بيده على الكرسى ويعود للجلوس مرة اخرى: ده حقيقى، بس.... خالد بسرعه: بس ايه؟ فؤاد: الاول احكيلى. خالد بنفاذ صبر: ما هو مفيش حاجه غريبة حصلت تتحكى! فؤاد: احكيلى خط سيركم اليومين ال فاتوا وبالذات انت. تنهد يؤمى برأسه يقص عليه يومه كقصة وعندما انتهى... خالد: أدى كل ال حصل، مافيش حاجه غير طبيعيه ده احنا حتى ما اتخناقناش! فؤاد: ده كله وتقولى محصلش حاجه! خالد: فهمنى تقصد ايه؟ وما تلعبش بأعصابى اكتر من كده. فؤاد وهو يهز رأسه باسف: هى كانت مشكلتها الخوف والاحتواء ومعاك حست بالأمان والحب ال كبرت عليه واتمنته بقا محاوطها فخفت بس لما الاحتواء قل...خالد مقاطعا...اقسم ما حصل... فؤاد متشدقا بسخرية: يا راجل اذا مكنتش لسه قايل الصبح شركه بعد العصر مستشفى وبالليل عندى وبعدها تروح تنام فين الاحتواء ده! هى بتلحق تشوفك اصلا!! خالد بتبرير: انشغلت فى الشركة علشان المناقصة ال داخلين عليها وغياب امير فلازم أسد مكانه ومكانى والمستشفى علشان اوقفها على رجليها ال هى اصلا بتاعتها! بعدين لما بجئ عندك مش لأجل جمال عيونك ده علشان اختى وحملها الصعب اطمئن عليها وبعدين هى بتكون عارفة وساعات كتير بتيجى معايا، يبقى ايه المشكلة؟ فؤاد بصدق: الوحده هى المشكلة...اشار بيده لخالد الذى أوشك على مقاطعته بأن يصمت ويستمع إلى النهايه متابعا... -حتى لو فى بيت عيلة وحواليك كتير طول ما الحبيب بعيد فالقلب وحيد، ملاك معندهاش حاجه متخافش هى بس بتلفت نظرك ان انت اهملتها وبتعاتبك بطريقتها.. خالد بفرحه : بجد يا فؤاد! فؤاد بلؤم: اه، بس خلى بالك لو استمر الوضع ده كتير عقلها الباطن ممكن يتمسك بالحالة دى ! خالد ببهوت: والعمل؟! فؤاد بغيظ لم يستطع إخفائه: ركز فى قارورتك وماتخافش على اختك يا اخويا هى مش متجوزه سوسن! ومسمحينك فى معاد كل يوم ال شبه دواء المغص ده بيتاخد على الساعه! خالد: فؤااااااااد. فؤاد بنزق: بلا فؤاد بلا نيلة رامى البت فى البيت لوحدها وزعلان أنها قالتله أبيه! اخر مرة خرجتها امتى؟ جبتلها هدية، شيكولاته حتى! روح راضيها واصبر اليومين دول... خالد: هى ممكن تطول؟! فؤاد:حبها ودلعها هتخف... خالد: ملاك انا مش بس بعشقها دى الهواء ال بتنفسه. فؤاد: فهمها وعوضها عن بعدك اليومين دوول. هز رأسه بصمت يقف من مجلسه، اقترب من الباب ليستدير برأسه باتجاهه وخاطرا مر برأسه وبصوت كالفحيح. " عارف لو طلع ليك يد فى ال هى بتعمله ده، وكانت شورى من شورك الهباب، انا هعمل فيك وفيها ايه؟!" ابتلع ريقه بصعوبه: برضه يا خلود،ده انت صاحبى يا جدع، لا كده أزعل منك. حاد بنظره عنه وقلبه لا يطمئن لتلك البراءة المريبة له والتى يرسمها على وجه. أوشك على الخروج ليقتحم أحدهم الغرفة بوجه مكفر يتحدث الى خالد دون النظر إليه.. -كويس انك موجود هنا يا خالد، محتاجك ضرورى، ما تمشيش. جلس على الكرسى قبالة المكتب: فؤاد. فؤاد: ياغلب فؤاد وحزنه، انت داخل زى المدفع كأنها اوضة نومك ما فيش باب تخبط عليه! وجه حديثه للاثنين وبجدية: افترضوا كان فى عندى حالة؟ طيب ولو الحالة عندها توتر أعصاب بدخله أمن الدولة دى ممكن من الخوف والتوتر ترمى نفسها من الشباك... اخذ نفسا عميقا يهدئ حاله وهو يرى نظراتهم له كأنما نبت له قرنين... اشار لخالد: قبل ما تقعد ونشوف النصيبه ال جايبها البيه وجاى اقفل الباب الله يهديك وياريت بستسمحكوا تخبطوا قبل ما تتدخلوا. أغلق الباب واستدار للجلوس ليفتح الباب مرة أخرى ويدلف منه قاسم مغلقا اياه خلفه يقف أمام المكتب: فؤاد. فؤاد ناظرا للباب: قفلته ليه يا حبيبى؟ ده انا بفكر اشيله خالص اصل مالوش لازمه وكده هيبقى اريح، ال معدى صباح النور وال جاى مساء الخير. قاسم: مش وقت هزارك ده يا فؤاد انا محتاجك فى موضوع مهم. فؤاد مشير بيده::اقعد جنب اخواتك.. احمد: فؤاد اسمعنى انا الاول ، انا جيت قبله. قاسم: هو طابور يا أحمد؟! على العموم أنجز علشان اخلص انا كمان، عندى عمليه كمان ساعتين. فؤاد : بالراحه واحد واحد اصل مش ورايا غيركم...