ابو البنات

اسماعيل انت قولتها بناتي وعشانهم انا مش بس اسيب البلد دا انا اهاجر بيهم بلاد.
سيد ربنا يباركلك فيهم ياحج ياريت كان عندي ولاد على وش جواز اقسم كنت طلبت ايدهم منك ويكون لينا الشرف بنسبك.
اتنهد اسماعيل وسكت وادير وعيونه على الشباك وبيهمس لنفسه الغريب جبر بخاطري واخواتي بيجوزوا عيالهم من الغرب ولا واحد فيهم قال اخد بنت من بنات اخويا لواحد من عيال مفيش غير ابراهيم جاي يجوز الدكتورة لابنه الفاشل الخمورجي وياريته طلبها بالادب جاي يؤمرني انا وبنتي وعاوزنا يؤمر واحنا نطاع.
اتنهد ونفخ بضيق ودماغه هتتفرتك من الصداع غمض عيونه ورجع راسه لوره سندها على الكرسي وبيقول العنوان معاك يا سطه قبل ما نوصل بشويه ابق صحيني انا دماغي هيترشق من الصداع.
سيد ماشي يا حاج نوم العوافي.
بعد ساعتين ونص سيد ناده على اسماعيل يا حج يا حج اصحي وصلنا مصر.
ابتسم اسماعيل وفتح عيونه وقال اسمها القاهرة يا سطي سيد.
سيد بضحكه مصر هى القاهرة والقاهرة مصر طول عمرنا نقول ريحين مصر معلش فى السؤال يا حج البلد كبيرة ومليانه شقق ليه اخترت الحارة الضيقة دى دا البيوت لازقه فى بعضها تحس انك عايش فى علبه كبريت غير البلد البيوت شرحه وبرحه وبعيد عن بعضها مفيش جيران تجرج بعضيها.
اسماعيل الجنه من غير ناس ما تنداس يا سيد وقولتهالك انا اللي جبني بناتي وهنا اكتر مكان أامن عليهم فيه حتى البلد نفسها مامنش عليهم هناك.
سكت سيد وهو بيكلم نفسه اقطع دراعي ان مكنش جوز التعبين اخواته وعيالهم هم السبب، ربنا يعينك ياحج اسماعيل ويخليك لبناتك.
اسماعيل طلع تليفونه من جيب بنطلونه ورن على رقم وقال اول ما سمع الرد السلام عليكم

متابعة القراءة
صفحة
1
/ 6
انت في الصفحة 2 من 6 صفحات

يا ابو نسيم انا خلاص داخلت الحارة قولي البيت فى اي اتجاه والشارع هينفع العربيه تدخل فيه ولا اي.
ابو نسيم من الناحية التانيه قاله مشي دغري وبعدين يمين فى يمين وهتلاقيني واقف قدامك.
نهي الاتصال وعرف سيد المكان وبعد دقايق اسماعيل ابتسم وهو شايف اللي واقف ابتسم وقال وقف هنا يا سيد وقف الشفر المحمل العفش ووراه العربية الملاكي اللي فيها مراته وبناته وقال وهو بينزل من العربية هنتعبك معانا يا سيد وهتطلع على العربية تناولني العزال وحده وحده.
سيد تعبك راحه يا حج وان شاء الله ننزل العزال والحق ارجع قبل الفطار عشان العيال مش بيحبوا يفطڕوا لوحدهم.
اول ما نزل اسماعيل من العربيه لاقه اللي واقف قدامه وبيكلمه بفرحه عاش من شافك يا سومعه عشرين سنه ياراجل.
اسماعيل بنفس الترحيب وهو بيحضنه وبيسلم عليه بحفاوة ليك وحشه يا بطرس ولا اقولك ابو نسيم.
بطرس قولي زى زمان يا سومعه فاكر كنت بتقول ايه انت وعزوز ولا كبرت ونسيت.
اسماعيل بضحكه انسي لو نسيت اسمي مش هنساك يا بتر دي كانت اجمل واسعد وانضف ايام انا عشتها فى عمري.
