بقلم دعاء احمد ٣

سليم. تاب ليه ما تصلتش وقالت إنها لسه عايشه

زين. بصراحه يابوي انشغلت معها وخصوصا ان حالتها كانت صعبه مكنتش قادر اتكلم مع حد

سليم. الحمد لله يا ابني وانت سيبها لوحدها ليه خليك وياها

زين. هي نايمه دلوقتي سيبتها ترتاح

فيروز بصتله باستغراب وهو شاورلها بمعنى تسكت

سوزان. ازايك يا زيزو

زين. الحمد لله

ساره باعجاب. مش تعرفينا ولا ايه يا سوزي

سوزان. اعرفك يا ستي دا زين دنجوان العيله

زين بجديه وضيق. بعد اذنكم

سليم. على فين يا زين

زين. هطلع على الشركه انا بقالي فتره طويله بعيد ور”امي الحمل كله على شمس هاروح اشوف الدنيا ماشيه ازاي هناك

فتحيه. ربنا يبارك فيكم يا ولادي

سوزان. اوضتي جاهزه يا خالتي

فتحيه. ايوه يا بتي واوضه الضيوف جاهزه لصحبتك

ساره. لا مفيش دا انا وسوزي متعودين نقعد سوا وبصراحه انا بنفضل نرغي طول الليل فبنفضل في نفس الاوضه

فتحيه. اللي يريحك يا بتي

اتفضلوا

في اوضه سوزان

قاعده تتحرك في الاوضه بغضب

ساره. اهدي يا بنتي في ايه

سوزان بغيره. مش قادره يا ساره نفسي اروح اك”سر باب الاوضه وادخل اجيب البت دي من شعرها

ساره. ليه دا كله

سوزان. بحبه يا ساره بحبه هو الوحيد اللي بحسه كدا را”جل بمعنى الكلمه طول عمري كنت بتمنه وهو ولا شايفني وفي الاخر يروح يتجوز بت عندها ١٦ سنه مش قادره هامو”ت

ساره. وأخوه دا ايه نظامه

سوزان بنص عين. ايه دا معقول إعجاب

ساره. معرفش بس هو شاكله مختلف عن كل اللي عرفتهم وتقيل في نفسه

سوزان بضحكه مايعه. لو على زين سهله زين ممكن تجيبي رجله إنما شمس لا

ساره. وناويه على ايه للبت مراته دي

سوزان. ناويه اعلمها ان الله حق وانا مش بسيب حاجه تخصني وشمس دا بتاعي لوحدي

ساره. بس خالي بالك وانتي بتعلميها الأدب تخسريه يا حلو

سوزان. متخافيش عليا دا انا استاذه ورئيسه قسم بس دلوقتي عايزه أعرف طبيعه علاقتهم ايه يعني هو متجوزه عادي ولا بيحبها

ساره. بكرا نعرف

………

في اوضه شمس

نجمه بتصحي وكان في إثر دموعها على خدها

شمس بابتسامه جميله. انتي كويسه دلوقتي

نجمه بحزن. شمس ممكن تسيبني لوحدي لو سمحت عايزه اقعد لوحدي ممكن

شمس. لا مش ممكن وبعدين دي اوضتي انا كمان ولا نسيتي

نجمه. انا مش عايزه اشوف حد يا شمس لو سمحت

شمس. حتى انا
نجمه بوجع. كلكم بتاذ”وني اولكم امي واختي واخويا ومش هستني لما انت كمان تو”جعني زيهم