أكمل هامسا لنفسه" كانت معرفة سوده" تابع بعدها بجديه: فى ايه يا احمد؟ -احمد بخوف جلى: زهرة. فؤاد وخالد باهتمام جلى: مالها؟ بينما قاسم اشتعل به الفضول، هو يعرف مقتطفات عن اخت صديقه وما حدث معها خلال تلك الفترة التى قضتها بالمشفى تحت رعايته هو وخالد وفؤاد. أحمد وهو يزفر نفسً طويلا محملا بهمومه: مش عارف ايه ال حصل؟! عملت بنصيحتك واخدت اجازة وقعدت وحالتها اتحسنت فعلا وخرجت من عزلتها وقربت من بنتها وبقت تتكلم وتحاول تمشى من غير عصاية وبتروح الجلسات العلاج الطبيعى وكانت أمورها كويسه بس وحده وحده بدأت ترجع تانى للعزلة اهملت جلساتها وقالت إن مافيش منها فايدة مع انها بدأت فعلا تمشى وهى بتتسند على الحيط من غير مساعدة من حد ورجعت تانى تقفل باب اوضتها عليها ولما بنغصب عليها تخرج ياتستخدم الكرسى او العكاز من غيره ممكن حرفيا تقع! ض*رب بيده على فخذه بحيره: مش عارف حصل ايه؟ كانت كويسة وخلاص قربت ترجع لحالتها الطبيعية؟ ايه ال حصل؟! مش عارف! قولت ارجع لخالد المتابع للحالة؛ يمكن يكون عندها مشكلة فى الأعصاب اثرت تانى على رجليها واجيلك اشوف رايك برضه... صمت فؤاد لثوانى ينقر بقلمه على سطح المكتب يرفع أحدى حاجبيه يذم شفتيه والثلاث أزواج من الأعين تنظر له بترقب، حتى حاد بنظره باتجاه خالد وقاسم وبحنكة طبيب وجه لهم سؤاله. _دكتور خالد دكتور الأعصاب ودكتور قاسم قسم الجراحه انتوا الاتنين كنتوا من المشرفين على حالة زهرة وال اجريتوا ليها العمليات فى ظهرها ورجليها، سؤالى ليكم : فى أخر متابعه ليها؟ كانت فى مشكله توحى بأنها على وشك انتكاسة؟ فى العموم الجراحه ال تمت ليها هل هى من النوع ال ليه مرحلة تانية من العلاج ودخول غرفة العمليات مرة أخرى؟! قاسم: لا زهرة مش من الحالات ال بتستدعى إجراء اكثر من عمليه على فترات زمنية وبعدين دورى كجراحه انتهى بعد آخر معاينه ليها بعد خروجها من غرفة العمليات بتلات شهور. خالد: انا بتفق مع قاسم فى أنها مش من النوع ال بيستدعى تدخل جراحى اكتر من مرة وبالنسبه لمراكزها الحيويه وجهازها العصبى فبعد متابعه سنه كاملة ما حولتهاش لدكتور العلاج الطبيعي غير وانا متأكد ان دورى معاها انتهى... صمت لثوانى وجه بعدها حديثه إلى احمد المستمع لهم بانتباه: ومن واقع خبرتى وتعاملاتى مع الحالات الشبيهه لحالات زهرة فإن المشكلة مش علاج طبيعى خالص كمان لان الجلسات ال بتاخدها مش كهربا زادت عليها وجات نتيجه عكسية لكن دى تمارين رياضية لتنشيط العضلات وفك تشنجها فبرجح ان المشكلة هنا نفسى مش عضوى يا أحمد... توجه الثلاث برؤؤسهم ناحيه فؤاد بانتظار رأيه، ليتولى هو دفة الحديث مباشرة... -وده ال كنت عايزك تسمعه وتتأكد منه علشان انت فى نقطه تاهت منك قبل كده يا أحمد وهى السبب فى ال أخته فيه دلوقت. احمد مبتلعا ريقه: اايه يا فؤاد؟ -اختك من البداية خالص مشكلتها نفسيه مش عضويه وانا منبه عليك ماتسبهوش لوحدها ولافكارها. أحمد بتبرير: كلنا حواليها يا فؤاد. فؤاد: كنتوا حواليها يا أحمد وده ال خلاها اتحسنت، فى البداية كنت بجي البيت عندكم لرفضها الخروج وكلامها كان قليل بسبب احساس الخجل من ال عملته فى نفسها وفيكم ووقتها انا انسحبت وتابعت من بعيد وحطيتك انت والدك ووالدتك فى الصورة ودى الحاجه ال كانت محتاجها فعلا و ده حسسها ان مكانها لسه موجود وسطكم. أحمد: وده ما اتغيرش. فؤاد: اتغير يا أحمد وانت اول دليل بدايه من خطوبتك ببنت الجيران هدى وانشغالك بيها ده خلاك واحده واحده تنسحب من حياتها، مامتك انشغلت بباك والوعكه الصحية ال جاتله وهى محبتش تشيلها همها، بنتها ال بمجرد ما مرات أبوها ولدت وهى طول الوقت لاصقه لاخوها وبقت بتسحبها سحب علشان تيجئ تشوفها والبنت طول ما هى موجوده زى ال قاعد على قشر بيض، فده خلاها تبطل تطلب منها أنها تيجى لحد ما هى تيجى لوحدها زى الأول أو على الأقل حد يفهم رقيه ان مامتها ليها حق عليها زى بباهها وأخوها ماليهم حق وللأسف محدش اهتم من الأساس، طليقها ال عاش حياته واتجوز وخلف واستقر وهى ال حياتها وقفت من وحده طموحها عالى لوحده بتتسند علشان تمشى، كله كمل حياته الا هى ده خلاها ترجع تحس بالوحده وسطكم لتانى مرة بس المرة دى أصعب لأنها شايفة نفسها مذنبة ومالهاش حق تتطالب لا بحقها فى حب اخوها ولا بنتها ولا اهتمام بباهها ومامتها او حتى نظرة حنين فى عنين طليقها. احمد: بتبقى ظروف يا فؤاد غصبا عننا يعنى انا كنت بجهز شقتى، بابا وتعبه، رقيه وعيلة فرحت بلعبه صغيرة بتتحرك بين ايديها الدنيا تلاهى! -وده الحل! -يعنى ايه؟ -زهرة محتاجه دنيا جديدة خاصة ييها تكون فيها هى الملكه، زوج بيت أسرة، احمد اختك سبب مشكلتها حساسيتها للحب وعاطفتها الزيادة، زهرة محتاجه حب فى حياتها! -ما تعقل كلامك يا فؤاد، عايزنى ادلل على اختى وقال عايزين حد يحبها؟! -لا طبعا، احنا بس الاول هنخرجها من قوقعتها بالاجبار وتخفوا من قدامها الكرسى والعكاز وحاجه تانى مهمه الشغل لازم ترجع تشتغل ... اكمل بهمس داخله " وده هيجيب ده" -ازاى بس بحالتها دى؟! -اون لاين، شركات كتير بيحتاج موظفين اون لاين. نقر بالقلم على سطح المكتب بحماس لفت انظارهم: لاقيتها... خالد بهمس: استتتتتر.. فؤاد موجها حديثه لقاسم : انا فاكر ان اخوك عنده محل كبير خاص بالأجهزة الكهربية ، نكلمه يمسكها الحسابات اون لاين كمحاسب شغال عنده بس اون لاين ومش عايزين منه مرتب يبقى يدفعه احمد من جيبه وهو يفكر يكمل مع مكتب المحاسبة ال بيتعامل معاه عادى هو بس يساعدها تتعود تانى تتعامل مع الناس. احمد سريعا: وانا موافق انشالله اديله هو كمان مرتب على الاقل هكون مطمئن عليها مع اخوك، انا بعد كلام فؤاد اخاف عليها تتعامل مع اى حد! ممكن بسبب حالتها تتعلق بحد يأذيها تانى زى الله يجحمه فى تربته جوزها التانى... فؤاد: فعلا، ده حقيقة! قاسم منكس الرأس يزفر بهم وثقل اعتلى صدره: ما هو ده ال انا جايله بخصوصه يا فؤاد، فتحى أخويا! _. هو فى حاجه ولا ايه؟ _بصراحه، انا حاسة داخل على اكتئاب او هو اكتئب اصلا وخايف تفكيره يوصله يأذى نفسه بأى شكل. -للدرجه دى!! هز رأسه بالايجاب. -طب وياترى فى سبب محدد للى حصل انتوا عارفينه، ولا الموضوع جه فجاءة كده؛ انا من تعاملى القليل معاه ، خدت بالى انه شخصية مرحه منطلقه بتحب الحياة والنوع ده صعب يوصل للى بتقوله الا اذا كان فى تراكمات او حاجه كبيرة حصلت. قاسم مبتلعا ريقه: الاتنين! فؤاد: حصل ايه؟ صمت قاسم يحاول تجميع أفكاره فالمشكلة عائلية شائكة لا يجب النبش بها بعد أن ردمت بصعوبه. احمد بحرج: طب استأذن انا دلوقت واجيلك بعدين نكمل كلامنا يا فؤاد. خالد: خدنى معاك يا أحمد. قاسم: اقعدوا يا جماعه ، الفكرة انى مش عارف ابدا من فين؟ فؤاد : من النقطه ال تريحك بس خلى بالك كل كلمه هتخرج منك هتساعدنى اكتر فى تحليل ال حصل... اخذ نفسا عميق يهز رأسه بالايجاب بعدما قرر ذكر العناوين الرئيسية للمشكلة واثقا فى قدرة فؤاد على تحليل ما بين السطور. قاسم: فتحى كان بيحب بنت من العيلة ومتعلق ييها واتقدم كتير وهى ترفض بسبب فرق تعليم وحاجه تانية مشاعرها مكنتش ليه هو ولحد تأنى فى الوقت ده فقرر شيطانه و هداه انه يمسك عليها ذله، فاتسبب لها بمشكلة مش مقصودة بمساعدة بنت تانية و الموضوع انتشر وبالعافية اتلم وكان العقاب انه يبعد خالص عن البنت دى وعن اى تجمع عائلى وكمان اتسحبت منه صلاحيات كتير زى المحل ال فاتحه بقا يشتغل فيه زيه زى اى عامل، ده غير اننا فى البيت الكلمه معاه على القد. فؤاد: والعقاب الجماعى ده بقاله اد ايه؟ قاسم: تلات سنين! فؤاد: تلات سنين ومستغرب انه بالحالة دى! عزلة وحبس انفرادي واهانه قدام الصنايعية والامر ما يخلاش من كلام يسم البدن من وقت للتانى ونظرات كلها اتهام واحتقار. قاسم بتبرير: بس حاولنا فى الفترة الأخيرة نقرب منه تانى. فؤاد بحده: بعد ايه يا قاسم؟! لما خفتوا يم*وت نفسه، تلات سنين! هان عليك اخوك الوقت ده كله! ايا كان ال عمله ايا كان غلطه! ليه تنبذوه كده؟ خير الخطأين التوابين يا قاسم. قاسم بخوف: والعمل يا فؤاد! أطلق زفيرا عالى تابع حديثه بعده: زهرة وفتحى الاتنين بيعانوا من الوحده واحده فرضتها على نفسها من كسوفها من ذنبها ال تابت عنه وسامحتوها عليه والتانى اتفرضت عليه بسبب ذنبه ال محدش قابل توبته منكم، الاتنين محتاجين احتواء منكم وحب من غيركم لانه للأسف حبكم بالنسبهالم أصبح مهزوز محتاج وقت علشان يرجع يقوى... صمت لثوانى لتلتمع عيناه بوضوح جلى هاتفا: لقيتها. خالد لنفسه: ااااستر يارب. قاسم واحمد فى نفس التوقيت: ايه؟ زهرة وفتحى يجوا العيادة هدردش معاهم وبعدها هدخلهم جلسات علاج جماعيه. احمد: بس.. فؤاد مقاطعا: من غير ما تبسبس اختك اكتر وحده هتستفاد لما تسمع بلاوي غيرها وبعدين انا لسه قايل عايزين نطلعها من ال هى فيه انشالله حتى بالاجبار وبكده هتكون اولى خطوات تعامل مع العالم الخارجي قدام عنينا... احمد بإقتناع: اجيبها امتى؟ فؤاد: بعد بكرة الساعه ٨ قاسم : وفتحى! انا مش عارف اذا كان هيرضى يجئ معايا ولالا؟! فؤاد: هيجى طول ما انت ال هتجيبه، سبب ال هو فيه بسبب بعدكم عنه فلما تقربله خطوة هيقرب هو اتنين. قاسم: اجيبه امتى؟ فؤاد: بعد بكرة الساعه٧.٣٠ وحاجه مهمه انتوا الاتنين هيتصادف وتتقابلوا، اوعوا تسلموا على بعض قدام اخواتكم واتصرفوا كانكوا ماتعرفوش بعض. احمد بشك وقاسم بريبه: ليه؟! فؤاد وهو يهز كتفيه بلا مبالاة: هجمعهم فى جلسات علاج جماعيه فأكيد لو كل واحد عارف التانى وان فى احتمال ولو واحد فى الميه ان كلامه يوصل لاهله، مش هيتكلموا بصراحه ومش هيتحسنوا! هزوا رأسهم باقتناع، ليكمل من جديد. -وحاجه تأنى طول ما انتوا معاهم وبالذات فى العيادة تكرروا كلمه انا معاك/انا معاكى كتير. احمد/قاسم: ليه؟ فؤاد: يادى النيلة عليا، علشان الكلمه دى هى عكس الوحده ال هما فيها الكلمه ال محتاجين يحسوها ويسمعوها ...اكمل هامسا لنفسه "وال هتكون الشرارة ال هتنور قلوبهم من تانى" اجلى صوته متابعا: ويالا اطرقوا على مكاتبكم؛ صدعتونى... خرجوا تباعا ماعدا خالد ظل ينظر له بحاجب مرفوع والاخر يتهرب بنظراته فى جميع الاركان ماعداه... خالد: من الاخر ناوى على ايه يا تعلب؟ فؤاد بوجه حمل: ف ايه؟ خالد: مش عليا الوش ده، ناوى على ايه؟ فؤاد بصدق: كل واحد فى الدنيا دى من حقه فرصة تانية وتالته ورابعه وانا هديهم الفرصة دى... خالد بضحكه صغيرة وهو يقم من مجلسه: كنت حاسس ان جلسات العلاج الجماعيه دى وراءها حاجه، اصلك طبقتها قبل كده. فؤاد بضحكه صغيرة علق بأثره: وبتنجح دايما يا صحبى... ما انتهى حتى صدح رنين هاتفه، لتعلو ضحكاته وهو يقرأ الاسم الظاهر على الشاشه " ملاك خالد" معلقا فى وقتك. أجاب على الاتصال.. ‐الو، اهلا بمدام خالد عامر الخديوى. -..... -لا دى تعليمات جوزك، أصله بيغير. -...... -لا، جو السكوت والنحنحه والوجنة المشتعلة مش وقته ، اسمعى وركزى فى ال هقوله، جوزك ماشى يكلم نفسه وهو ده المطلوب بس مش عارف ليه شاكك فيا وفيكي وأنه مقلب منى يالا ربنا يسامحه وعلشان شكه ده مايبقاش يقين هتهدئ اللعب شويه وكل ما يدلع ويلطف تخفى من لبانه أبيه يعنى فى يومين بكتيره وترجعي لطبيعتك ، عجبك الوضع وسوقتى فيها انا غير مسئول عن طقم أسنانك ال هيوقعه فى ايدك.. ‐ .... ‐شاطرة، يالا انا كده عملت ال عليا، ربنا يهنيكوا يا أولاد، مع السلامه... عاد من شروده يمسح دمعه وهمية بتأثر يطبطب على كتفه متمتا: انت الشمعه التى تحترق لأجل الآخرين يا فوفو. قام باستدعاء المساعد الخاص به، ليدلف على الفور. -دخلى اول كشف مدام زهرة وعايزك تلغى بروتوكول الادب ال علمتهولك بالعافية لثوانى وتنادي بعلو صوتك وتقول مدام زهرة تتفضل. -بس دى مش اول كشف؟! فؤاد جازً على أسنانه: عوض اعمل ال بقولك عليه. -حاضر لما نشوف اخرتها. ض*رب فؤاد كف بالآخر عقب خروجه " انا هلاحقها على مين ولا مين بس يارب" عاد للشاشة مرة أخرى ، قام بتفعيل وضع الزوم على وجه فتحى مراقبا بتركيز وهو يشاهد للعجب عوض يقم بتنفيذ تعليماته بأدق حذافيرها، ليبتسم بنصر وهو يراقب تهجم ملامح فتحى وازديادها قتامة عقبما انتهى عوض من المناداة. "انا قولت لضمت من اول ما دخلت والبت اتكسفت" أطفأ الشاشة واعتدل بجلسته منتظرا قدومها، ليدلف معها احمد ليطلب منه الانتظارخارجا ليبقى جوار الباب وبالداخل فؤاد يحادثها بأمور شتى بعيدا عن مشكلتها الأساسية حتى تعتاد على الحديث بالبداية. بعدما انتهى معها وبعد خروجها أخرج ورقه مدون عليه رقم هاتف " على" طليق زهرة وزوجها الاول بعد أن طلبه من أحمد. طلب الرقم ووضع الهاتف على اذنه منتظرا الرد من الجهة الاخرى ولم يطل الانتظار. على: الو، مين ؟ فؤاد: الو، مساء الخير يا افندم معاكى دكتور فؤاد المتابع لحالة مدام زهرة طليقه حضرتك. على بحيرة: اهلا بحضرتك يا دكتور، خير. فؤاد: كل خير، انا كنت اتكلم مع حضرتك بخصوص حالة زهرة الفترة دى. على: وانا دخلى ايه؟ فؤاد: ازاى؟ هى والدة بنتك وبالأخص ان الموضوع متعلق برقيه كمان. على: رقيه! مالها رقيه؟ طريقته بالرد، نبره صوته ملامح وجهه الحائرة جعلتها تقترب منه تجلس إلى جواره تسأله بصوت هامس قلق. -فى ايه؟ ليشير بيده لها بالصمت، يقم بفتح السماعه الخارجية للهاتف، ليتابع فؤاد حديثه من الجهة الاخرى. فؤاد: اسمحلى اخد من وقتك دقايق افهمك اساس الموضوع. على: اتفضل، انا سامعك. قص عليه مقتطفات من حالة العزلة التى تسجن زهرة حالها بها كذلك بعد ابنتها عنها وما تسبب من ضرر وازدياد لحالتها النفسية سواء مكملا بعد ذلك. وحضرتك دلوقت فى خدمه صغيرة انا بطلبها منك وكل ثقة من كرم أخلاقك ال سمعت عنه كتير انك تنفذها وصدقنى هتساعد كتير اوى فى تحسن حالة زهرة. -ايه هى؟ -تتكلم مع رقيه بالراحه تفهمها ان زى ما اخوها ليه محبه خاصة بيه كمان والدتها ليها محبه ما ينفعش تيجى على حاجه قصاد حاجه كمان قطع صلتها بوالدتها سبب وجودها فى الدنيا غلط ربنا هيزعل منها علشانه. صوت شهقة عاليه أتت من الطرف الاخر جعلته يصمت عن الحديث. هند: انا ال غلطانه ما اخدتش بالى كنت فرحانه بحبها لاخوهاوتعلقها بيه وراح عن بالى أنها اهملت والدتها. دكتور، انا هند زوجه على وأم رقيه التانية ينفع انا اقوم بالمهمة دى! على بابتسامه تفيض عشقا لتلك الزوجه التى وضعها القدر بطريقه كبلسم لكافة جروحه يحيطها بذراعه مقربا اياها منه: هنتكلم سوا يا هند، المرة دى انا ال لازم احاول أصلح الشرخ ال بين رقيه وزهرة. فؤاد: كويس اوى وياريت فى اسرع وقت وبعتذر لو تسببت فى ازعاج. أغلق الهاتف يتنهد " وادى تانى خطوة تمت يا ست زهرة " استدعى عوض وطلب منه دخول فتحى إليه. بينما بالخارج حزن جديد اعتلى قلبه لا يعلم سببه منذ وقوع كلمه مدام على اذنه وتخمينه بأن من يرافقها هو زوجها، خرجت من لدى الطبيب ووقف أخاه يحثه على النهوض لتتلاقى النظرات من جديد الخجلة مع المتحسرة وبعدها كلا سار بطريقه. دلف فتحى وطلب فؤاد من قاسم ان ينتظر خارجا، تحدث معه بأمور شتى ولم يتطرق معه هو الآخر بأى مواضيع خاصة بمشكلته. بعد يومين من تلك الاحداث وبالعيادة يجلس فى انتظار موعد تلك الجلسه الجماعية وإلى جواره أخيه، عيناه على الباب ينتظر بلهفة وهناك صراع يقام بداخله ظن ان لا أحد يشعر به لا يعلم بأن تلك الأعين إلى جواره كميكروسكوب تلتقط اقل انفعاله تصدر عنه كذلك زوج اخر من خلف شاشة يتابعه بعيناى الثعلب. -ايه يا فتحى؟ مالك ملهوف كده ليه؟ ليه بتدور لنفسك على وجع القلب، متجوزة متجوزة، مهمها كانت عيوبك يابن الناس عمر الخسة ما كانت منها ليخفض عيناه أرضا بحزن لايعلم ماهيته. لتدلف بتلك اللحظه بجوار أخاها وقد استعاد وجهها بعض من لونه، وكيف لا وقد فأجاتها ابنتها رقيه بالأمس تطرق على باب غرفتها ترتمى بأحضانها وبعدها قضت الوقت معها يتسامران يلعبون يشاهدان التلفاز سويا، كذلك هناك أمرا ما خاص بتلك الأعين جعلها تنتقى ردائها بعنايه ولا تعلم لما. تلك المرة لم يتحدث احمد بل اجلسها بهدوء بالمكان الفارغ ومن الواضح انه متعمد فهو نفس موقع المرة السابقه كذلك لا يوجد له مكان ليكور قبضة يده، بينما قاسم من هيئة احمد أثر الصمت هو الآخر ولم يتحدث. من خلف الشاشة وبعناد طفولى" طب على فكرة هما هيعرفوا بعض من غير اى مساعده