ابو البنات
سكريبت ابو البنات. منى ومروة.
ساند راسه على شباك العربية النقل عيونه فيها حزن وبيتنهد تنهيدات وراء بعض طبطبه على كتفه خلته يتعدل ويبص للايد اللي بتطبطب عليه وقال في حاجة يا سطي.
السواق روق يا حج اسماعيل مالك كده سرحان ومهموم وصوت تنهيداتك مليه العربية .
اسماعيل رجع سند راسه على الشباك وقال مفيش حاجة ياسطي سيد شوية ارهاق وتعب من شيل العزال وفكه ونقله للعربية والدنيا صيام.
سيد بحزن والله يا حج من وقت ما رنيت عليا وقولت عاوزني انقل عفشك لمصر وانا مستغرب ازاي يطلب عربيه تنقل العفش وخواتك وعيالهم عندهم اسطول شفر للنقل بس بعد ما لقيتك بتنقل وتشيل العفش بطولك انت والابلاوات والحجة عرفت السبب.
اسماعيل اتنهد پقهر قصدك اي يا سطي سيد.
سيد قصدي اللي كل البلد عارفينه يا حج لامؤخذه اخواتك وعيالهم متزعلش من اللي هقوله مطمرش فيهم كل اللي عملته عشنهم، سنين والكل بيقول هو الحج اسماعيل لاقي الفلوس فى الارض مكنش بيسفر وبيتغرب العمر كله عشان يرجع يرميها فى حجر عيال اخواته الصيع، بصراحة يا حج الكل مستغرب ليه عامل كدا لدرجة ان المعلم حلومه قال دول لو مسكين عليه زله مش هيعملوا فيه كدا.
اسماعيل پقهر جواه صوته خرج كأنه بيبكي وقال ربنا يا سيد هو اللي كنت بتعامل معه لا دورت على مال ولا ارض ولا بيتوت كنت بقول دول اهلي اخواتي ولاد ابويا وامي سندي وعزوتي انا وبناتي لو جرالي حاجه فى يوم اخواتي هيشيلو البنات ويكون ليهم بدل الاب اتنين وبدل الاخ سته طلع كل ده فشنك والدم بقي مايه والحب والحنان اللي كنت بشوفه بعيوني طلع تمثيل فى تمثيل، لو فى يوم حد لامح ليا وقال فلان عمل ولا فلان سوه قبل ما يكمل كلامه كنت بكون ماسك فى خڼاقه واقوله اللي بتحاول توقع بيني وبينه دا اخويا اقرب ليا منك لو فكرت انك بكلامك ده بتاخد وش بيا فأنا ميشرفنيش اعرف واحد زيك، طلع الكل بيفهم وانا اللي حمار حصاوي كل حاجة كانت قدام عينيا وسمعها بوداني عيني عينك واكذب نفسي واصدقهم، فاكر كويس اوي يوم ما جتني يا سيد وقولت انك تعبت من معملت ابراهيم ودود وانك ليك شهور مخدتش مرتبك االلي اتفقت معك عليه وهو التلت من شغل العربية والباقي يتقسم بين مصاريف العربية زيت وبنزين ومغسله ومكانيكي والباقي تديه لام جيهان.
سيد بمرار قال متفكرنيش يا حج انا لحد دلوقتي بتحسبن عليهم وعلى عرقي وشقايا اللي كلوهم كل يوم قبل ما ارجع البلد الاقي يا إبراهيم يا داود عندي فى الموقف وخدين فلوس اليوم كله اقولهم العربيه عوزة غيار زيت وبنزين وعرقي يقولولي اخر الشهر تاخد مرتبك ايه يوم بيوم دا اقولهم بيتي وعيالي هصرف عليهم منين احنا شغلنا يوميه ودا اتفاقي مع الحج يقلولي سألنا والناس كلها ماشين كدا عحبك كان بها مش عجبك مليون واحد يتمنوا يركبوها، عدي الشهر ورحت اخد مرتبي زى ما اتفقنا ابراهيم يرميني لدود وداود يلاحقني لبراهيم حتى فلوس غيار الزيت اللي ديونوا بيه العربية للمشحمه شيلهولي وانا بدل ما اخد فلوس تعبي بقيت اصرف عليها من جيبي، لوله الست الحجه ربنا يديها الصحه قالت حل نفسك يابني الناس وانفد بجلدك دول بيزهقوك عشان تسيب العربية وبصريح العبارة دول معبين الحاج عليك امشي قبل ما يقولك امشي ويطلعوك بمصېبه يقطعوا بيها عيشك من الشغل مع اي حد تاني، بصراحة يا حج رجعت البيت وانا هتجنن ازاى دول اخواتك، اخذت الرخصه بتاعتي من العربيه وشيكت على كل حاجة فيها ورحت للعمده وقولت له كل حاجة ولشيخ الجامع واخدتهم وورتهم العربية وان كل حاجة فيها سليمه وقدمهم سلمت لاخواتك المفتاح وقولت انا مش مسامح فى شقايا وتعبي اللي اكلوه عليا، تعرف يومها ياحج الاتنين اتخنقوا مين ياخد المفتاح ويسقوها العمدة خبط كف بكف وقال ربنا نجاك يا سيد من الناس الشبعة بعد جوعه دول ربنا يقوي اخوهم فى غربته عليهم.
إسماعيل بحزن بعدها ب يومين اتصل عليا ابويا ويقولي اخوك كان هيضيع وهو بيحاجي على مالك من اللي نهبينة لاهاني الله يرحمه بقي بالكلام قبل ما يقولي ان العربية بقت عجين.
سيد ضحك وقال اه لما راح يزف واحد صاحبه وكان بيخمس بيها واتقلب من الكبري واول ما شم نفسه بدل ما يحمد ربنا انه نجاه راح يقول للناس اني لعبت فى العربية وبوظت الفرامل بزمتك يا حج هي العربيه اللي فرملها ملعوب فيها بتقلب ولا بطيح فى اللي قدمها.
اسماعيل ببتسامه، موجعة ابويا لما عتبت وقولت ليه ياخد العربية ويزف بيها عريس وهو مش بيعرف يسوق واهو العربية ضاعت ومبقتش تنفع خالص قال شاب وحابب يجامل صحبه هتقف له على الوحدة ولا ضحك عليك قريب مراتك عشان يسخنك على اخوك ويلعب بديله هو ومراتك ويكلوا شقى عمرك.
سيد اعوذ بالله فى ناس بالشكل دا يلا كلام فى العايط نقصان عقل، بس متأخذنيش فى الكلام يا حج مش عجب اليومين دول نقلت من البلد ويعني بناتك ربنا يحفظهم ويحميهم كبروا والعرسان رايحين جاين عليهم ليه تسيب البلد والمحافظة كلها وتروح مصر.
