القناص ٤
بعد وقت خرجت ترتدي فستان اسود طويل بحجاب توتي و حذاء توتي تخطف أنفاسه في كل حالاتها
أمسك يدها بقوة و خرج اختار أجمل الأجهزة و عفش البيت و بعد لف طويل جلسا في مطعم جميل ليتناولوا العشاء
اسراء : مش قادرة بجد تعبت
محمد: سلامة قلبك يا قلبي
اسراء بحزن : محمد بس ده كتير اوي كل حاجة جبتها غالية اوي
اخذ يدها و قبل باطنها يدها بقوة
محمد بهمس بين شفتيه: بحبك اوي
بالنسبة له كان اليوم قصير جدا فعندما تكون معه يمضي الوقت كالريح اوصلها للبيت على مضض و سار ناحية بيته و هو يتنهد لانه على علم بما ينتظره
محمد لنفسه : لو كنت قابلتك قبل سنتين كان في حاجات كتير تعيرت يا حب عمري
دخل البيت و قبل أن يقفل الباب
سعاد : انت شرفت اهلا
ضغط على اسنانه و استدار لها بغيظ
محمد : اهلا يا حبيبتي تعبان و عايز انام
سعاد : تنام انت بتفضل طول اليوم برة و أول ما تشوف خلقتي عايز تنام
محمد : اووف عايزة ايه
سعاد : كنت فين طول اليوم
محمد : كنت بالشغل
سعاد : انا كنت بالشركة طول اليوم
محمد: خلصت شغل برة و سهرت مع اصحابي
سعاد : صحابك مين
محمد : خالد و سيف
سعاد : هات ارقامهم
محمد: انتي شاكة فيا
سعاد بصراخ : هات ارقامهم بقولك
أعطاها رقم خالد و قامت بالاتصال
خالد : ألو
سعاد : مرحبا يعطيك العافية
خالد : هلا مين
سعاد: انا مرات محمد سعاد
خالد : اهلا خير في حاجة
سعاد: كنت عايزة اسأل على محمد بس لأنه تأخر
خالد : محمد ده لسة كان من شويا معايا و مشي مالوش وقت اكيد شويا و حيوصل
سعاد: يعني هو كان معاك
خالد : ايوة سهرنا مع بعض و كان بيتكلم عنك انه مقصر في حقك حيخلص شويا مشاكل في الشغل و حيفسحك
سعاد بابتسامه : ميرسي اوي
أغلقت الهاتف و نظرت له بابتسامه
سعاد : انا أسفة
محمد و هو يكتم ضحكته : بتشكي فيا و بتتأسفي عادي
سعاد : انا من غيرتي عليك
محمد : انتي بتغاري هو انتي بتحسي اساسا
سعاد ؛ بتتكلم معايا كدة ليه
محمد : اهو كدة
_ مزعل بنت عمتك ليه ” قالها ابو محمد و هو يدخل البيت
مشى محمد ناحيته و قبل يده واحضتنه
سعاد : خالي حبيبي إنت الوحيد اللي حتجبلي حقي
محمد : هيا اشتكتلك
ابو محمد : لا بس انا عارفك و حفظك عملينلنا قهوة يا سعاد
أخذه من يده و جلس بجانبه
محمد : بابا انا
ابو محمد : اوعك تفكرني مش عارف قصتك مع البنت اللي ماشي معها قولت و ماله اهو يومين تهيصلك شويا و بعدها تخلع لكن تزعل بنت عمتك لا ده رقبتنا في ايدها
