حنان

: : اسكريبت حنان والايام بتحط اخر لمساتها بفرحه وهى بتبص على نفسها فى المرايه. _الفستان يجنن عليا اكيد هيعجبه دا اللون ال بيحبه بصت على الساعه فى ايدها: اتاخر اوى انا مش عارفة ايه الحكاية اليومين دول بقا يتأخر كتير. ضربت على رأسها بخفه: يعنى يا مجنونه هيتاخر ليه غير فى الشغل ربنا يعينه ويقويه بس ده ميمنعش أطمن عليه اصل عمره ما اتأخر على اليوم ده مهما كان مشغول. طلعت من الاوضه والتليفون على ودنها مستنيه يرد عليها _اللاه فى ايه هو مش بيرد ليه؟ ده حتى لو مشغول بيسيب التليفون للسييتنت علشان انا لو رنيت. رنت تانى ومحدش رد عليها: قامت من مكانها: هو فى ايه انا قلقانه قلبى مش مطمن اعمل ايه اطمن ازاى؟ ارن على طنط ولا انا بكده بقلقها معايا، لا انا اكلمها عادى من غير ما اسألها وهى لوحدها لوفى حاجه هتقولى . ولسه هترن عليها دخل هو من باب الشقة، وده خلاها اتنهدت براحه وبابتسامه ملت وشها راحت عليه تستقبله. حمدلله على السلامه يا حبيبى. _الله يسلمك. حنان: كده تقلقنى عليك اتاخرت اوى. _عندى شغل. _صحتك يا أحمد متجهدش نفسك كده فى الشغل احنا الحمدلله مرتاحين. _على رايك احنا هنشتغل لمين؟ _فى ايه مالك يا حبيبى؟ _مافيش، انا تعبان ورايح الاوضة ارتاح شويه. حاولت تعمل نفسها مش واخده بالها من اسلوبه وطريقته واقنعته نفسها أنه ضغط شغل مش اكتر ومش لازم تضيع المناسبة على اوهام بدأت تتحرك جواها. فبسرعه مسكته من كف ايده وقفته فبصلها وملامحه زى ماهى وبابتسامه رجعت تانى لوشها قربت منه وبعنين عاشقة. _كل سنه وانت طيب يا عمرى. اتنهد بضيق: وانت طيبة بس ايه المناسبة؟ ايدها سابت كف ايده وبلجلجه: عيد جوازنا ال ١٢ هز رأسه بسكات وراجع تانى للاوضه، مسكته مرة تانية ومشيت بيه ناحية السفرة. _تعال شوف انا محضرة ايه. قالتها وهى ماسكه نفسها من الدموع بالعافية بص على التورته والشموع وبزعل حقيقى وحسرة . _مش لو كان عيد ميلاد ابننا او بنتنا ال١٢ كان زمان البيت كله فرحه وهيسة وروح. حنان وهى مش قادرة تعمل نفسها مش واخده بالها من تغييره اكتر من كده وان لازم تسأل وتعرف اصل ال بيتكلم ده مش احمد جوزها والكلام ده اول مرة تسمعه. _مالك يا أحمد، فى ايه؟ انت ليك كم يوم متغير حتى الشغل بقيت بترجع منه متأخر. _واجى بدرى ليه؟ مين هيكون مستنينى. _انا _مش كفاية ما انتى معايا على طول، انا نفسى فى كف صغير يمد ايده يقولى جبتلى ايه يا يابا معاك، كف يعملى بأى ويقولى متتاخرش وتعال بسرعه مستنيك، نفسى فى ضحكه تهز حيطان البيت انشالله حتى صرخه وبكا تحسسنى ان البيت ده فى ناس عايشين. _وده ذنبى ولا دى إرادة ربنا. ولاذنبى انا كمان بس ربنا ادانا العقل نفكر ونلاقى حل. حنان بخوف: وفكرت؟ _مالهاش غير حل واحد. _ال هو ايه؟ _حنان انا محتاج اسمع كلمه بابا محتاج اسم يمد فى اسمى محتاج احس انى بتعب وبشقى علشان هدف، حنان انا عايز اتجوز وده شرع ربنا. _طب وانا. _انتى مراتى حبيبتى دنيتى ال كان نفسى تكمل بذرية منك بس ده محصلش ففهمينى وساعدينى وصدقيني مكانتك عندى هتعلى مش هتقل. _اساعدك تتجوز. _ساعدينى اكون اب وانتى هتكون الام للطفل ده انتى ال هتربيه. __يعنى دنيتك ال انتى رسمتها وبقيت تتمناها انا ماليش مكان فيها. _انتى اتجننتى عايز تسبيني بتعاقبينى على شرع ربنا حلله ليا؟ يا ستى علشان تصدقى ان جوازى لأجل الخلفة ومش لأجل ست تانية لأنى مكتفى بيكى عن اى وحده تانى وعارف انى مش هلاقي ظفرك مهما دورت فاختارى انتى. العروسة وانا مس هعترض حتى لو كان ايه؟ هى فى الاول والاخر بالنسبالى بطن تشيل فى حشاها ابنى لكن انت عمرى وحياتى. _ايه ال خلاك افتكرت الموضوع ده بعد السنين دى كلها وبعد ما اتحايلت عليك كتير. _انا ما انستش علشان افتكر ـ هي مين. خالد بيعد عينه عنها مش وحده معينه انا بكلم على الموضوع بصفه عامه فكرة بطرحه عليكي بس مش معني كدة انها للمناقشه مفيش غير اننا نوصل لحل وسط. حنان بسخرية: حل وسط واي من وحه نظرك الحل الوسط. ـ خالد: انك توافقي باني اتجوز ويكون عندى ولاد باسمي وانتي هتكوني امهم التانيه هتربيهم معها كانهم ولادك بالظبط.. _بعد السنين دة كلها مش هقدر استحمل اشوفك مع وحده غيرى صعب عليا، محدش بياخد كل حاجه يا احمد، ويظهر ان عيشنا مع بعض قطع هنا. _ ومتهديش حياتنا الحلوة ده بدل ما توفقي او تقترحي انتي عليا اني اتجوز واخلف عيل يشيل اسمي واسم ابويا، غيرانه ان في وحده هتشركك في العز اللي انتي فيه _حنان بشك وريبة همست بصوت مسموع: انا الكلام ده لسه سمعاه من كم يوم . علت صوتها : مين العروسة يا خالد. _مش حد غريب هدير بصدمه: هدير خالد: مناسبه لانك تعرفيهاكويس من يوم ماجات سكنت مع خالتها اللي هي صحبتك، صغيرة في السن وجميلة جدا ومطيعه اي كلمة بقلها بتوافق عليها حتى هي من حبها فيكي قالت انها هتسكن معاكي في نفس الشقة هنا معانا مع اني كنت هسكنها في الفيلا اللي بنتها جديد. دى بتحبك اوى ياحنان طول قعدتي معها وهي بتشكر فيكي وبتقول انك هتكوني اختها الكبيرة ليها وولادها ولادك. حنان بصرخه : طلقني ياخالد. خالد بستغراب: اطلاقك! حنان: طلقني استحالة هستني لحظة وحده معاك بعد اللي قلته. خالد: انا قولت اي جزاتي اني باخد رايك وكمان بقلك على كل حاجه. قاعدت على السرير وحطة اديها على وشها وتبكي بقهر وبتكلم بصوت