القناص ٣
محمد بتوتر : تمام اتفضلي
خرجت و أغلقت الباب و محمد يقرأ الفاتحة على روحه
اسراء : أسفة جدا قطعت عليك خلوتك الجميلة
محمد بتوتر : خلوة ايه بس يا حبيبتي
اسراء : بس ما تقولش حبيبتك لأنك دي اخر مرة حتشوفني فيها
محمد بقلق و هو يمسك يدها : اخر مرة ده عند ام ليلي انا خودي روحي أسهل
اسراء بتقليد لصوت السكرتيرة : عن اذنك يا فاندم ان احتجت اي حاجة نننننيي ننني
محمد و هو يكتم ضحكته : شكلك حلو اوي
اسراء : انتي بتلعب بيا يا محمد
محمد بصوت حنون جدا بعد أن أجلسها و جلس على ركبتيه أمامها : ليه بتقولي كدة
اسراء : اول مرة شوفتني فيها قولتلي شركتك كلها رجالة عشان كدة ما شغلتنيش فيها و انت مشغل وحدة لابسة قميص نوم
محمد بضحك : قميص نوم و الله و الله و لا يحرك فيا شعرة دي سكرتيرة بابا و هو أصر تفضل هنا شكلها بتنقله اخباري و كدة يعني يعني ما اقدرش ارفدها
وضعت يدها حول كفيه تنظر إليه جعلته يكاد يفقد عقله و يفترسها دون تفكير
اسراء : يعني انت ما بتخونيش و لا بتعرف وحدة تانية غيري اوعك يا محمد صدقني مش حتشوفني تاني و لا حتى صدفة
كلمتها جعلت جسده يتشنج ماذا يخبرها انه متزوج كيف ستكون ردة فعلها و هيا كادت تجن من فتاة رأتها تتدلع ماذا ستفعل ان عرفت انه ينام بحضن فتاة أخرى رفقا بقلبي يا نبض قلبي فخوفي يكاد يقتلني
محمد : اسراء تتجوزيني
اسراء بسعادة : ايه
محمد : انتي عارفة انه اهلي عايزين يجوزوني بنت عمتي بالعافية و انا بعشقك انتي عشان كدة حنتجوز من وراهم
اسراء بصدمة : بتقول ايه نتجوز بالسر
قامت من مكانها تريد الخروج بعد أن صدمها صدمة
محمد : استني لا لا انتي فهمتي غلط انا حاتقدملك و نكتب رسمي و قدام كل الناس و اعملك فرح بدون ما اهلي بس يتدخلوا انا مش صغير يا اسراء انا بحبك اوي اوي و ما اقدرش اعيش من غيرك انا
اسراء : بس
محمد : من غير بس قولي اه و ريحي قلبي
اسراء : موافقة لاني مش قادرة اعيش من غيرك
ضمها بقوة يكاد لا يصدق سعادته يريد ان يضمنها انها له وحده و انها لو علمت بعد ذلك بزواجه فستكون ملكه و لن يتركها
محمد : حدديلي موعد النهاردة المغرب
اسراء بذهول : النهاردة
محمد : ايوة مش حاستنى و لا ثانية زيادة
خالد : شوفتي يا أمي ربنا خد حقها ازاي منك بأنه يحسرك عليا و انا بتهد قدامك يا أمي
