بقلم دعاء تحمد ٢
رفقا بالقوارير اي النساء
“كان من دُعاء النبي ﷺ: (وأسألك قُرة عين لا تنقطع)
وقرة عين تعني: أن يرزقه الله الاستقرار في الأمور كلِّها، خيرها وشرّها، بأن يرى كل قضاء الله لُطف منه، وهذا يتبعه استقرار بالقلب وشعور بالطمأنينة، لأن العين بوابة القلب، فإذا استقرت العين استقر القلب”
فاللهم قرّة عين لا تنقطع ♥️
شمس شاب رجل بمعنى الكلمه
(عارفه ان جايبه شخصيتين مختلفين جدا عن بعض لكن الحياه قدر وعشان نشوف الفرق بنفسنا)
في اوضه نجمه
صحيت على صوت تلاوه جميل جدا هادي ومع ذلك قوي بتقوم وهي بتتاوب
بتبص لقيت شمس بيقرأ في كتاب الله بصوت خاشع فضلت تسمعه بهدوء لدرجه انها عيطت
شمس كان في البلكونه سمع صوتها صدق الله العظيم وقفل المصحف ودخل لقى نجمه بتعيط
شمس بحنان وخوف. مالك يا نجمه في ايه؟ حاجه وجعاكي؟ اتكلمي
نجمه بابتسامه جميله. صوتك حلو اوي
شمس ضحك على شكلها. حرام عليكي خضتيني عليكي
نجمه حطت ايديها علي خده وبتبصله بطريقه غريبه. شكرا
شمس باستغراب. على ايه؟ وبعدين هو في شكر بين واحد ومراته!
نجمه. بصراحه كنت فاكرك قا”س وهتزعقلي واتخانق معايا عشان يعني الفتره اللي فاتت كنت بتعامل معاك بطريقه مش كويسه بس انا كنت متضايقه عشان زهره انا اسفه
شمس قعد جانبها وحــ,,ـــــضنها. شوفي يا نجمه هعلمك حاجه اتعلمتها لما يكون اللي ادامك على آخره اديله عذره واحتويه اياكي تعاندي لأنك لو عندتي فيه وهو على آخره ساعتها هتخسريه انا عارف انك خايفه على زهره بس صدقيني دا قدر ومكتوب كل واحد ليه قدره اللي لازم يعيشه واقولك حاجه مينفعش نزعل لان دا نصيبنا ودا اختبار صعب لازم نعدي بيه وشطارتنا اننا نقدر نعدي منه بأقل خساير
نجمه. بس زين جيه على زهره يا شمس والدليل على كدا ان هو نفسه عارف دا كويس
شمس. ربنا يهديه ويهدي زهره
قوليلي بقى انتي في سنه كام
نجمه. المفروض أولى ثانوي
شمس. اول ما الدراسه ترجع هتكملي دراستك انا عايز ولادنا يكونوا عندهم أجمل مامي
نجمه بابتسامه بريئه. ولادنا
شمس. ولادنا بس الموضوع دا متاجل المهم اننا سوا يا نجمه
نجمه ابتسمت له لأن قلبه طيب
شمس بطريقه جميله لاستدراجها. تحبي احكيلك الحوار اللي دار بين الحور العين ونساء المومنات من اهل الدنيا
نجمه. طبعا
شمس :
يقول النبي صلى الله عليه وسلم