مخنوق: طلقني انت خاين نسيت عشرتي واتفقنا من اول يوم اتعرفنا على بعض اننا منخبيش حاجه عن بعض سنين وانا على العهد دا لكن انت خنتني خططت ونفذت واختارت ونهيت الموضوع وجاي عامل فيها قديس، وبتحاول تظهر بدور المضحي وانت اناني. ـ يشاور على نفسه وبحده في كلامه: بعد اتناشر سنه محروم من الخلفه ابقي اناني عمري عملت حاجه من وراك كل طلباتك مجابه، لو حد اناني يبق انتي ياحنان كلامه وبصوت مخنوق: قلتك الكلام دا سمعه قبل كده بالنفس الترتيب بس احب افكرك يا عريس من عشر سنين اول ما عرفت اني مش هخلف قلتلك اتجوز وخلف وانا هبق زوجتك ومش هسيبك والعز اللي حضرتك بتقول خايفه انها تشركني ولا يفرق معايا واظن اني عمري ما طلبتك بقرش او انك تصرف مليم عليا انا بصرف على نفسي من مرتبي غير ان ثروتك والعز اللي حضرتك فيه دا اساسه ورثي في بيت ابويا اللي عمري ما سالتك عن نصيبي فيه ولا سالتك معاك اي وبتصرف اي. ـ بتوتر: حنان اهدى لو هي السبب انا بقلك اختاري انتي وحده تانيه وانا هوافق على طول المهم عندي انك متزعليش ولا تاخدي على خترك مني مع اني مش لاقي فيها حاجه او عيب يخليكي ترفضيها بالعكس دى بتحبك ومناسبه جدا جدا جدا ليا وليكي. مشيت ناحية الباب بقهر من كلامه بعد ما حست ان الدنيا بتضيق عليها هو نفسه كان شكله غريب بالنسبالها: حطت ايدها على صدرها وهى حاسة بسكاكين بتضرب صدرها: انا تعبت مش هقدر اقعد هنا اكتر من كده خالد: رايحه فين ياحنان دا بيتك انتي ناسية انك ملكش حد والدك وولدتك الله يرحمهم وبيت ولدك بعتوه انتي واخوتك. عضت شفتها بقهر ولوم لنفسها هي اللي صممت على بيع البيت عشان تساعده في مشروعه ويكبرة بنصبها منه مع ان اخوها عرض عليها فلوس وتسيب البيت ليها ولاختها للزمن لكن حبها لزوجها كان عميها عن اللي اخوها كان خايف منه، ردت عليه وهي بتمشي ناحية باب الشقه: هروح عند اختي. خالد بحدة: حنان استحالة هسمحلك تخرجي من بيتك ولا تباتي في بيت واحد غريب انت عارفني مبحبكيش تختلطي باي شخص حتى لو كان جوز اختك. حطت اديها على اوكرة الباب تفتحه مسك اديها وقالها: قلتلك مفيش مشيان ياحنان وللمرة التانية اختاري حد تاني غيرها لو دي مزعلكي وللمرة التانية برده بقلك انها انسب وحده. بصرخه مكتومه خرجت تجرى ورقتي توصلني قبل ما امشي واسافر لاخويا. خالد بصوت مرتجف: حنان انتي ليه بتعملي كده معايا انتي عارفه اني بعشقك واستحالة هوافق انك تبعدي عني بلاش ياحنان تعاندي وتهدمي سنين عشرتنا مع بعض وحبنا اللي اتولد بنا وكبر مع كل سنه تمر على جوزنا لو مش عاوزه اتجوز هنسي الموضوع من اساسة انتي عندي اهم. مسحت دموعها واخدت نفس طويل وهي بنفس وضعها قالت ليه: طلقني ياخالد لو قلت الكلام دا مليون مرة مش هيأثر عليا انا عارفه انك بتحبني. زي ما انا بحبك بس انت دبحتني قبل منه بكلامك ولو وفقت اني استني معاك وانك مش هتجوز ابق بضحك على نفسي وهشوف نظرة عنيك وعتابك ليا غير اني متاكدة انك هتفكر مليون مرة في موضوع الخلفه ومش بعيد حالا بتفكر تتجوزها بالسر لحد متخلف وتحطني قدام الامر الواقع. خالد بلجلجه: لاء مش كده. حنان: انا حفظاك وفهماك اكتر من نفسك ياخالد انت عنيك منها وعقلك مشغول بيها وانا كست مش هقبل اعيش معاك وعقلك معها فبسهلها عليك روح اتجوزها بس وانا مش مراتك. فتحت باب الشقة مستنتش الاسانسير لقت حماتها واقفة قدام باب شقتها ال اول ما شفتها ـ حنان متزعليش نفسك والله يابنتي قلتله بلاش البنت دي انا مش مرتحالها بس هو اتعلق بيها البنت حركه وكلامها شغله ياما قلتلك غير من نفسك ياحنان. حنان: من امته وانتي عارفه يا قطعت الكلمة وقالت من امته وانتي عارفه ياطنط. ـ من يوم واحد وحياتك عندي رفضت وقلتله بلاش حنان متستهلش كدا منك. حنان: خلاص ياطنط انا فهمت كل حاجه و ياريت تساعدني انقل شغلي للمنيا عند اخويا. بذهول من كلامها: بتقولي اي ياحنان بقي عاوزة تسيبي خالد بسهوله كدا وانا هتسبيني حتي لو هو اتجوز انا وانتي ام وبنتها من اول يوم جيتي المصلحة تشتغلي معايا وانا حبيتك واخترتك لابني وعملتك كانك بنتي بسهولة كدا هانت عليكي العشرة. حنان : وعشان العشرة دي وان حضرتك كنتي ام ليا انا همشي واوعدك هفتكر كل الايام اللي عشتها معاكي قبل متجوز خالد وللحظة دي اللي وقفه مع حضرتك، ومش هنسي ان حضرتك كنتي اول وحدة تعرفي انه قرر واختار ومنبهتنيش بس مش هلوم حضرتك انتي ام ونفسها تشوف ولاد ابنها. الست بسرعه وبصوت باكي: اقسملك يابنتي معرفت غير امبارح بس حنان: ولأجل العشرة ال بنا بطلب من حضرتك تقنعية يطلقني. خالد من وارها: انا بحبك يا حنان قلبها دق بفرحه وحست بأمل ان كل ال فى دماغها ده اوهام. بس ال قاله بعد كده خلاها تغمض عنيها تمسك دموعها علشان ما تنزلي قدامه. خالد: وموافقتك هتفرق معايا هتحسيني انك يهمك سعادتي وراحتي شفي الملف دا فيه كل ارباحك من اول المشروع ما وقف على رجله كل سنه اقسم الارباح ونصيبك اشيله في البنك باسمك وادي كل الاوراق اللي تثبت كلامي وقد اي انا بحبك. حنان: ارباح؟ علاقتنا بقت أرقام يا ريتك ما اتكلمت بتنزل السلم بسرعه وقفت تسمع الكلام بخوف على الست الطيبة وهى سمعاها بتزعق بأنفعال وصوت صريخها بدأ يعلى. _عجبك كده، كسرتها وذلتها، خربت بيتك بايدك يا بنى عقلك فين يا ابنى ضيعت ال وقفت معاك وحبتك بصدق. خالد: هترجع يا ماما، انا متأكد حتى هدير قالت نفس الكلام اصلها هتروح فين هى لها مين؟ : بمراره: وقالتلك ايه تانى ست هدير. خالد: ماما اما حاسس بنبرة استهزاء بيها. هدير مين دى ال تعرف حنان. خالد: صاحبتها ياةماما : صاحبتها من فين دى حيالله جارهةدخلت علينا بااحنجل والمنجل : وتعال هنا بقا ست هدير ال بتقولك طيب وانت يا جوزها ياللى معاشرها ١٢ سنه مش عارف طبعها ده من عزة نفسها ياخى قعدت معك العمر ده كله ما بتاخدش منك مليم من مرتبها بتصرف على نفسها ده انا ياللى حماتها كنت بقولها ماتعودهوش على كده كان ردها انا محروجه منه يا ماما متعودتش انى اطلب وطالما انا معايا فلوس أحمله فوق طاقته ليه؟ خالد: ياماما قولتلك متقلقيش بقا جوز اختها ال مش مستحمل مراته وولاده هيستحملها ده غير انهم بيكملوا عشاءهم نوم. جريت بوجع مقدرتش تسمع اكتر من كده وحماتها بذهول: _انت ايه ال جرالك فيك ايه مش طبيعى وبعدين بقولك ما طلبتش من جوزها هتخلى جوز اختها يصرف! ومالك مالى ايدك اوى كده ليه؟ صوت تليفونه مش مبطل رن من الصبح. بزعيق كملت: اقفل الزفت ده من وقت ما نزلت وهما شغالين رن رن رن ايه مش صابرين على التقرير يا تقفلو يا تروح تبلغهم بنفسك بس قبل ما تمشى احب اقولك ان حنان مش رايحة بيت اختها، حنان رايحة المكان ال مش هتقدر انت تروح تجبها منه. واقف بحيرة بيسمع أمه وف نفس الوقت تليفونه مش مبطل رن . شافت حيرته الواضحه فبنبرة اهدئ: اسمع كلام امك يا خالد، حنان متتعوضتش حتى بالذرية ، ابنك ولا بنتك ال مستنيه من التانية مايسوش ضفر منها. يا بنى انا مش معارضة جوازك. بلهفة: بجد ياماما _وصدقنى حنان نفسها مش معارضة بس يا بنى الابن او البنت ال انت نفسك فيه تختارله ام يتشرف بيها ام تصونك وتصونا معاك مش دى دى نفسها ناقصة تربية هتربى ابنك ازاى؟ ده انا يا بنى اهو ستى كبيرة ولا تقربلى من بعيد او قريب لما بشوفها ماشية فى الشارع بكون فى نص هدومى من الكسوف واقول ازاى خالتها سايبها بالشكل ده قدام جوزها وابنها مش الشارع، فكر يابنى عايز نختار صح . بلع ريقه بتوتر وبص فى الأرض. " طيب ولو قولتلك انى حامل يا طنط وحفيدك كلها كم شهر ويشرف الدنيا" غمض عينيه وهو عارف صاحبه الصوت كويس ومامته بصت بصدمه على ال نازلة على السلم. واقفة وراه. بتهته: ايه. حامل، ازاى؟ نزلت وماسكه ايد خالد وداخله من الباب الكلام مش على الباب ياطنط وال رايح وال جاى يسمعنا وخصوصى انها أمور عائلية. _وقفى عندك رجلك ما تخطيش ناحية بابا. بعصبية: ماتتكلم يل خالد وشوف امك. خالد: ماما دى هتبقى مراتى ازاى ما تدخلش. اطلع بره انت واياها ما تلزمنيش حامل ولسه هتبقى مراتك يعنى ايه؟ يعنى انت خاين كل حاجه تربيتى مراتك ابوك دينك يا مصلى يا صايم. _يا ماما مش زى ما انتى فاهمه انا وهى متجوزين عرفى. _فرقت ايه يا حبيبى ويا ترى خالتها عارفة. وطئ رأسه فى الارض: انا وهى بس ال كتبنا الورقة. _ده مش جواز يا حبيبى بره مش عايزة اشوف وشكم تانى. حطا ايدها على قلبها بسرعه. _ماما فيكى ايه؟ _ابعد عنى ياريت كنت مت ولا عملت عملتك المهببة دى . زقته بايدها وخرجته من الباب. بص للباب بصدمه مش مصدق فاق على هدير ماسكه ايده وبتشاور على ال واقف على السلم. _الحق يا خالد انفضحنا خالتى هتموتنى هتتصل باعمامى بص للجار ال واقف مش فاهم واخد ايدها وركب الاسانسير وراح معاها لخالتها من غير ولا كلمه وهناك بس قال: انا عايز اتجوز هدير. بابتسامة مكر لنفسها وهى باصه للارض وعاملة نفسها حزينه: لو كنت مخططة انه ده كله يحصل وراء بعضه مكنش هيحصل بالسهولة دى. خالد: ياريت بسرعه مفيش وقت للتاخير خالتها: وليه الاستعجال لازم عمامه يجوا ماتنساش انك متجوز فمش عايزين حد يتكلم ومراتك ممكن تعمل مشاكل. هدير بفرحه: لا هى مشيت خلاص. قام من مكانه بذهول وزى ما يكون دلوقت ال فاق وخلاص هيتحرك ويمشى وهو بيهمس: حنان مشيت، حنان حنان. هدير: خالد بص عليها راحت حاطه ايدها على بطنها وبصوت ضعيف وصل ليه ولخالتها _رايح فين وسايبنا خالتها بلطم: يا نصيبتى يا نصيبتى. _خالتى مش زى ما انتى فاكرة يا خالتى انا مراته. _من امتى وازاى؟ بقا ياةخالد بعد ما فتحنالك البيت واعتبرناك واحد مننا وجوزى اخدك صاحبه واخوه واكلنا من طبق واحد هدير وهى بتغمز لخالتها: ما تظلمهوش يا خالتى احنا حبينا بعض واتجوزنا علشان منغلطش وال جاى فى السكه ده ابن حلال. _اقول ايه لعمامك، حبت واتجوزت وحملت اقول ايه، ياترى الناس هتقول ايه لو حد عرف. _ماهو الاستاذ ابراهيم سمعنا واحنا عند طنط وعرف كل حاجه. _يا فضيحتي يا فضيحتي يا خراب بيتى، جوزى هيطلقنى من تخت راسك غير العار ال ركبنا. هدير لخالد الواقف ساكت: ما تتصرف يا خالد انا خايفة. خالد: انا عارف ان ال حصل كان غلط بس خلاص دلوقت هى كرامتها من كرامتى واللى فى بطنها ده ابنه واستحاله اسمح لأى حد يجيب سيرتهم بأى حاجه، احنا هنعمل كتب الكتاب. _وفرح كبير هنعزم فيه كل قرايبنا لأجل قيمتك ومياة وشنا وكده نقطع كلام اى حد فى العمارة واوعى كده يا اخويا عن اذنك. وقفت على باب الشقة وفضلت تزغرط وكل ال يخرج يسأل فى ايه: عقبال عندكم يا حبايب هدير اتخطبت لخالد. وكل ال يسمع يبصلهم بذهول ووحده سألت. خالد مين يا حبيبتى؟ استاذ خالد صاحب العمارة. ضربت على صدرها: ها خالد جوز حنان؟ _اه هو يختى لا عيب ولا حرام. _صحيح ال اختشوا ماتوا. قالتها وقفلت بابها فى وشهم والكل عمل زيها. خالتها: اهو ده اى كنت خايفة منه. هدير: هتسكت يا خالد؟ خالد: اكتر من ال هعمله مش بايدى اعمل تانى غير فرح وننقل من هنا. هدير بلهفة وسرعه: لا ، لا. خالد: لا ليه ترفضي تعيشى فى فيلا مش هسيب هنا علشان الكل يحط لسانه فى بقه وكده كده شقة حنان دوبلكيس واسعه وبعدين اروح هناك بين أربع حيطان والكل هنا ينهش فى لحمى ويسمعوا خالتى كلام أشكال وألوان، لازم اقعد اعرفهم انا مين، وانى مرات صاحبه العمارة ال اويهم، وابنى ده ال عاش يتمناه فرحته ال جاية حتى الفرح هعمله هنا فى العمارة : : خالتها لنفسها: والله وطلعتى قادرة يا هدير خالد ماخدش فى ايدك غلوة، كان عندى حق لما رفض ابنى يخطبك قولته بت ملاوعه وحسيت انك شغلاه فرميتك فى وش خالد وكلمت حنان بس انتى طلعتى اوعى منى ، ياريت كنتى مشيتى كنت ارتحت من همك بس انا مش خايل عليا كلامك انتى وراك نصيبه وهفضل مفتح عينى لتلوشى ابنى فى وشك هو انا تايهه عندك داهية تاخدي بعيد عننا كانت ساعه سودا لما فتحتلك بيتى و جيتى عندى. عند حنان وراحت عند اختها بدموع عنيها وال فتح الباب جوز اختها ال اتخض اول ما شافها. _حنان، مالك فى ايه؟ ادخلى تعالى تعالى يا هند يا هند فى ايه يا ايمن بتنده كده ليه؟ ايه حنان مالك رمت نفسها فى حضن اختها واختها بسرعه اخدتها قعدت على كرسى وفضلت تهدى فيها وهى شايفه اعصابها منهارة وعنيها بتغمض بسرعه يا ايمن هاتلى اى حاجه افوقها بيها. جرى على اوضه النوم وجاب ازازة ريحه وبدا يفوقها بيها. فتحت عنيها وساكته ودموع مش خلصانه هند: ايمن اعملنا ليمون من فضلك هز رأسه ودخل المطبخ وبسرعه بصت لاختها. _فى ايه احكيلى ايمن خلاص بعد فى ايه معاكى يا حنان وصلك للحالة دى؟! وفى الوقت خرجتى ازاى من بيتك وباللبس ده. من بين شهقاتها ورجفة جسمها حكت لاختها كل حاجه خالد قالها وال سمعته ومقدرتش تكمله ومشيت، كانت بتحكى وهى مغيبة مش حاسة بحاجه فاقت على جوز اختها وكوبايه الليمون وقعت من ايده واقف مصدوم. _هيبصوله هما الاتنين. هند: اخص عليك يا خالد بقا يطلع منك كده. حنان: اوعى تزعل يا ابيه انت عالى اوى عندنا بطيبة قلبك وكرم أخلاقك. ايمن: حنان انتى زى بناتى والكلام ال اتقال ده ما يفرقش معايا بحاجه بس صدقينى اللقمه لو فى بقى هخرجها واديهالك والبيت باللى فيه تحت امرك ده بيت اختك يعنى بيتك ان ماشالتكيش أرضه نشيلك فوق دماغنا واوعدك ان حهجبلك حقك تالت ومتلت من خالد مش علشان الكلام ال قاله ، لا علشان يعرف ان وراكى اهل وعزوة وانا هتصل بابراهيم يجى ونشوف هنعمل معاه ايه؟ هند: وفلوسها ال عنده ال كبر بيها هو كان حيلته غير العمارة ال نصها إيجار قديم وبتاعته هو وأخواته. بصتلها: انتى ازاى تيجى من غير هدومك ودهبك وحاجتك. _حنان انا مش عايزة منه حاجه انا مش عايزة اى حاجه . _ال زى ده ما تتنازلهوش عن حاجه احنا لازم نوجعه. _انا ال هتوجع. ايمن سابهم وراح يتصل بابراهيم وبصت هند لاختها: انا مستغربة ازاى خالديعمل كده طب والموضوع فاجا مرة واحده ودى بالذات اصر عليها ليه ؟ فى حاجه ؟طب انتى محستيش بحاجه مشكتيش: غمضت عنيها بتفتكر زى ما يكون كلام اختها فوقها وهى بتفتش الهدوم قبل ما تغسلها، مرة فاتورة دهب مرة حساب مطعم ومرة فندق ومرة وصل إيجار شقة وريحه البرفان ال فى هدومه وتأخيره ومعاملته ال اتغيرت والحاجات الغريبة ال كانت بتلقيها فى الشقة وحاجات تانية مختفية قامت من مكانها : انا كنت فين من ده كله بصت لهند: الموضوع طلع قديم اوى يا هند كان بيجبها بيتى يا هند. هند بصدمه: متأكده وفى اوضة نومى واستحلت هدومى وحاجتى خالد خانى يا هند خانى. : وقعت على الارض تصرخ وتبك بهستريا وبتضرب الارض وهي بتسب نفسها وتقول: طلعت غبيه كل حاجه كانت وضحه وضوح الشمس قدامي لكن بسبب غبائي وثقتي ضيعت نفسي انا كنت هوافق يتجوز هزعل شويه بس هرضى طول ماهو مبسوط بش ده خانى خانى. فجأة اغم عليها صرخت هند اختها على جوزها: الحقني يا أيمن. جه ايمن بسرعه بعد ماقفل التليفون مع ابراهيم اخو هند وحنان: في اي ياهند. ـ حنان يا ايمن اغم عليها ساعدني نشلها ندخلها اوضة البنات. ايمن ساعدها ودخلوها اوضة البنات فوقوها بالعافية فضلت تبكى بهستريا هند: دكتور يا أيمن حنان مش طبيعيه. ايمن هتصل على دكتور محمد جارنا. هند: بدل ما تتصل رحله بسرعة جيبه دقايق وجه ايمن بلدكتور : كشف على حنان اللي مش مبطله صريخ، كتب رشته وداها لايمن نزل بسرعه وجاب العلاج اخد الدكتور العلاج وعلق ليها محلول وبعد ما خلص راحت حنان في النوم وهي بتهزى، خرج ووراه ايمن وهند اللي مفتورة من البكاء، على اختها، وقف الدكتور وقال: مين دى يا استاذ ايمن وتبلقكم اي واي وصلها للحاله اللي فيها دى. ايمن: اخت هند مراتي الصغيرة حصل خلاف بسيط بينها وبين جوزها الدكتور: خلاف بسيط يوصلها لانهيار عصبي بالطريقة دي. هند ببكاء، لطمت صدرها: حبيبتي يااختي منك لله ياخالد. ايمن: اهدى يا هند ملوش لازمة الكلام ده خلينا نفهم من الدكتور في الاول ونعرف منه نتعامل معها ازاي. دكتور: اهم حاجه بلاش تسبوها لوحدها نهائي وحولوا متكلموش نهائي في الموضوع اللي وصلها لكدا والعلاج اللي كتبته جوه تمشي عليه مرتين في اليوم وانا كل يوم هعدى اطمن عليها واتابع حالتها. : مر اسبوع