بقلم دعاء تحمد ٢
نجمه ماسكه بطنها وهي مش قادره تتحمل الوجع. تعبانه اوي يا شمس بطني بتوجعني مش قادره
وقام بسرعه جريت على الحمام شمس بقى واقف مش فاهم حاجة بس راح وراها بسرعه
لقى قاعده على الأرض وتقيات كل اللي في معدتها
نجمه بقى وشها شاحب وحاسه ان الدنيا بتلف بيها
شمس. مالك يا نجمه انتي كويسه؟ اتكلمي يا حببتي
نجمه سندت راسها على صدره وفضلت تعيط. بطني بتوجعني اوي يا شمس وضهري مش قادره بجد
شمس شالها غسل ليها وشها وخرج حطها في السر,,ـــــير بهدوء وحب ممزوج بخوف. ثواني هتطلب دكتوره
نجمه مسكت فيه وفضلت تعيط. متسبنيش يا شمس ارجوك
شمس بحنان. اهدي يا حبيبتي انا مش هسيبك عمري ما هسيبك بس ارتاحي انا بس هطلب دكتوره
وسابها وكلم حد
شمس. سليمان ابعتلي دكتوره نسائيه على البيت وبتاكيد دكتوره يا سليمان بسرعه
سليمان. امرك يا شمس بيه
شمس قفل معه ورجع لنجمه اللي لاحول بيها ولا قوه
قعد جانبها وفضل يقرأ قرآن ويرتب على شعرها بحنان وهي ماسكه فيه بقوه و بتكرر كلمه واحده متسبنيش
بعد شويه
فتحيه. شمس افتح يا ولدي
شمس راح فتح لأمه وهي دخلت بخضه. مالك يا بتي؟
نجمه بتحاول تتكلم بثبات. مفيش يا ماما بس حاسه اني دايخه ومش قادره جسمي كله مك”سر
فتحيه بابتسامه واسعه. تكوني حامل يا بتي. والله وهفرح بولادك يا شمس
نجمه ببراءه وسعاده طفوليه. انا حامل معقول هيجينا نونو صغير انا هكون ام ولادك يا شمس
شمس واقف مصدوم مش عارف يقول ايه يعني ينفي انها ممكن تكون حامل فا امه تعرف انه متممش الجوازه لا وكمان نجمه فاكره نفس الشي بس هي فعلا مش فاهمه حاجه مجرد طفله فسكت.
بعد شويه الدكتوره دخلت فحصتها وعملت الازم
شمس. مالها يا دكتوره
الدكتوره. لا دي حاجه عاديه هي بس اكلت حاجه غريبه دا عاملها مغص فاهي لازم تتغذا كويس يا جماعه لان جسمها ضعيف جدا انا كتبت لها فيتامينات لازم تاخده وترتاح مش اكتر
شمس بتنهيده قلق. تمام يا دكتوره شكرا واخد منها الروشيته وبعت حد يجيب الدوا
فتحيه قاعده جانب نجمه و هي شبه نامت من كتر الوجع اللي حسيته
شمس. خوفتني عليها
فتحيه. حبيتها يا ولدي
شمس وهو بيبص لنجمه. خليتني اعشــ,,ـــــقه
فتحيه. مخليها تنام معايا النهارده يا ابني
شمس وهو مركز مع نجمه. انام من غيرها ازاي. وهي مش في حــ,,ـــــضني
فاق واتنحنح بجـ,ـرح