منكم يا جوز تيران، السلك لمس خلاص" بالفعل رفعت عيناها بعد جلوسها وقبل ان تدور بها اصطدمت به منحنى راسى، رعشة خفيفة سرت بجسدها وعيناها لا تنزاح عنه وهو على حاله. لكزة خفيفة إصابته بقلبه وصوت هامس بعقله يحثه على الإنتباه ليرفع عيناه فجاءة لتصطدم بتلك الزيتونه ليعتدل بجلسته سريعا وسؤال جديد طرحته عيناه. " من أنتى؟" أتى المساعد وبناء على تعليمات من فؤاد طلب منهم ومن مجموعه أخرى للدخول إلى أحد الغرف وقد كان الأمر مفاجئة لكليهما تحت حنق أخاها وتخوف أخاه من القادم. اوقفها اخاها لتعتدل بحرج. -ثوانى، انا هقوم...قالتها بصوت هامس له وبالفعل خطت اولى خطواتها لتتعرقل وقبل ان تسقط تلقاها اخاها ولكن هناك زوج اخر من الازرع امتد لها لترفع عيناها لصاحبهم مع سماعها لصوته لأول مرة " حاسبى يا زهرة" دقة ض*ربتها بعنف جعلتها تختبئ بين ذراعى اخاها ليتجاهله راحلا بها. قاسم له: روح يا نحنوح وراهم. فتحى: ايه؟ قاسم وهو يشير عليهم: وراهم، الجلسة جوه وانا هستناك هنا. هز رأسه بصمت ليتابعها مره آخرى بعينيه وجسده متحفز. بداخل الجلسة اجلسهم فؤاد وأتت الصدفة للمرة الثانية بجلوسها امامه، سبحان الله! فؤاد: مساء الخير طبعا انتوا عارفينى انا دكتور فؤاد واكيد انا عارف كل واحد فيكم بس التانين ميعرفهوش فعلشان كده هنتعرف كلنا على بعض من اول وجديد. انا فؤاد وعندى ٣٦ سنه متزوج وعندى ولدين والتالت فى السكه. تحدث اثنين ليأتى الدورعلى زهرة التى صمتت بحرج وخجل لا يزال يكتنفها من التعريف عن نفسها. فؤاد: زهرة احنا مستنين نتعرف عليكى. ابتلعت ريقها وهى تزيح تلك الخصلة بلون البندق خلف أذنها تشعر بأن جميع الأعين مسلطه عليها لا تعلم أن أحداها بالفعل ينتظر سماعها بفارغ الصبر . بعد ثوانى... فؤاد بهدوء و إصرار: زهرة. زهرة: زهرة، ٢٨ سنه ارملة ومن قبلها مطلقه وعندى بنت. لم يعلق او يسخر احد كما ظنت لترفع عيناها تتأكد لتصطدم بلمعه مع ابتسامه ملت شدق ذاك البائس لتراها لأول بمرة لتضحك هى ضحكه صغيرة على سؤاله الذى خرج منه عفويا ولكنه كان كافيا ليشعل وجنتيها. -اومال مين ال معاكى بره ده. لتجيب سريعا: أخويا. اتسعت ابتسامته اكثر حتى كادت ان تقسم وجه. فؤاد بهمس " يا حبايبى ده انا لسه بقول يا هادئ" ليتحدث فتحى مرة أخرى قبل أن يسبقه أحد كأنه يخصها هى بهذا التعريف. -فتحى، ٢٩ سنه مش متجوز. نغزة اصابتها فهو الاعزب وهى الأرملة لا تدرى بأن هناك طفل صغير داخله الان يقفز ويتمايل بسعادة. انتهى التعارف ليبدأ فؤاد بسؤالهم عن مجال عملهم او تخصصهم. أتى الدور على زهرة: انا كنت شغالة فى شركة وبسبب حادثة قعدت فى البيت وبالاساس انا خريجه كلية تجارة. فتحى سريعا: انا عندى محل أجهزة كهربائية ومحمول بشتغل فيه...صمت لثوانى فهو لم يكذب بهذا الشأن فلقد طلب منه أخاه العودة لإدارة المحل ولكنه لم يجبه والان سيوافق بالتأكيد وسيعيد تنظيمه ومراجعة كل دفاتر عمله الخاصة بتلك الفترة التى قضاها كعامل لتض*رب تلك الفكرة برأسه. -مدام زهرة. رفعت عيناها له ولا تصدق انه يخصها هى...تابع. -انا كنت بعيد فترة عن الشغل والحسابات ومحتاج حد يساعدني حد ثقه، تقبلى تكونى المحاسب الخاص بالمحل ؟ فؤاد يتشدق بسخريه: من اول جلسه يا فتحى طب كنت اصبر للتانية شكل م*وتى انا وانت على يد أحمد. حسنا هى فقط كلمه ثقه التى جعلتها تحدق له بأعين متسعه وفاه مفتوح قليلا كالاطفال جعلها شهية بعينيه، بينما هو لا يعلم كيف ولكنه يشعر باتجاهها بثقة، ألفه وارتياح . طال صمتها ليهز رأسه لها يؤمى بعينه يحثها على الموافقة. لتشير بيدها على قدمها. ليبتسم بسمه خفيفة مجاوبا: اون لاين. وبأعين امتلئت بالرجاء تحثها على الموافقة هزت رأسها بشكل تلقائي. انتهى الجلسة بتعرف الأعضاء والأحاديث عن هواياتهم ومواضيع شتى بعيد عن مشاكلهم الأساسية . بمعاد الجلسة التالية أتى بخفة طائر يحلق بسعادة حليق الذقن بشوش الوجه يشع نظارة وخصلات شعر مهندمة بعناية ملابس منقاة بعنايه وعطر نفاذ مداعب للانف يبرز شخصية صاحبه. قاسم