وهي على حالتها مش بتخرج من الاوضة ورفضة الاكل والشرب لولي الحاح هند وايمن واخوها اللي جه هو اول ما ايمن اتصل عليه وكام مصمم ياخدها معه لكن ايمن قال ليه: اسمعني يا ابراهيم حنان صحيح اختك وانت اولي بيها لكن كا يرضكش يثبت عليا كلام خالد حنان هتفضل عايشة في البيت هنا معانا معززة مكرمة واللي ساير علينا يسير عليها هي نومه واكله وان شاء الله مش هتخرج من هنا غير برجوعها بيتها او جوزها من غيره. ابراهيم: طول عمرك راجل ويشد ضهر اللي منك بيك واحنا شيلين فضلك وجميلك على رسنا : وكلام خالد دا ما تحطهوش في بالك دا كلام تافه من انسان ناقص الحمدلله انه بعت ورقة طلاقها وحاجتها عشان منتعملش معه مع اني كنت ناوي اروح وابهدله لولي و قوفك ويمينك اني مرحلوش، كنت رحتله واخدت حق اختي منه تالت ومتلت. ايمن: ربنا اقوي من كل شئ وهو وحده قادر ياخدلهاحقها، وان شاء الله ربنا ياخد بيدها وتخف والباقي سهل. حنان كانت سمعه كلمهم وعرفت انها اطلقت كتمت بكاها وفضلت تكلم نفسها وزادت حالتها سؤ ومنعت الأكل نهائي عند خالد عمل لهدير كل حاجه اتفق عليها كتب الكتاب وعمل فرح كبير قدام العمارة بعد ما غير ليها عفش الشقة كله وجاب عفش جديد على ذؤقها، رفضت ولدته تحضر الفرح وتبارك الجواز ودا كان شرط هدير االاخير قبل الفرح ان ام خالد تحضر وتقطع كلام الناس وفقت امه بشرط انه يرسل ورقة طلاق حنان وكل مستحقاتها : نفذ كل اللي ولدته وهدير قالوا عليه وبعدت لحنان بيت اختها ورقة الطلاق والمؤخر واوراق فلوسها اللي عنده. حنان قاعده فى الاوضة على طول ورفضة تخرج منها ودايما نايمة ورفضه تخرج منها وحالتها بقت اسوء من الاول لدرجه ان هند من خوفها سابت شغلها فى الحضانه وفى يوم رن جرس الباب، فتحت هند. _ مس هند اخدته فى حضنها وباست خده: حبيبى يا طروقه وحشتنى، حمد الله على السلامه انتوا رجعتوا امتى سكتت وهى بتفكر باستغراب: طروقة انت جيت هنا ازاى؟ شاور على باباه ال واقف اول السلم: جيت مع بابا. هند بترحيب: معقول، اتفضل يا دكتور حضرتك واقف ليه بعيد. عادل: انا اسف انى جيت من غير معاد بس بقالنا كم يوم بنبعت واتس ومافيش رد حتى التليفون غير متاح. هند: معلش ظروف عندى خلتنى مش قادرة امسك الفون ، اتفضل يا دكتور تنورنا. عادل: بعتذر مش هقدر عندى محاضرة وطارق مش مبطل زن عايز طنط هند. : ورافض يروح الحضانه ، فجبته علشان كمان نتفق على المواعيد. هند: انا اسفة يا دكتور بس حقيقى مش هقدر اجى البيت عند حضرتك فى ظروف بتمنعنى. عادل: طب هو رافض الحضانه من وقت اجازتك ورافض اى بيبى ستر يقعد معاها . هند: طيب هو فى حل بس مش عارفة هتوافق عليه ولا لا. عادل: لو هيريحنى من زن طارق فأنا مواقف انا بقالى كم يوم مش عارفة اشوف شغلى فى الكليه. هند: يقعد عندى لحد حضرتك ما تيجى تاخده ويروح معاك. واقف مترد هند: انا عارفة ان المسافة بعيدة وان صعب على حضرتك تجيبه الصبح وتاخده بالليل بس سامحني انا عندى ظروف تمنعنى اخرج بره البيت خمس دقايق حتى. عادل وهو بيتنهد: للأسف مقداميش غير الحل ده، على العموم نبدا من انهاردة واهو معاكى وبعد الساعه ٦ هرجع اخده، ايه رايك يا طارق؟ طارق: مع السلامه يا بابا. ضحكوا عليه، عادل : بعتنى، ماشى وانا هتصل مع حضرتك قبل ما اجى. مع السلامه. هند وطارق مع السلامه، وبعدها بصت هند لطارق: ويلا ياطاروقة لحسن حظك احمد هنا ومرحش الحضانه هتتبسطوا سوا مع بعض ياسيدي وربنا يقوني عليكم انتم الاتنين . طارق: هها احمد. هند: ههههه نادت على ابنها وهيبتدخل اوضة حنان واحمد قاعد يلعب بالعابه قريب من السرير دخل طارق قال سيربرايز احمد فرح وجري على طارق وبنفس الفرحه الطفوليه تعال العب معايا بالعابي. طارق ساب ايد هند وراح قعد جنب احمد يلعبوا. هند بصت لحنان اختها المغمضة عنيها ومتأثرتش من الصوت كأنها في عالم تاني اتنهدت بحزن وخرجت وهي بتقول.: احمد بلاش تعملوا دوشهوالعابوا بهدوء على اجيبلكم تفطر انت وطارق. خرجت تضحك لما لقتهم مندمجين مع الالعاب. احمد طارق عمل صوت عالي هو بيلعب بالعربية: بطفوليه قلد هند وهي بتكلمه: اششش وطي صوت خالتو حنان نايمه تعبانه. طارق رفع عينه للسرير مكان ما شاور احمد وهز راسه ورجع لعب نادت هند عليهم وخرجوا ليها. هند: احمد جيب طارق وتعالوا افطروا هنا على ما ادخل الحمام وارجع بسرعه قعد احمد واكل وطارق اخد ساندوتش في ايده وراح للاوضه مره تانيه بص ناحية السرير ومش ناحيته وقف قريب من حنان بص ليها وطلع قعد جنبها ورفع ايده ومسح دمعه نزله من عنيها : حنان مغمضة عنيها وبتكلم نفسها وبتقول: هتفضلي لامته كده ياحنان وجودك في الدنيا ملهوش لازمه هتفضلي تتوجعي وخلاص اخلصي من العذاب دا وارتاحي معدتش الدنيا تستاهل تبقي فيها فتحت عنيها على ايد صغيرة ملمسها ناعم بتتحرك على خدها وبتمسح دمعه نزله من بين جفونها المغمضةفتحت عنيها تتاكد وهي شيفه طفل صغير قاعد قريب منها وبيبتسم ليها غمضت عنيها فكره انها بتحلم ابتسمت لاول مره وهي بتسمع كلامه. طارق بطفوليه وصوت هزها وابتسمت: الاميرة النايمه وبسها من خدها وكمل دى بوسه عشان فتحت عنيها وبوسه تانيه عشان هتبق شطوره وتاكل اكلها كله وتسمع كلام طروقة وتقوم تلعب معه. حنان مذهوله من اللي سمعه وصوته بينادي عليها فتحت عنيها وهو بيقولها بصوت بكي هزها خلها تقعد بسرعة وتخده