ياما فى الحبس مظاليم

ما تتمكن، مع كل واحد فى البيت اتعملي بطرقتك مثلا حماكي تسالي فى الدين الراجل طول القاعدة بيكلم فى الدين والعبادات دايما طول قاعدتكم معه تساليه.
نسرين بضحكه دي لوله بتصلي على سطر وتسيب عشرين مش عشرة عاوزها تسأل فى الدين.
لوله انا فهمتك يا ماما وعرفت شخصية حمايا، وحماتي انا عارفه ازاي اكسبها.
امها مفضلش غير سلايفك لو عرفتي تكسبيهم حريمهم عمرهم ما هيقدروا يهوبوا ناحيتك.
لوله هعرف من مصطفى شغلهم ووضعهم فى البيت وبعدها هعرف ازاي اكسبهم.
سكتوا على صوت دخول ابوها اللي قال مبروك يا لوله بكرة هنقروا فتحتك ونتفق على الشبكه وكتب الكتاب.
امها بسرعة اقعد يا حج نتكلم كلمتين ضروري
ابتسم وهو بيقعد جنبها ويطبطب على كتفها قولى ياام هشام عشر كلمات مش كلمتين بس.
اتنهدت وقالت ملفتش نظرك حاجه واحنا قاعدين فى القاعده؟
الرجل بصلها وبابتسامه قال قصدك حماها ال كل شوية يبعد عن موضوع الخطوبة والجواز ويتكلم فى الدين والشرع كأنه بيلمحلى كده على المؤخر والمقدم والمهر.
امها لا لا انا فهمته من اول ما اتكلم وفهمت هو بيرمى على ايه والكلام ده مفروغ منه احنا شروطنا بنحطها عجبهم
معجبهمش يبقى نفضها سيرة ومع السلامه زى غيره.
بصت لبنتها وابتسمت بغرور بس اما متأكده انهم هينفذوها، الوليةحماتها طول القاعده فرحانه وهى بتتكلم عن جمال لولا من وقت ما شافتها اول مرة ده كان فاضل سنه وتقولى انا مشفتش احلى منها ولا أجمل منها وانا برضه عرفتها مزايا بنتى وشطارتها ونضافتها.
الحج اومال ايه الحكاية وايه ال لفت نظرك تانى؟
الام انا مش عارفة انت ازاى مخدتش لبالك طول القعده.
الحج بحيرة مالها حماتها الست باين عليها طيبة وطول القعده بترحب بينا.
الام ايوووه اهو انت جيت لمربط الفرس طول القعده قاعده متحركتش.
الحج ماهى ست كبيرة تتحرك ليه؟ وطول القعده فرحانه بينا ومش عايزة تسيبنا.
الام ايوه الست غلبانه وعلى نياتها وده يقلق.
الحج باستغراب يقلقك ان حمات بنتك كويسة وطيبة؟
الام مزعلش لو كل حاجه فى ايدها مش فى ايد مرات ابنها وانت عارف شغل السلايف.
الحج انتى قصدك ايه انا مش واخد لبالى؟
الام مرات ابنها طالعه داخله هى ال تقدم الضيافه وحماتها مرمشتش ..
الحج وفيها ايه كتر خير الست ال بتضايف.
الام من امتى بيحصل الكلام ده؟ اى حد بيروح من اهل العريس او العروسة الحما هى إلى تطلع تدخل وتقول قدموا ايه او هاتوا ايه؟
الحج انا برضه مش شايف حاجه غريبة؟
الام ذمتك انت شفت الحركه دى لما روحنا نشوف اهل عاطف جوز نسرين؟ ولما حتى اهل سارة مرات ابنك لما جم يشفونا ويتعرفوا علينا.
الحج انت كانوا البنات ال موجودين ومكنش عندك حد اتجوز؟
الام بالرغم انهم بناتى وانا معلماهم يعملوا ايه ومابعملوش ايه بس برضه كان لازم اشرف على كل حاجه بنفسى مش دى قاعده وكل شوية تشيل الفاضى وتحط مليان مرة فاكهه مرة عصير.
الحج ودى فيها ايه بقا؟ الست بتطلع تدخل وعنيها مش بتترفع من على الأرض وازيد من السلام عليكم مش بتقول فاية ال شاغل بالك بيها؟
الام ال شاغل بالى وشيفاه ان وحده زى دى ماسكه البيت كله.
نسرين الأخت الكبيرة اشترطى عليهم زى ما اشترطتى فيا ان يكون ليا معيشة لوحدها.
الحج اهى نسرين قالتها وانا هقول كده لابوه بنتى لا ليها لا فى طيور ولا فى مواشى وعلى أساسه هيتم الاتفاق.
الام كويس انك فكرتنى كنت ناسية قصة الطيور والمواشى دول وروني الحوش بتاعهم حاجه كده بسم الله ماشاء الله.
الحج خدت
متابعة القراءة
صفحة
3
/ 9
انت في الصفحة 4 من 9 صفحات