منار همام ٣

يوسف: ياااه وصل بيه الطمع والوساخه للدرجاتي عايز يمضي واحد في قبـ ـره.

ادم: اهو مات وهو بيمضيه خد أيه معاه يلا ربنا يرحمه.

يوسف: بس عارف دي مش دماغ خالك عماد ومـ ـوت عمك محمد لله يرحمه مش حـ ـادثه.

ادم: كان ممكن نقول ماك بس مات ،امي ربنا هداها الفتره دي هيكون مين ممكن يكون اسر اخو ماك.

يوسف: معتقدش الواد دا مفيش اي اخبار عنه .

ادم: مش عارف بس الدنيا تتلم وندور علي الموضوع دا بروقان.

يوسف: ان شاءلله.

ادم: اسراء عامله ايه ؟؟

يوسف: تعبانه علطول بتستفرغ ودايخه واكلها مش متظبط.

ادم: طاب ما ممكن تكون حامل.

يوسف: حامل اي بس ياادم هو دا وقته.

ادم: طاب انت روحت بيه عند دكتور.

يوسف: رافضه وبتقول ارهاق عادي.

ادم: هاتلها اختبار في البيت مش هتخسر حاجه.

يوسف: خلاص ماشي هشوف الموضوع دا بس معتقدش….وانت مش ناوي ترجع البيت بقي.

ادم: ان شاءلله قريب احتمال بكره او بعده.

يوسف: ان شاءلله هقوم انا دلوقتي علشان بابا بيرن

يوسف مشي وادم دخل المطبخ يدور علي نور.

ادم لقي نور واقفه وسانده ايدها ع الرخامه بتعب.

ادم: انتي كويسه يا نوري.

نور بتعب: مش عارفه حاسه اني تعبانه اوي ومش قادره اقف.

ادم شاله وطلع بيها حطها علي اول مقعد. وبدأ يفحصها….

ادم: شكله اللي في بالي صح…..

.

اسراء كان واقفه في المطبخ ولابسه اسود واثر التعب باين عليها يوسف ح.ضنها من ضهرها.

يوسف: روح يوسف بتعمل ايه.

اسراء: بعمل شاي لعمي شاهين.

يوسف: طب ارتاحي انتي وانا هكمل.

اسراء: انا كويسه يا يوسف متخافش.

يوسف باسها من رقبتها.

: طب خلصي و انا مستنيكي علشان عايزك في موضوع…

اسراء: حاضر يا يوسف.

*********

نور و ادم رجعين من المستشفى بعد ما ادم شك ان نور حامل.

نور: يعني انت زعلان يا ادم علشان انا حامل.

ادم: يا نور مش زعلان بس انتي لسه صغيره يعني علي الاقل مش دلوقتي سنتين تاني تكوني كبرتي شويه. لا والمشكله انك حامل في توأم

نور ابتسمت: هنسميهم ايه

ادم: يووووه يا نور دا وقته هنسميهم ايه

نور: خلاص يا ادم فك هو انا اول واحده تحمل وبعدين انا مش صغيره عندي 19سنه…..

ادم: لا ولله وكدا كبيره… خلاص ماشي يا نور بس خدي بالك من نفسك ومتتحركيش كتير وشغل مش عايز….

نور: حاضر ولله بس روق انت كدا مبحبكش متعصب.

ادم ضحك: فرحانه يا نور

نور: اوي اوي يا ادم هيبقي عندي طفلين منك حلوين وشبهك كدا. وهيبقو ولاد ان شاءلله.