في حضنها : مامي وحشتني اوي فتحي عيونك سبتني ليه ومشيتي انا وبابا قاعدين وحدينا وكل ما اقول لبابا ماما فين يقولي سافرت عند ربنا ارجعي ليا. حنان طبطبط عليه وهي بتحضنه وبصوت خرج ببحه: اهدى يا حبيبي انت مين وجيت هنا ازاي وبابا مين. طارق: انا طارق ابن بابا عادل وماما حنان. بعدت عنه بذهول تهزراسها وتغمض عنيها وتفتحهم تتاكد انها مش نايمه وانها شيفاه قدمها وبتكلم نفسها بتهته: ماما حنان طيب ازاي. رفعت عنيها ناحية الباب اللي اتفتح ودخلت هند بسرعه وخوف وبتنادى على طارق وقطعت الكلام اول ما شافت حنان قاعده ووخده طارق في حضنها. هند بفرحه: حنان فتحتي اخيرا. حنان بلجلجله بتبص ليها ولطارق اللي حضنها جامد: انتي شيفاه زى ماانا شيفاه. هند باستغراب من كلام حنان هزت راسها وقالت لها: دا طارق اللي كنت حكتلك حكايته وانه من يوم ما سبت الحضانه وهو رافض يروح ليها وكنت برحله البيت ادرسله. هند وهي شايفه وضع حنان اللي حاضنه طارق وطارق اللي ماسك في حنان مسحت دمعه من عنيها وابتسامه على وشها وقالت لنفسها: انتم الاتنين ربنا خلالكم نجده لبعضكم، قر بت من السرير قعدت عليه وهي بتكلم طارق اللي هز راسه ورفض يبعد عن حنانوحنان هي كمان رفضه تبعد عنه : هند: يلا يا طروقه نطلع نلعب مع احمد وخلي طنط حنان ترتاح. حنان اكلمت بسرعه: لاء سبيه انا مرتاحه كدا. هند بخوف من اسلوب حنان ان حالتها تدهور وتتعلق بطارق بطريقة مراضيه بلعت ريقها بخوف وفكرت تعمل ايه ابتسمت تطمن حنان وقالت ليها: حنان طارق شويه وباباه يجي ياخده مش هيبق كتير هنا ووو. حنان سحبت نفس طويل وهزت راسها بمعني هي فهمت قصدها وبنفس بحة صوتها ودمعها نزله: انا وعيه يا هند متخفيش انا مجننتش ولا فاكرة انه ابني زى ما تخيلتي ومقدرة خوفك عليا، انا بس قلبي حن ليه صوته ودموعه وجعوني وحسيت انه محتاج لحصني زى ما انا محتاجه لحضنه. هند: حببتي ياختي صدقني خوفي عليكي هو اللي خلاني فكرت بكده بس الحمدلله انك رجعتي لنفسك. حنان وهي بطبطب على طارق وبصوت هامس: هي كان اسمها حنان. هند: معرفش كل اللى اعرفه انها ماتت من سنه وكان جنبها. حنان شده في ضمه: عشان كده : هند: حنان ممكن تسمعيني. حنان: اسمعني انتي ياهند انا فقت لنفسي صحيح كنت بفكر بسلبيه وبهرب من الواقع بالنوم وبهرب اني اوجهكم واحط عيني في عين ابيه ايمن وابراهيم اخويا كنت بفكر اسيب الدنيا كلها سبحان الله في نفس اللحظة ربنا بعدت طارق وقطع عليا الافكار دى. هند بخضة وقفت من مكنها: كنتي هت. حنان قطعتها وقالت ليها : حسيت اني قليله اوي غبيه وثقت في نفسي لدرجة اني اهملتها واكتفيت باهتامي بيه عشت عشانه وقلت ملكت قلبه ومليت عينه غروري بحبه ليا خلاني نسيت حتى نفسي كست تهتم بروحها كل حياتها هو تلبسله وتسعده وبس لكن كحنان لاء فضلت عايشه ليه نسيت كياني واحلامي خدامة تنضف وتأكل وتبسطه لحد ما فقت على ضربة قوية كسرتني هزت ثقتي بنفسي وبينت ليا قد ايه انا ولا حاجه تخيلي مزعلتش على انه هيتجوز لاني كتير عرضت عليه اللي وجعني وكسرني خيانة الناس اللي كنت فكرها صديقتي طعنتني وجوزي شريك عمري اللي بعت روحي فداه خاني بفرشتي عارفه ياهند اصعب شعور انك تثقي في حد والحد دا يطعنك في ضهرك بدل المرة مليون وانتي ولا حاسة وبتبرري ليه اللي بيعمله. هند وهي بتمسح دموعها: صدقيني ربنا هياخدلك حقك منهم وقريب اوي كمان انتي طول عمرك مأذتيش حد وبتحبي الخير للكل وعشتي ليه ولاهله تخدميهم وتضحي عشانهم كان ممكن في بداية جوزك تتعالجي وتعملي عمليات وطفل انابيب. حنان: خفت اتعلق وادخل الدوامه دي وفي الأخر انصدم من الفشل وخصوصًا الدكتور قال نسبه النجاح عشرة في الميه وخالد كان الفترة دى مشغول بمشروعه ومحتاج سيوله كتير قلت اساعدة بنصيبي وبعد ما يقف على رجله والمشروع ينجح افتحه في موضوع طفل الانابيب بس الدنيا سرقتني من حلم الامومه وخالتني عايشه وهم حب وتضحيه حنان فضلت طول اليوم في الاوضه مع طارق شويه تلعبه وشويه تكلمه لحد ما جه والده واخده رفصت تخرج من الأوضة ورجعت نامت على السرير، تاني يوم فتحت عنيها وقعدت بسرعه اول ما سمعت صوته بينادي عليها فتحت اديها ليه رمي نفسه في حضنها استمر الوضع ده لمدة اربع ايام كل يوم تسناه يجي في نفس المعاد وفي اليوم الخامس فضلت منتظراه وقت طويل مجاش لاول مرة من فترة طويلة تخرج من الاوضه استغربت هند اختها وخصوصا انها قاعده عنيها على الباب وساعه سمعت جرس الباب جريت على الباب وفتحته وبصوت فرحان: اخير ا جيت اتاخرت عليا ليه. طارق بضحكة التفت للباباه: بابي هو اللي اخرني قال النهاردة الجمعة ومش ينفع اجي . هند من وراه وضحكة عاليه: وعملت اي يابطل. من وراه جه صوت خلهم رفعوا عيونهم: فضل يبكي ويصرخ ما سكتش غير لما وصلنا هنا واول ما فتحت باب العربيه طلع بسرعة وسبني بس دلوقتي عرفت السبب ليه حق. قالها بصوت اجش خلي حنان ترفع عنيها لعنيه ومشيت بسرعه ضحكت هند وهي بتبص على حنان اللي اخدت طارق ودخلت اوضه النوم ورجعت ترحب بوالد طارق اللي وقف يعتزر ليها. هند: اتفضل يا دكتور عادل ميصحش تقف بره كدا. عادل باحراج: اسف اني جبته والنهاردة اجازتك بس صدقيني تعبني كتير غير ان فضولي غلبني وانا عاوز اشوف واعرف مين اللي نجحت تخطف قلب طارق وطول الوقت بيكلم عليها ويوصفها لدرجة اني تخيلتها هند بحمحمه من