منار همام ٣

ادم:وانا مالي اللي عايز ياخد مراته ويروحو يلعبو

بص لاسراء.و ميسره ….

رجالتكم مش، بيحبكم علي فكره… يلا يا نوري.

ادم اخد نور ومشي.

محمد: تعالي معايا يا اسراء نجيب ايس كريم حد عايز؟؟.

يوسف: طب خليك انت يا عمي وهروح انا.

محمد: لا خليك انا عايز اتكلم مع اسراء شويه.

اسراء: حاضر يا بابا… اسراء قامت مع باباها.

………..

محمد: اخبارك ايه مع يوسف؟؟

اسراء ابتسمت: كويسه الحمدلله.

محمد: ربنا يهنيكم… سكت شويه وكمل….. يوسف ضهرك من بعدي يا اسراء وعمك شاهين ابوكي التاني.. لو في يوم زعلتي انتي ويوسف. اوعي تعملي زي البنات الهبله بتاعت اليومين دول

عاتبيه بينك وبينه اعملي كل حقوقك كزوجه بس بسكوت ودا هيبقي اقوي الف مره من الصريخ والصوت العالي

لو ربنا كرمك ببنت تسميها علي اسم امك. واوعي في يوم تنسيني انا او امك

اسراء قلبه اتقبـ ـض: ليه بتقول كدا يا بابا ربنا يخليك لينا. ومحدش هيسمي بنتي غيرك.

محمد ابتسم : متخافيش ان بس بقولك كدا محدش يضمن عمره. يلا بقا أتاخرنا عليهم

……….

اسر بغضـ ـب: ااااازي ق.تلته ازاااي وانتو كنتو فين.

: يا باشا….

اسر: اخرس خالص نص ساعه وسمع خبرها فاهم.

: حاضر يا باشا

اسر بص علي عماد الي وقف وراء

اسر: وانت تتصرف معرفش كل املاك شاهين تنزل الارض النهارده تخليه يمضي من غير ميخد باله اخر النهارده ولا هخلص عليك.

عماد: طب والحساب.

اسر: هديك اللي انت عايزه غير ان كل لاملاك الي هتمضي عليه شاهين خليه باسمك

عماد: حاضر يا باشا

اسر: وربنا لصفيكم كلكم.

******

نور قاعده جنب ادم وماسكه الدبدوب اللي جبهوله ومبسوطه. وادم مشغول في الكلام مع ابوه بس ماسك ايدها من تحت الطرابيزه.

اسلام قعد ومركز مع كل حركه من ايڨا

اسلام: احم شاهين بيه بما انك يعني بتعتبر ايڨا زي بنتك ف.. انا طالب ايدها منك.

شاهين:ولله تسألها ونشوف رأيها

الكل بص لايڨا وهي اتحرجت. وحاولت تهرب من الموقف.

ايڨا: ع.. عمو محمد جه بالايس كريم…. وقامت تجري

في نفس الوقت كان محمد واسراء جاين من الجهه التانيه.. وايڨا بتعدي بسرعه علشان توصل لمحمد ومش واخده بالها من العربيه اللي جايه

محمد جري علي لايڨا يبعدها عن الطريق

: ااااايڨا…….

اسراء كانت وقف مصدومه لحد ما حست بدم ابوها علي وشها

اسراء: باااااااااابا….. ودي كانت اخر حاجه حست بيه.