ياما فى الحبس مظاليم

لبالى منه وانا داخل.
بص لبنته المهم انتى رايك ايه يالولا؟
البنت بصراحه انا قعدت مع العريس واتكلمنا وارتحتله وانا مش قلقانه من كل الكلام ال قالته، حماتى ست طيبة وعلى عينى لكن سلفه نتحكم فيا فده لا يمكن أبدا، لو فى يوم داستلى على طرف هوقفها متعلقه على الطرف التانى وان قالتلى بم هقولها طرش الډم.
نسرين اهم حاجه تكونى مالية ايدك من جوزك عشان يقف فى ظهرك وحماكى وحماتك تضحكى عليهم بالكلام وتخليهم دايما معاكى.
الاب ايوه يابنتى نصحى اختك ، مش امك ال بتقول قلقانه وخاېفة، يالا يابنات حضروا لينا لقمه ناكلها وافرحوا بكرة الجماعه جاين وهنكمل اتفاقنا.
الام لازم نتفق اننا هنعمل شبكه وعرفهم اننا هنعزم عيلتنا كلها
الحج اى حاجه من ناحية الجوازة ماتقلقيش منها المهم بس ارفعوا راسنا قدام الناس بكرة.
تانى يوم اهل العريس جم واتفقوا على كل الشروط ال هما عايزينها وقروا الفاتحه وبعدها طلبت ام لولا العريس وقعدوا هما التلاته فى اوضه .
ام لولا مبروك يا مصطفى عليك لولا، لولا بنتى بنت حلال ونظيفه من جواها عايزاك تحطها جوه عنيك واوعى فى يوم تزعلها انت او غيرك هزعل اوى لو زعلتها هنزعل منك كلنا.
مصطفى لولا فى عنيا يا حجه وانشالله ربنا يقدرني واسعدها وعمرى ما ازعلها.
ام العروسة وحاجه كمان بنتى مش مرمطون.
مصطفى يعنى ايه يا طنط مش فاهم؟
ام العروسة يعنى مرات اخوك تعمل عليها سلفه كبيرة اما بقى من ناحية والدتك احنا مطمئنين وعارفين ان الست طيبة وعمرها ما هتزعلها.
مصطفى باستغراب أمى طيبة؟
وفى سره قال مرات اخويا ال لا بتهش ولا بتنش خايفين منها والۏحش ال بيوقف البيت على رجل وراعب الكل مش خايفين منها؟
اتعدل فى قعدته وقال لا يا طنط مرات اخويا مفيش منها خوف ولا تقدر تعمل حاجه يالولا، ده لولا استولت على قلب الحجه الكبيرة وبكرة هتعرفى ان الكلمه والشورة هتكون للولا
لولا بابتسامة وهى بتبصله بإعجاب خلته كمل بزهو محدش يقدر يدوسلها على طرف حتى انا ولو حصل فى يوم وزعلتها وقتها حاسبينى.
الست انبسطت هى وبنتها وقامت من مكانها وقالت طمئنت قلبى اسيبكم بقا شوية مع بعض تتكلموا وتتعرفوا على بعض.
قامت وهى بتزغرط..
بس مصطفى لعروسته بعد خروج امها وبفرحه متعرفيش انا فرحان قد ايه اننا خلاص اتفاقنا وهنكون لبعض.
لولا بجد يا مصطفى.
مصطفى بهيام بجد يا عيون مصطفى.
عدت الايام لحد ما جه يوم الفرح
والكل كان مبسوط وخصوصا ان ام العريس مبطلتش زغاريط وده طمئن اهل العروسة.
بعد الفرح بكم يوم. ام العريس كانت واقفة وبترحب بأهل العروسة ومرات اخوه كانت بتضايف الكل حتى اهل العروسة كلهم قالوا لامها ربنا يعين بنتك على سلفتها دى مش بتتهد يختى طول الفرح مقعدتش لحظه.
ام العروسة بصت لبنتها نسرين وقالت شايفه عمتك نفسها خدت لبالها هو مصطفى كان بيضحك علينا ولا ايه؟
نسرين ايه ال مزعلك بس ياماما؟
امها يابنتى انتى هبلة نقول طور تقولوا احلبوه هو انتى مش شايفه مرات اخوه من ساعه ما جينا ماقعدتش بتلف على المعازيم ده غير طلبات الرجالة.
نسرين ماهو ده الطبيعى ال المفروض يحصل اصل مفيش غيرها فى البيت هى وحماتها وحماتها ست كبيرة.
ام لولا اومال سلفتها التانية يختى؟
نسرين قاعده زى الضيفه مقامتش وكل شوية توشوش فيها وهى تقوم تجيب اكل لعيالها وحاجات.
ام العروسة تصدقى صح معقولة كده البنت متحكمه لدرجه ان حتى الاكل بمعرفتها.
نسرين لا يا ماما انا حاسه انها مش كده والتانية دى يمكن
متابعة القراءة
صفحة
4
/ 9
انت في الصفحة 5 من 9 صفحات