القناص ٤

جلست على الكرسي بجانبه قلبها يرقص فرحا

مريم : خ خالد انت انت فوقت انت كويس

خالد : حاسس اني حاموت سامحيني

مريم : لا ما تقولش كدة انت حاتقوم علشاني انا اساسا ما اقدرش اعيش من غيرك

خالد : لو مت ما تخليش حياتك توقف عليا تجوزي بعدي و انسيني

رمت نفسها عليه تقبله و تحتضنه بقوة و هو مستمتع جدا بلمساته يقسم انها اجمل ايام حياته رغم الألم الذي في كتفه يقابلها الحضن بقوة اكبر

مريم : حاتقوم و حانتجوز و حاطلع عينك و اغلس عليك و ازعلك و انت تيجي تراضيني

خالد : يعني تزعليني و اراضيكي

مريم : اه ما هو عشان انت زعلت فأنا زعلت انك زعلت فأنت تراضيني

خالد بذهول : لا والله

مريم : اه و الله

خالد : لا أنا أموت احسن

مريم بخوف: ما تقولش كدة تاني الدنيا بدونك مش عايزاها

خالد : يعني كان لازم اتصاب عشان تقولي الكلام ده

مريم : ما انت اللي عملته كان صعب عليا اوي

خالد : مريم انا تقدمت مية مليون مرة و ما كنت حيأس اتقدم لآخر يوم في عمري لكن انك تكوني لغيري ده اللي الموت أهون منه

مريم : المهم سلامتك دلوقتي

ذهبت لتفتح الباب بعد أن دق

دخل محمد و سيف

محمد : حمد الله عالسلامة يا خلودي

سيف: احنا قولنا ارتحنا منك

مريم : بتقول ايه انت بعد الشر عنه

سيف بابتسامه : انا بهزر ده اخويا عفكرة

خالد : مريم ما تقصدش معلش يا سيف

سيف: لا عادي خافت عليك حقها

خالد : مريم مراتي

سيف و محمد : مراتك

خالد ؛ ايوة كتبت كتابي عليها

سيف: يا ابن الايه و احنا آخر من يعلم احنا عارفين انك تمرمطت و حفيت بس ما قولتش انك كتبت كتابك

خالد : احم شكرا على ذوقك

محمد : ههههه

سيف : يلا نستتذن و نشوفك تاني

خالد : اخبار القلب ايه

سيف ؛ اييييح ده انتو كنتو عايشين يا جدع و انا ما كنتش عايش ده يجنن شعور و لا احلى من كدة دي بتشوحني و هيا معايا

خالد : ربنا يفرح قلبك يا صاحبي

سارة : لا خلاص مش قادرة كفاية كدة

منى : لسة ما خلصناش

سارة : ارحميني انتي عايزة تجيبها الأولى انا كفاية عندي اعدي الفصل و خلاص

منى : يا فاشلة

سارة : انا فاشلة انا عايزة اتجوز و بس

منى : طيب ما تجيبي سي حسن يتقدملك

سارة: حسن مين ده مش حساه

منى ؛ ما قولتلك احمد عينه منك

سارة : احمد عينه من كل بنات الجامعة الشرع حلل اربعة هو نفسه يتجوزهم كلهم ده حافظ بتلبقلوا اغنية نوال الزغبي

كيف ما بتضيع باساميهن كيف ما بتغلط فيهن