منار همام ٣
ادم باسها: احلي جنان يا روحي… يلا بقا خمس دقائق هطلع اشرب سجاره برا وارجعلك
نور: لا اشرب هنا.
ادم: لا يا روحي علشانك وعلشان البيبي.
نور: لا عادي.
ادم ولع سجاره نور عضت علي شفتها باحراج
نور: ادم
ادم: نعم يا حبيبتي.
نور: ان….. انا كنت بتوحم علي حاجه كدا…
ادم: ايوه يا حبيبتي ويا ترا المرادي طين ولا فرع شجرة ولا ايه؟؟
نور: وانا مالي يا ادم دا الوحم.
ادم: اخلصي يا نور بتتوحمي علي ايه؟؟.
نور غمضت عنيها وتكلمت في سرعه: سجاير !!
ادم: نعم يا روح امك سا…… ايه؟؟
نور: سجاير..
ادم: لا كدا كتير وربنا يا نور سجاير يا نور
نور: يووووه يا ادم وانا هعمل ايه.
ادم: يا حبيبتي يرضيكي اديكي الحلوه دي تمسك سجاره.
نور: حته صغيره ونبي.
ادم: لا يا نور ونامي.
نور: اوعا انا مخصماك
ادم: يوه علينا وعلي مخصماك اللي طلعتيلي بيها نامي يا نور.
***********************
ادم نزل قعد جنب يوسف بتعب وغمض عنيه
يوسف: الوحم برضو.
ادم: عايز تشرب سجاير الهانم.
يوسف: ياخي احمد ربنا ما كتر السجاير في جيبك امال لو تطلب منك عدس وفجل وبصل الساعه 2الفجر هتعمل ايه.
ادم: داا في مره بدور عليها في الجنينه لقيتها بتاكل في الطين زي الشكولاتة الهانم من يوم ما حملت ولازقه فيا قال ايه عجبها ريحتي….. رجع راسه لوره تاني…. اااااااه تعبت والله.
جاسر جهه وقعد: انشفو لسه بدي دا يدوب الشهر الخامس.
يوسف: بكره مراتك تحمل وتحس بينا.
جاسر بامل: بس هي تحمل بس!!
ادم: متخافيش ان شاءلله ربنا هيكرمكم.
“”””””””””””””””””””””””””””””””””
*مشهد اآخر*
*ميسره قعده علي السرير هدومها مبلول ميه وضامه رجليهاوبتعيط*
جاسر جري عليه: ميسره مالك انتي كويسه؟؟
ميسره ح.ضنته بدموع: مفيش بيبي يا جاسر مفيش…..
جاسر: متقوليش كدا احنا رحنا عند الدكتور وقال مع الوقت والعلاج هيبقي في حمل ان شاءلله هي مسألة وقت بس.
ميسره: لا يا جاسر. متحولش تهون عليا بقالنا سنه نفس الكلام من الدكتور… ج.. جاسر انت حقك يبقي معاك ولاد زي اخواتك ولله مش هزعل لو اتجوز بس متحبهاش اكتر مني….
جاسر: بس يا هبله حتي لو مش هشوف العيال خالص مستحيل افكر في واحده غيرك.
طاب اسيبك ازاي وانتي اللي استحملتيني زي ما انا و في عز ضعفي.
ميسره: انا مش هستسلم وهحاول تاني علشانك.
“”””””””””””””””””””””””””””””””