إلى جواره سعيد للغاية وهو يرى أخاه يركض على طريق عودته ركضا. ينظر إلى ساعة يده فى انتظارها، فاليوم سيتفق معها على العمل سيتسنى له اشباع عينيه من زيتونيتها، مشاعر كثيرة تض*ربه لا يفهم ماهيتها ولا يرغب بايقافها. دلفت إلى جوار اخاها الممسك بكف يدها فقط بناء على رغبتها بالاعتماد على نفسها بالسير وقد أسعده ذلك كثيرا لتقع عيناها عليه وابتسامه صغيرة خرجت تلقائية حيته بها ليجيب هو بأخرى اكثر اتساعا جعل وجنتيها تكاد تشتعل خجلا وبحركه مفاجئة لها ولاخويهما، قام من مجلسه متوجها إلى اخاها. -مساء الخير، انا فتحى. -مساء النور. -انا كنت طلبت من مدام زهرة أنها تمسك شغل المحل اون لاين فأنا بطلب نفس الطلب مرة تانى قدام حضرتك لإظهار جديتى والمرتب ال هى عايزاه انا مستعد ليه. فؤاد من خلف الشاشة: لاااااااااااعيب يا فتحى، كبسته. أحمد كبركان يوشك على الانفجار كاتما غيظه وهو يخرج تلك الورقه يخط عليها ثم وضعها بين يديه بغيظ... -ده الايميل بتاااااعى... اتكئ على حروفه....تقدر تبعت عليه وبالنسبه للراتب مش هنختلف. وبتلك اللحظه تقدم منهم عوض بأمر من فؤاد يحثهم على الدلوف بعدما خشى على فتحى من غضب احمد كذلك قاسم المتابع بتحفز. امسكها يرفعها وقبل ان يخطو بها.. زهرة بهمس: ممكن اجرب امشى لوحدى. احمد: لتقعى. زهرة وعيناها لا إراديا انتقلت نحوه: حاسة انى المرة دى مش هقع. كطفل صغير تعلم السير حديثا صارت وهو خلفها يضع يديه فى وضع الاستعداد ما إن تعرقلت واخاها اخر الرواق حاد عن مراقبته لاخته إلى مراقبته هو وذاك الأهتمام الجلى الواضح عليه، لتخرج ابتسامه صغيرة خافته فماذا يريد اكثر من ذلك واخته تسير على درب استعادة ثقتها بنفسها من جديد. داخل الجلسة وتلك المرة بدأ فؤاد حديثه عن الدنيا والأخطاء التى تصدر دون قصد وبقصد. طرق الرجوع طرق السماح طلب الغفران الآثار التى تحفرها داخلنا، كان الجميع يستمع له بانتباه حتى طلب منهم الحديث عنهم وما يؤرقهم وان من يرغب بالحديث فليتفضل. تحدث الأعضاء عن مشاكلهم ماعدا ثلاث فتحى زهرة واخر... انتهت الجلسه على موعد بأخرى وما بينهما تواصل فتحى مع زهرة وأرسل لها الملفات وتأرق بمضجعه من جديد وسؤال يطرق عقله بقوة ، ترى لو عرفت ماضيه كيف ستراه بعدها؟ ليقرر الحديث أمامها لن يخفى شيئا سيراقب ردود أفعالها فتلك الزهرة أصبحت مهمه له وللغاية سيذكر مبرراته وقتها سيقر بذنبه واعلانه لتوبته. بقلم مروة حمدى بينما هى لا تقل حالا عنه ونفس السؤال يجلدها: لو علم بأخطاءها هل ستمحو تلك النظرة من عينيه؟ هل تخبره؟ أم تلتزم الصمت ولكنها افاقت سريعا ناهرة نفسها بأنها عوقبت بما يكفى ستتحدث نعم اخطأت ولكنها ندمت واشد الندم لن تستجدى نظرة عطف من أحدهم من يهتم بها يتقبلها كما هى. -يتقبلها، ولكن كيف وهى ذات الزيجتين وهو الشاب الذى لم يتزوج قط ، ليعتلى الحزن وجهها وهى تتوجه برفقة اخاها إلى الجلسه. بقلم مروة حمدى أثناء الجلسه، صامته حزينه خائفة وهو القلق ينهش قلبه عليها لا يعلم سر حالها لم ينتبه الاثنين الذى يتحدث عن مشكلته ولم يشارك باقى الأعضاء لا هو ولاهى بطرح حلول او تعليق كما المرة السابقه وريثما انتهى فؤاد من نصحه. فتحى: انا عايز اتكلم واقول كل ال جوايا يا دكتور وياريت تسمعوني...صمت لعيناها التى رفعت له بانتباه ليكمل برجاء... وياريت متستعجلوش بالحكم عليا... قص كل ما يعتمر قلبه عن ذنب اقترفه بحق ابنه عمه، وماذا كام ينوى وإلى ما حدث بعدها العقاب الجماعى قطيعه أخته له ولكنها بالايام الماضية تواصلت معه من جديد تدعوه لمنزلها وقضاءالوقت مع أولادها لأول مرة. شعرت بالمرارة بحديثه لتتحدث :مش انت لوحدك ال غلطت يا فتحى. -سماعه لاسمه من بين شفتيها لأول مرة جعل طبول الحرب تض*رب أضلعه لتكمل: انا كمان غلطت ويمكن ذنبى اكبر من ذنبك اغمضت عينيها تشرد لأيام جامعتها الأولى علي زوجها وكيف تزوجته ولما وعادل وتعرفها عليه وتركها لزوجها وابنتها لاجله وما فعله معها من أمور وحشية حتى الحادث الذى تسبب بم*وته