بطرس بتنهيده.. عندك حق يا سومعه بصراحة الايام دي متتنسيش بحلوها ومرها مش زى اليومين دول بتتمني انك تنسي اليوم اللي عده وتدعي الرب انه مايجيش ولا ينعاﮂ.
اديروا الاتنين ببتسامه على صوت من وراهم فارد درعاته وهو بيقرب عليهم سومعه ابو ضحكه جنان نورت القاهرة والحارة والدنيا كلها.
اسماعيل قطع كام خطوه بينهم وقال زيزو.
عزوز نورت الحارة يا راجل ياعجوز متعرفش فرحتنا كانت عامله ازاي لما جه مرسالك من الفرحه الواد بيتر كان هاين عليه يروحلك البلد مش متخيل انك رجعت وخلاص هتعيش معانا زي زمان،ياتري ايه خلاك غيرت رايك بعد العمر دا كله وانت كنت رافض تسيب البلد واهلك.
اسماعيل بصوت مكسور هحكلكم كل حاجة،صدقوني لو كنت اعرف انكم هتفرحوا كدا بوجودي معاكم كنت جيت من السفر عليكم.
عزوز حس بان اسماعيل فى حاجة غريبه وكسرة فى ملامحه قال ببتسامه صافيه وهو بيطبطب عليه بقولك اي تعالي القهوة ريحلك شويه وخد نفسك من الطريق على ما الرجاله يطلعو العفش الشقة.
اسماعيل اتنهد وقال ارتاح الكلمة دي ليا سنين ما حستهاش ولا سمعتهم غير كام مرة تتعده على الصوابع.
عزوز بص لبيتر وغمز له اتكلم بيتر بسرعة وقال تعال يا سومعه نقعد الواحد مبقاش يقدر يقف الخشونه والغضروف خلوا الواحد كبر يجي مية سنه.
اسماعيل من عيوني حاضر هاجي معاكم بس الاول اطمن على البنات ووالدتهم واطلعهم الشقة وبعدين انزل اقعد معاكم للصبح.
عزوز بقي يا راجل بناتك وحرمك موجودين وسايبنا واقفين مبنرحبش بيهم.
بص لشاب واقف على جنب بيشيل مع كام واحد العفش يطلعه وقاله سيب اللي فى ايدك يا عبدالله وتعالي سلم على عمك اسماعيل وبعدين روح وقول لامك ولاختك تعالوا رحبوا بالضيوف.
عبدالله حاضر من عيوني ياحج ثواني بس هطلع ضلفه الدولاب دي وهاجبهم فى ايدي وانا نازل.
اسماعيل بسرعه لاء استني يا عبدالله يابني بلاش تتعب ولدتك هما هيطلعوا الشقة وهيمروا يسلموا عليهم.
لسه عزوز هيكلم قاطعه اسماعيل وقال خلاص يا ابو عبدالله انا حلفت وانتهى.
سبهم وراح لمراته وبناته نزلهم من العربيه وقال تعالوا اعرفكم على حبايبي اللي بجد اللي مهما بعدت عنهم وقلت الاتصال ما بنا الا انه اللي فى القلوب زي ما هو.
مراته قالت عبدالعزيز وبطرس صحابك اللي حكيت ليا عنهم.
هز رأسه وقال..
هم يا حاجة اخواتي اللي بجد.
قرب من عزوز وبيتر وقال سلموا يا بنات على عمامكم عمك عزوز وعمكم بطرس بس هو بيحب يدلع قالو بيتر.
ضحك بيتر وقال سيبكم انتم من كلام ابوكم وعرفوني اسمائكم اي وفى سنه كام.
بيتر وهو بيضحك وقال شكلنا هنتناسب ياسومعه.
ضحك اسماعيل وقال هههههه وانا موافق بس فى مشكله عويسة حبتين الصلاة.
ببتر بضحكه الضهر يوم الجمعة والحد الاعتراف.
اسماعيل طبعك مش هيتغير دايما بتخلط الجد بالهزار.
عزوز عادته ولا هيشتريها منورين الحارة يابنات الغالي.
