ياما فى الحبس مظاليم

ياما فى الحبس مظاليم.
منى عبدالعزيز ومروة حمدي
قعدة على السرير پتبكي وبتشهق رفعت عيونها على صوت اللي بيكلمها وبيقول اهدي يالوله متزعليش نفسك وحياتك لا نخليه يندم على اللي عمله وهنخليه يجي زحف على رجليه وايديه ويقولك السماح ويرجعك وجزمه فوق رقبته.
بصت للي بيكلمها وقالت تفتكري ياماما حتى لو عملتي اللي قولتي عليه وخلتوه يرجعني تفتكري هعيش معه زي اول جوزنا وبعدين اي اللي يجبره يرجعني لا شرع ولا قانون فى صفي.
امها بإستغراب وحده نعم هو اي اللي لا شرع ولا قانون دا القانون فى صفك نشكيه بالقايمة والنفقة والمأخر تفتكري ابوكي ليه صمم على المأخر الكبير .
لوله بعصبية ماالعفش كله مرمي فى البدروم تحت قبل نا اخرج من بيته كان كل قشايه اخدنها والمأخر وسلمه لعمي فى قعدة الطلاق وقال قدام كل العيله لو هبيع هدومي واشحت عشان اخلص من بنتكم هعمله باي شكل كفايه البي عشته معه فى التلت سنين عوزاني ارجعله.
امها ڠصب عنه وبعدين تليفون لامه.
قاطعتها لوله بضحة وسخرية امه حماتي اللي كلمة تدوديها وكلمه تجبها وكلمتي وامري اللي كانوا سيف لازم تمشيهم على رقابي البيت كله بعد اخر عيل سقطه وهي وقعت انكسرت واترمت فى السرير قالت لي كل دا سلف ودين من ظلمي وافترايه على الغلبانه بدريه بس ارجع واقول انتي واخواتى السبب لولاكم مكنش حصل دا كله ولا كنت اتحرمت ابقي ام غير العاهه اللي بقت فيا بعد طلاقي والكلام اللي قاله ممصطفي عشان يخلص مني، كفايه كل رجالة العيله وشبابها بعد ما كانوا ريحين يشيلوا العفش ويبهدلوهم نصهم مشي منزلين راسهم فى الارض والنص التاني بيقولوا لسه هتشفي دعوة المظلوم هتفسر فيكي وفي اهلك وكل اللي قالوه اتنفذ وهشام اخويا شاف بعينه مرمتك لسارة مراته واخدها ومشي وساب البيت حتى محمد قالك مراتي وعيالي اللي بقيلي مش همرمتهم ومش هعمل زى هشام واخرب بيتي بايدي طلعوا واعين ولحقوا نفسهم واختصروكى مش انا اللي مشيت وراء كلامك وافتريت على سلفتي الغلبانه واللي من اول يوم شفتيها وانتي بتقولي الكلمة كلمتها والشور شورها وهي طلعت مرمتون وشغاله زي التور وبدل ما اراعي ربنا افتريت.
امها بعصبيه وانا كنت عملت اي يا ست لوله مش خۏفي عليكي واللي شفته قولته.
لوله پبكاء وندم عملتي كتير يا ماما فاكرة يوم ما رحتي تزوي اهل مصطفى وتشوفي وضع بيتهم والشقة رجعتي قولتي اي.
رجعت بذكريانها قبل تلت سنين
فتحت الباب بلهفه وقالت… اي يا جماعة التأخير دا كله انا قلقت عليكم وخۏفت من القاعدة لوحدي.
مرات اخوها بضحة وغمزة…. قلقتي علينا ولا مستنيه اخر الاخبار.
بكسوف قالت… عيب عليكي يا سارة هو انا بتاعت الكلام ده.
اختها… يالوله عيني فى عينك بزمتك مش قاعده على ڼار وبتقولي يا تري هيوفقوا ولا لاء.
لوله… ياختى انا عرفت ان بابا وهشام وافقوا.
الكل بصلها وقال… عرفتي ازاي واحنا يدوب اتكلمنا فى العربية واحنا جين.
لوله… بالبديهي كدا اتاخرتم نص يوم عندهم وسيبني لوحدي حتى تليفون تطمنوا عليا بيه محصلش وكمان اول مرة عريس يتقدم وتروحوا تزورهم وتشوفوا وضع بيتهم وتقعدوا الوقت دا كله يبقي العريس واهله عجبوا بابا.
اختها… والله اروبه يا لوله، شايفه بنتك يا ماما.
امها قلعت حجابها وحطته قدمها على طربيزه الصالون ومردتش عليهم وفضلت سرحانه.
لوله بصت لامها بستغراب واديرت بصت لختها ومرات اخوها وقالت… ماما مالها يا بنات سكته وسرحانه كدا ليه.
اختها نسرين… معرفش هي كانت مبسوطه طول