وجعلها قعيدة، ومع اخر كلمه نطقت بها تحدث هو سريعا... فتحى: على قد ما غلطتى على قد ما كنتى ضحيه يا زهرة، تربية أصحاب وضع مشاعر جديدة جربتيها من غير ما تلاقى ال يوجهك ويعلمك. مسحت دموع عينيها وبصوت متحشرج : وانت كمان يا فتحى تلات سنين عقاب جماعى مده كفاية للتفكير عن ذنب وسع غصب عنك انت مكنتش تقصد أن الفيديو ينتشر كده، انت كنت بتحبها والحب عماك. فتحى: يعنى منزلتش من نظرك. زهرة: انا نزلت من نظرك ليهز كلاهما راسهما بالنفى فى نفس التوقيت. فؤاد وهو يلتقط أنفاسه براحه: كده الجلسة خلصت ومن هنا ورايح الجلسات مش هتكون فى العيادة. بهت وجه الاثنين وتعلق نظرهم ببعضهم ليشفق عليهم فؤاد متحدثا سريعا. -هتكون فى نادى الجزيرة مرة بالليل مرة بالعصر على حسب ما هنتفق ومجموعه مجموعه هختارها بنفسه. كان على وشك القيام وتقبيل فؤاد من وجنته وهو يضع اسمه مع زهرة فى مجموعه يوم الجمعه عصرا. حنق احمد لم يمنعه من المجى والجلوس على طاولة قريبه منهم وفؤاد واخته وفتحى واثنين اخرين على طاولة يتحدثون كرفقاء. انتهت تلك الجلسة لتاتى آخره ضم بها فؤاد فتحى زهرة وثالث بعدما طلب فتحى من قاسم الا يرافقه محتفظا بعذره لنفسه، فهو لا يرغب بالظهور كطفل يحتاج إلى رفقة أمامها. وبالجلسه الأخيرة كان فقط فتحى زهرة وفؤاد واحمد يضع الهاتف على اذنه يسب ويلعن قاسم واخيه وقاسم يستمع بصدر رحب يكتم ضحكاته. -الحق ده قام وسابهم وعامل نفسه رايح يتكلم فى التليفون، ده ناقص يبعتلهم اتنين ليمون! "ده بعت فعلا" قالها تزامنا مع مرور النادل من جواره يضع الاكواب امامهم، لتصدح ضحكات قاسم عالية -اهدى يا ابو نسب انشالله، من الجلسة ال فاتت لما فؤاد اتكلم عن معرفتنا قدامهم وفرحه فتحى اليوم ده وسؤال عنك وعنها وال اعرفه عنكم هتعرف ان الموضوع جد وتقريبا هيفاتحها فيه انهاردة. -يعنى طبخينها انت وفؤاد. - احساسى وبعدين هو التعلب بيقول حاجه، بس يا أحمد انا عايزك تعقل وتسيبهم اهم قدام عينك بيتكلموا اعتبره عريس متقدم،أركن حميتك وشوف اختك دلوقت ومن شهرين فاتوا. وعلى طاولة العاشقين، تبتعد بنظراتها عنه بعدما تركهم فؤاد وبدون مقدمات. -تتجوزينى. سعادة جلت عليها ولكنها اندثرت سريعا" انا متجوزة اتنين قبل كده" -وانا الاخير. -اهلك هيرفضوا. -متشوقين يشفوكى وبعدين ده احنا طلعنا معرفة...ختمها بغمزة. -وال عملته زمان. -اقفلى عليه وانسيه زى ما انا قفلت ونسيت. -بنتى. -جوه عينى. -ليه -قلبى انشدلك واختارك. -بالسرعه دى. -يارتنى قابلتك من زمان. -ياريت. امسك يدها الموضوعه على الطاولة امامها لتسير تلك الرعشة بجسديهما سويا ليخرج صوته مبحوحا من ذاك الكم من المشاعر: موافقة. وقبل ان تجيب ازاح احمد يده عن أخته. -كفاية كده يا حبيبى، وابقى تعالى انت والزفت اخوك بكرة الساعه سبعه بعد العشا ومعاكم السيد الوالد. أوشك فتحى على شكره ليسبقه فؤاد القادم من الخلف. -سبعه مش فاضى عندى عيادة خليها انهارده عندى اجازة. فتحى : ربنا يخليك لينا يا دكتور. فؤاد: يارب. احمد: وانت هتيجى ليه اصلا؟! فؤاد: بذرة ورويتها وكبرت قدامى وهراعيها لحد ما تزهر كمان وزهرة بايدى هشهد على جوازها هى وفتحى وهما ال يقولوا يا تنح اجى ولا لا. فتحى: دكتور فؤاد انا بنفسى كنت هطلب منك تكون معايا. زهرة بامتنان: شكرا على كل حاجه يا دكتور. بعد اربعه أشهر وبجلسه عائلية تضم الاهل والاصدقاء تجلس إلى جواره بسعادة بفستانها الابيض البسيط الانيق بسعادة لا تقلق عن خاصته ليشير خالد عليهم وبهمس لفؤاد: الفرصة الثانية. فؤاد بابتسامه: كانت فرصة تانية للحب ودلوقت للحياة. تمت برجاء الدعاء لابنى سراج يتمم شفاءه على خير الاسكريبت تجميعى من طعنه غدر زهرة فى مهب الريح ودقة قلب

مقالات ذات صلة

حركة ايه معلش

السعوديه

التعليم تلزم المدارس بتنفيذ قرار عـ،ـاجل بعد ظهور نتائج الامتحانات الشهرية

انا زوجه تانيه وبكره الكلمه دى

اسكندرية الآن

إلغاء تصوير فيلم The Seven Dogs بطولة كريم عبد العزيز وأحمد عز

اترك تعليقاً إلغاء الرد