بقلم دعاء احمد ٣

ساره باستغراب وصدمه تفوقهم كلهم وبنحاول تجمع كلمها. اص اصل

سليم بغضب. اصل ايه ماتنطقي

ساره بخوف. اصل لما فتحت الباب وشوفت شمس كدا مكنتش اعرف ان دي نجمه افتكرتها سوزي

زين بخــ,,ـــــبث. ولا تكوني متأكده ان شمس وسوزي سوا

ساره بسرعه. لا لا انا بس مشوفتش وش نجمه

سليم بغضب. استغفر الله العظيم يا بتي الكلام دا بيبقى في قط”ع رقاب و مينفعش تتاخد كدا والمره دي مش هعملك حاجه انتي متعرفش عادتنا لكن لو اتكرر حاجه زي دي فارجعي بلدك احسن انا رايح الشغل يا حجه

فتحيه بغيظ من ساره. مع السلامه يا حج

سليم سالهم ومشي

فتحيه بغيظ لساره. بقي شمس الأنصاري هيبص على واحده مش جلاله أعوذ بالله من تفكيرك

ساره لنفسها. اومال سوزي فين دي أخذته ودخلت الاوضه امبارح. وازاي نجمه اللي في الاوضه

زهره بهمس لزين. شكلها هتطق وهي بتفكر فين سوزان.

زين بابتسامه وغمزه. ما تيجي اقولك كلمه سر

زهره بهمس. زين اختيشي

زين بنظره حمدي الوزير. ع فكره انا جوزك

زهره بغيظ وخجل من نظراته. زززيييننن

……..

في اوضه سوزي

شمس بدا يصحى وهو دماغه وجعه اوي وحاسس بثقل

لقى نجمه نايمه على صدره ابتسم بهدوء لكن استغرب لما فتح عنيه وبدأ يشوف كل حاجه في الاوضه واستغرب لأنها مش اوضتهم وكمان استغرب انه نايم عا”ري الصدر وهو دايما بينام بالبجامه

شمس. نجمه نجمه

نجمه بنوم. ايوه يا شمس

شمس. ايه اللي جبنا هنا دي مش اوضتنا؟

نجمه. اه دي اوضه سوزي

شمس بحده. نجمه احنا هنا ليه

نجمه بدأت تفتكر اللي حصل قامت واتعدلت

نجمه بجديه. البس هدومك عشان نروح اوضتنا ياله يا شمس

شمس بحده وغضب. هو في ايه

نجمه. هشرحلك بس البس هدومك عشان كلهم جايين دلوقتي

شمس. كلهم مين

نجمه. زهره وزين

شمس قام بعصبيه لابس قميصه وبص لاوضه. دي اوضه سوزان ايه اللي جابنا هنا

نجمه لسه هترد الباب خبط جابت حجاب ولفته على شعرها وراح

نجمه. ادخلوا

زين. صباح الخير

شمس. هو في ايه

نجمه بدموع. شمس انت ازاي تثق في سوزان؟

شمس استغرب دموعها وهو مش فاهم حاجه

زهره. القهوه اللي سوزان قدمتهالك امبارح كان فيها منوم

شمس بعصبيه وبدأ يفهم. ليه؟

نجمه وهي مش قادره تسيطر على دموعها. عشان بتحبك وعايزه تتجوزك

زين. لولا نجمه امبارح كان حصل مشكله كبيره ومعرفتش نخلص منها

شمس باصص لنجمه وهي ساكته. اتكلمي يا نجمه