بقلم دعاء احمد ٣
نجمه. اقولك انا وشمس في رابط أقوى بكتير من الحب رابط لا هتقدري تك”سره ولا تقدري تعملي واحد زيه. جوازنا انا وشمس رابط مقدس لا انتي ولا كل البشر يقدروا يك”سروا الرابط لان قوه الرابط دا هي قلوبنا اللي بتنبض عشان بعض وبحذر يا سوزان علاقتي انا وشمس خط احمر
وخرجت وسابت سوزان تك”سر في كل حاجه حواليها وقفت على صوت الموبيل كانت راحه تمسكه وتر”ميه بغضب لكنها شافت حاجه لافتت انتباهه
(لو عايزه شمس يكون ليكي وتخرجي نجمه من حياته قابليني في المكان دا…. الساعه ٤)
سوزان بخــ,,ـــــبث. شكلي مش لوحدي اللي عايزكي تخرجي من حياته يا نجمه
………..
في شركه شمس
زين. شمس بقولك في حد كدا عايز اسالك عليه
شمس. حد مين
زين. مدحت زيدان
شمس. مش دا صاحب شركات زيدان الهندسه ايه داخل المناقصة
زين. مدحت يبقى ابن جواز والده نجمه وهو داخل المناقصه بس معه شركاته
شمس بتفكير. مدحت!
زين. سرحت في ايه صحيح هتقدم الورق امتى للشركه؟
شمس. الاسبوع الجاي دا آخر معاد
زين. اوكي ربنا يستر
شمس فضل يفكر في مدحت وعمل اتصال مهم
………………
في مكان مجهول
سوزان وساره وصلوا بالعربيه لمكان شبه مهجور
ساره. سوزي انا خايفه المكان دا غريب اوي
سوزان. وانا مش همشي الا لما اكون معايا سلا”ح قوي اخلص بيه على نجمه انزلي
الاتنين نزلوا وبعد شويه عربيتن وصلوا. عربيه بودي جاردات والتانيه نزل منها مدحت
مدحت. اهلا سوزي هانم
سوزان بجديه. انت مين؟ وايه اللي عندك يخليني ابعد شمس عن نجمه
مدحت. المناقصه العالميه
سوزان. اصدك ايه
مدحت. سوزي انا واثق انك بتحبي شمس وعايزه لكن دا له تمن معايا ولالاء
سوزان. معاك بس افهم
مدحت. الاب توب بتاع شمس
سوزان. يعني
مدحت. الفلاشه دي خليها معاكي في الوقت المطلوب هقولك تستخدميها ازاي امشي دلوقتي
وركب عربيته و مشي
وكذلك سوزان
……………..
في شركه شمس
في اوضه الاجتماعات
شمس بحده. رحيم خد موبيلتهم
رحيم دراع شمس وصاحبه. بدا ياخد موبيللات كل اللي اشتغلوا مع شمس في موضوع المناقصه
شمس. زين عايزك تبلغ اهليهم انهم مش هيقدروا يرجعوا بيوتهم الفتره الجايه بسبب الشغل
ممدوح احد المديرين. هو حضرتك شاكك فينا يا شمس بيه
شمس. تفتكر لو عندي شك فيكم كنتم هتبقوا موجودين معايا دلوقتي فاضل اسبوع على تسليم الورق والمعلومات لشركه المانيا مصطفى هياخدكم اسكندريه الاسبوع دا محدش يقدر يتواصل معاكم اظن كلامي واضح دي أكبر مشروع الشركه بتقوم بيه واللي معترض يتفضل ومش عايز اشوف وشه تاني