اصغر البنات سلمى وهي بتتلفت حولها وشايفه زينه ڕمضان اللي ماليه الشوارع وقالت بعفويه ولهجة أهل الريف الله حلو جوي الزواق ده يا بنات ولا الفانوس المتعالج دكوها، بابا انا عاوزة فانوس شبهه متقولش زي ماما اني كبرت وميصحش.
عزوز بضحكه خفيفه تعالي يا عسوله سلمي عليا وقولي اسمك ايه وانا اللي هجبلك فانوس اكبر منه كمان.
البنت، بفرحه انا اسمي مريم وفى تانيه ابتدائي.
بيتر عاشت الاسامي يا مريومه.
رفع عيونه لاسماعيل وفيت بوعدك لامي يا سومعه دي هتفرح اوي لما تعرف.
اسماعيل وهو بيشاور على بنته الأكبر من مريم وقال وهتفرح اكتر لما تعرف اني سميت على اسمها نفين بنتي الوسطانية.
بيتر بسعادة والله تمر فيك العيش والملح يا سومعه وانا كمان سميت بنتي نفين على اسم امي بس متأكد انها هتفرح لانك سميت على اسمها.
عزوز يعني اسم امي وقع من قعر القوفه يا سي سمعه نسيت حلل المحشي وصواني البطاطس دي مش بس عتزعل دي هتقاطع صحبه عمرها بسببك.
ضحك بيتر وقال ياه دا ابويا هيخرج من قپره يشكر سومعه الراجل ماټ وامنيته الوحيدة امي تزعل من امك خمس دقايق بس.
اسماعيل خلي المقدس مرتاح فى نمته وخالتي ام عزوز مش هتزعل مني لما تعرف اني سميت بنتي الكبيرة اول فرحتي على اسمها سلمي.
عزوز ببتسامه لاء دا انت كدا ناوي ان امي تطردني انا ومراتي والعيال.
مريم بستغراب تكرشك وانت كبير كده وعجوز.
ضحكوا كلهم وقال بيتر اخلي حاجة قولتيها يا مريومه انه عجوز.
مريم بصت لهم وقالت ما انت كمان عجوز بتضحك على اي.
اسماعيل عيب يامريم بص لمراته وقال قربي يا ام سلمي سلمي على الحبايب.
بعد السلام والتعرف طلعوا شقتهم الجديد واتعرفوا على عيله بيتر وعزوز مرات بيتر قالت فطركم عندنا النهاردة وقبل ما تخلفي يا ام عبدالله انتم كمان فطركم عندنا.
عزوز قال من غير حلفان يا ام نسيم الفطار خلاص جهز وكل الحبايب معزومين عليه بس خدوا الجماعة يرتاحوا شويه ويسلموا على خالتي ام بطرس على ما الشباب يقفلوا العفش وبيقوا يفرشوا برحتهم.
اسماعيل بص لمراته ادخلي يا ام سلمي انت والبنات متتكسفوش دول اهلي اللي خرجت بيهم من الدنيا.
دخلوا البنات وامهم ونزل اسماعيل مع عزوز وبطرس وقال وهم قاعدين على القهوة والله زمان يا حاره ياه يا ولاد سبحان الله غبت وطولت فى الغيبه والعمر عدى نفس الراحه ونفس السکينه والهدوء هو هو كأنه نفس زمان.
عزوز طبطب على فخده وقال الحارة بنسها الطيبين واحترامهم لبعض هو اللي مخليها زي ماهي رغم انها كبرت وناسها كتروا وفيهم الحلو وفيهم الۏحش لكن الاصل غلاب.
اسماعيل عندك حق يا عزوز.
اتنهد اسماعيل اكار من مرة بص عزوز لبيتر وسأله بهمس بينهم مش ملاحظ ان اسماعيل مهموم وحزين وصوته كله ۏجع.
بيتر هز رأسه وقال.. انا اخدت بالي ان مراته والبنات كمان فيهم حاجة مش طبيعيه من وقت ما جه السواق اللي بعته من يومين يسأل علينا وياخد تليفونتنا وانا قلبي بيقولي فى حاجة وحاجه كبيرة كمان.
عزوز بقلق قال
متابعة القراءة
صفحة
2
/ 6
انت في الصفحة 3 من 6 صفحات