صرحته: دى حنان اختي الصغيرة. عادل: احمم آسف على الكلام اللي قلته. هند: هنفضل نتكلم على الباب اتفصل ادخل ايمن جوزى بيصلي الجمعة وجاي عادل: مرة تانيه ان شاء الله بس ممكن تنادي طارق عشان نمشي. هند بصت للاوضه وصوت الضحك واللعب اللي خارجين منها وبصوت راجي: لو سمحت يادكتور ممكن تسيبه شويه معها متعرفش كانت عامله ايه قبل ما يجي، اتفضل حضرتك ادخل عادل: : خليها مرة تانية يكون استاذ أيمن موجود. ايمن من وراه: اتفضل يا دكتور حضرتك صاحب بيت. قعدوا فى الصالة وكان واصل ليهم صوت الضحك حنان وطارق. عادل : من فترة طويلة مسمعتهوش بيضحك بالشكل ده ولا اتعلق بحد بالطريقة دى حتى حضرتك يا مدام هند وانا خايف من التعلق ده لفيوم حاجه تحصل والولد ينصدم وانا علشان كده حابب ابعده واوديه لدكتور نفسى.. هند: انا خوفى اكبر عليها لما انتى تبعده عنها. عادل: انا مش فاهم حاجه ايه سر تعلق الولد الرهيب بيها طريقة كلامه عنها ووصفه ليها شغل تفكيرى بيها لدرجه ... وسكت وبص فى الأرض. ايمن : ايه يا ام احمد من امتى وانتى بخيلة كده ماتدوقى الدكتور العصير بتاعك. غمزلها بعينه وهى فهمت عليه... قامت هند وراحت على المطبخ بص ايمن لطارق بذكاء: يا ترى معنى كلامك ال انت قطعته؟ يا ترى ال وصلنى منه صح؟ عادل بابتسامه على صوت الضحكه العالية ال خرجت من ابنه من جوه وتنهيده: مش خبئ عليك انا نفسى مستغرب الحالة ال انا فيها، انا مش لسه عيل صغير كلمتين عن وحده يشغلوا بالى بس فعلا كلام طارق شغلنى، وصفه لضحكتها دموعها كلامها ال بتقولهوله كل حاجه خلت النوم طار من عينى وانا بفكر فيها، حتى فى شغلى شاغلة تفكيرى وسؤال واحد يمكن يكون هو السبب ال جابنى هنا : مين دى؟ ايمن بهدوء: دى حنان ال بتدخل القلب من ذكر اسمها بس اطيب واحن قلب ممكن تعرفه، بس للاسف الدنيا دايما بتيجى على الطيب. انا عايز اسالك سؤال بس جاوبني عليه بصراحه عادل،: اتفضل يا استاذ ايمن. ايمن: ايه ال عرفته من طارق عنها؟ عادل: كل ال اعرفه انها اتظلمت فى حياتها وده فى الاول والاخر حكى ال سمعه ، ممكن يكون فى كلام سقط منه وانا حاولت اجمعه وال فهمته انها اتخانت او انغدر بيها من حد قريب منها اوى. ايمن: حنان مطلقة. عادل: ايه؟ ممكن تحكيلى عنها. اتنهد ايمن وبدأ يحكى : ايمن وصوت الضحك واصل ليهم: ودلوقتى كل ال شاغلنا تعلقها بطارق بالطريقة دى لدرجه انى سالت دكتور. عادل بلهفة: الدكتور قال ايه؟ ايمن: للأسف مريحنيش هو طالب انه يشوفها ويقعد معاها وبناء على الجلسة دى هيحدد لان وضع حنان غريب شوية. بصله بحيرة: دكتور عادل انت معايا؟ عادل بعصبية: طليقها ده غبى، فى حد يكون معاه جوهرة زى دى ويعمل معاها كده. هنا هند حطت العصير قدامهم: خسيس بعيد عنك عادل وهو بيوقف: لو سمحتى يا مدام هند نادى طارق خلينا نمشى بصت لجوزها بستغراب ومالت عليه: هو فى اي أيمن: بعدين بعدين. هند راحت الاوضه: يالا يا طارق بابا مستنيك. حنان: ده لسه بدرى الساعه ٦ مجتش. هند: حنان ، انهاردة الجمعه وغير كده طارق هيسافر مع بباه عند جدته حنان بسرعه حضنته: ايه؟ هيسافر ويسبني. طارق: ماتخافيش احنا مش مسافرين تيته هى ال هتيجى. : هند: يالا بسرعة علشان بابا ميزعلش حنان طالعه وراه بسرعه: طارق ماتتاخرش هستناك بكرة عنيها انقابلت مع عنيه ابتسامه دافئة اترسمت على وشه لوحدها خلتها نزلت عينها فى الأرض وبسرعه رجعت اوضتها. : عند خالد راجع من الشغل تعبان ومرهق مش قادر يفتح عنيه قاعد فى العربية وعينه على شقته. خالد: وبعدهالك هتفضل قاعد هنا كتير وعينك على شباك الشقة، هه ايه فاكراها حنان قاعدة مستنياك وقلقانه عليك وهى واقفة فى البرد وكل خمس دقايق بترن عليك تطمئن عليك، ااه يا خسارة السكينه سرقتك وضيعتها من ايدك حتى امك قاطعتك عشانها وقالتها بصريح العبارة عمرك ما هتشوف خير طول ما حنان بعيد عنك. اتنهد بتعب: حتى هدير اتغيرت ١٨٠ لا ٣٦٠ درجه ياما على التليفون يا بره من محل لمحل وادفع ياخالد كانى بنك متحرك يااما نايمه، ابسط حقوقى ماباخدهاش واخده الحمل حجه كل ما بقرب منها ، حنان مكنتش كده حتى وعز ما هىىتعبانه كانت بتريحنى وتشوف كل طلباتى عمرها ما اشتكت ، ايه ال عملت فى نفسى ده؟ ده حتى الحمل ال عملته حجه مش فرحان بيه. نزل من العربية: انا تعبان محتاج انام وافصل شويه. دخل العمارة لقى جاره موقف الاسانسير داخل يركب راح بصله وبعد على السلم. خالد: فى ايه يا استاذ ابراهيم، انت مش طالع، احنا نفس الدور ابراهيم: لا اتفضل انت انا هعمل مكالمه. طلع خالد وفتح باب الشقة بص حواليه مالقهاش. خالد: احسن شكلها خرجت مش ناقصة صداع راح ناحية اوضة النوم ولسه هيفتح الباب ايده وقفت على الاوكرة وهو سامع همسات وضحك وصوتها مع حد بتكلمه ى الشقه مش قادر ياخد نفسه وقف قدام باب الشقه بيتنفس بصوت عالي بص وراه لقي الاسنسير فتح وخرج منه ابراهيم جارة نظرة ابراهيم كانها بت الشقه مش قادر ياخد نفسه وقف قدام باب الشقه بيتنفس بصوت عالي بص وراه لقي الاسنسير فتح وخرج منه ابراهيم جارة نظرة ابراهيم ليه هزته فشاور على باب شقته وبخوف سأل كنت عارف من امتى؟ ابراهيم بص فى. الأرض من فترة _ليه ما نبهتيش _انت واحد بعت مراتك ووالدتك عشانها هتصدقنى انا الغريب المأجر عندك. غمض عنيه وهو بيعريه قدام نفسه، فتح عنيه وبتصميم على ال نوى عليه. _استاذ ابراهيم استنى هنا انا هحتاجك كشاهد. ابراهيم وفهم ال يقصده: وانا هقف قدام الباب لحد ما ترجع. هنا خالد طلع الدور التانى وخبط على جيرانه وطلب منهم ينزلوا ويستنوه قدام باب الشقه حط التليفون على ودنه وهو نازل لوالدته تحت. _آلو لوسمحت انا عايز ابلغ عن قضيه مخلة بالشرف فتحت مامته الباب وسمعت اخر كلامه ضربت ايدها على صدرها _فى ايه يا خالد. _ربنا جاب حق حنان منى ياماما تعالى اشهدى على حقها وخيبتى وغبائى انا محتاجك معايا طلعت وراه لفوق على ملا وشها واتفاجات بالجيران. هو فى ايه يابنى؟ خالد: هتعرفى. دقيقة وجه البوليس وخالد فتح الباب وشاور على اوضه النوم ضربت أمه على صدرها وخدوها وهى شايفه هدير طالعه ملفوفه بملايه ومعاها ابن خالتها. هدير: اول ما شافته خالد. انتى طالق وال فى بطنك مش ابنى والجيران اهم شاهدين عليكى. رجع خالد البيت عند مامته مش قادر يقف على رجله رمي نفسه على الكنبه والدته قالت ليه. خالد انت هتقعد . خالد لد: ماما انا تعبان. عاوز ارتاح. امه: رحتك مع حنان روح ليها . خالد دلوقتي الوقت اتاخر. امه: لاء متاخرش لسه بدري روح ورجعها حنان طيبه وهي دى اللي تستاهل تتعب عشانها. ** عدى اليوم وال وراه وطارق مجاش هند قعدت جنبها وهى باصه من الشباك مستنياه _حنان. _بدموع: مجاش انهاردة كمان يا هند كان عندك حق شكلهم سافروا _حبيبتى طارق مش دايم وانتى لازم ترجعى لشغلك وحياتك وتشوفي مستقبلك ، طارق ليه حياته وأهله ومدرسته ، هو صحيح خرجك من تا انتى فيه بس انتى لازم تشوفى مستقبلك وحياتك حنان وقفت وبتمسح دموعها بايدها: عندك حق مافيش حد دايم فى حياة حد، انا محتاجه افصل وابعد عن كل ده علشان اعرف ارجع اعيش حياتي من تانى. هند: قصدك ايه ؟ _حنان: انا هسافر عند إبراهيم فى المنيا؟ هند: كده برضه يا حنان عايزه تقلقى قلبى عليكى تفتكرى بسفرك هكون مطمئنه وأيمن تزعليه. حنان: انا مش هسافر على طول مش هتاخر بدليل انى همد الاجازة مش نقل بس صدقينى انا محتاجه ابعد واقعد مع نفسى استرجعها من غير ما احتاج لحد. هند بتنهيده : ما تتاخريش حنان : بإذن الله، وطالما اتفقنا فأنا هغير هدومي وهمشى هندبالسرعه دى طب و شنطه هدومك؟ حنان: انا مش عايزة اى حاجه من القديم حتى الهدوم انا عايزة ابدا حياة جديدة ويالا بسرعه اختاريلى احلى فستان عندك. بعد شويه كانت لبست وقفت قدام الباب بتودع اختها وجنبها جوز اختها ال أصر يوصلها المحطه بنفسه وبتفتح الباب اتفاجات ال واقف قدامها وبلهفة نادى عليها _حنان حبيبتي وحشتني سامحيني اتاخرت عليكي بس انا خلاص فوقت ورجعتلك من تاني هعوضك على كل اللي فات. حنان فتحت عنيها ومن غير ما تبص ناحيته مشيت وخرجت بره العمارة شاورت لتاكسي وركبت فيه، وقف خالد مذهول و نزل وراها شافها بتركب تاكسي جري ركب عربيته وطلع وراها، في نفس الوقت دخل عادل ماسك ايد طارق ابنه طلع السلم بسرعه ورن جرس باب شقة هند اول ما فتحت الباب طارق ندي على حنان هند وهي عنيها على عادل والورد اللي شيله في ايده. حنان: اتاخرت يا طارق عادل: حصل ايه؟ ـ حنان مسافرة المنيا لى اخويا. عادل: سافرت امته. هند: لسه حالا. عادل: خلي طارق هنا انا هلحقها. هند ببكاء: لو عاوزها خد طارق معاك. عادل: انا عاوزه حنان لنفسها مش دادة لابني تشاركني حياتي وتكون سند ليا ولابني هروح ليها من غيره ومش راجع غير بيها ان شاء الله. خرج عادل بسرعه ركب عربيته وساق بسرعه كبيرة وصل المحطة. وفضل يسأل على قطر المنيا لحد ما وصل للرصيف وقف وسط الزحمه ياخد نفسه وعينه علي ركاب القطر جري باقصي سرعه اول ما شافها بتركب نادي عليها بصوت عالي جذب كل الموجودين التفتوا ليه. خنان بسط ناحية الصوت شافت خالد طلقها واقف قريب منها وصوت من وراه. عادل: رايحه فين وسيبانا معقوله هتمشي بسهوله دى وتسيبنا ، مفكرتيش فيا وفي طارق هنعمل اي من غيرك، انا مقدرتش استحمل البعد يومين على بعض وطارق اللي اتجنن عشان يجيلك من كتر البكاء : حنان وعنيهابتدور على طارق بين الناس وهو فهم حركه عنيها : مجبتهوش، محبتش استغل حبك ليه واسيب ليكى حرية الاختيار من غير ضغط، تتجوزينى يا حنان. حنان بزهول: تتجوزنى انا قرب عادل منها وشاورعلى قلبه: ده دق ليكى من قبل ما اشوفك كلام طارق خطفني ولما شفتك عيونك سحرونى خالد لف ليه: ايه ال بتقوله لمراتى ده انت اتجننت بتطلب ايدها للجواز حنان بعصبية: ما تقولش مراتى : خالد: ايوا مراتي وحبيبتي انا غلطت وربنا اخدلك حقك مني والكاس اللي شربتي منه انا شربت اضعافه حنان ارجعيلي انا تعبت اوي من غيرك. حنان عنيها على عادل وبتسمع كلام خالد رفعت عنيها على صوت بيناديها جريت ناحيته التفت _ماما حنان رايحه فين انا ماسافرتش عشانك هتسافرى انتى وتسبينى فتحت دراعها ليه وجرى فى حضنها وقفت وهى شايلاه . حنان: موافقة يا دكتور عادل. خالد: حنان بتقولي اي وانا هتسبيني. حنان وهي بتمشي: انت بعتني بالرخيص وربنا عوضني بالغالي اوي ورزقني بابن قلبي حبه واتعلق بيه. واقف مزهول وهو شايفها ماشية مع عادل وشايله الولد واختها وجوز اختها حواليها وبحسرة: حنان ضاعت منى خلاص

مقالات ذات صلة

عشق الفهد*

زهرة زسيف٢

مذكرات حائر٧

ليلة خماسينية شديدة الحرارة.. تحذير شديد من طقس اليوم: «بث تجريبي للصيف»

اسكريبت بقلم نور*

رواية جديدة

اترك تعليقاً إلغاء الرد