بقلم دعاء تحمد ٢

نجمه ببراءه. انا عايزاك تكون سعيد بس طول ما انت معايا وانت زعلان وانا مش هقدر اكون سبب في سعادتك طلقني يا شمس وسبني انت كمان

قالتها بوجع وخوف وحزن ومنتظره رده فعله

شمس مردش على الغباء اللي بتقوله وراح ناحيه الدولاب جاب بجامه قطنيه ليها وقعد جانبها فك البشكير عنها وبدأ يفك زارير البجامه اللي هي لابسها

نجمه بتعب. شمس انا هغير هدومي لوحدي

شمس بنبره عتاب. ليه مش واثقه فيا كمان
نجمه بسرعه وكسوف. مش اصدي انا بس

شمس بجديه. بصي يا نجمه. والكلام دا نهائي انا لو عايز اقربلك كنت قربت من زمان من اول يوم اتجوزنا فيه كان ممكن اخد كل حقوقي وكان هيبقى بمزاجك كمان لكن انا عارف انك صغيره ومعنديش اي نيه لاني اقربلك فمتخافيش ثانيا انا جوزك ولازم تبقى فاهمه معنى الكلمه دي كويس يعني انا الوحيد على وش الأرض اللي لو قربتلك فدا من حقي ومن حقك عليا وانك مش هتلاقي حد يحبك ولا يخاف عليكي غيري

نجمه بتمسح دموعها وبصتله ببراءه

بعد شويه شمس حطها في السر,,ـــــير وغطها كويس وقعد جانبها

شمس. نجمه عارفه قصه صبر ايوب

نجمه ارخت جسمها و حطه راسها على صدره. لا

شمس. اسمعي يا نجمتي أيوب عليه السلام هو من أنبياء الله جيه ذكره في القرآن الكريم الكل عارفه لدرجه انهم بقوا يضر”بوا بيه المثل في الصبر وقت الشده بيقولك اصبر صبر ايوب

سيدنا أيوب عليه السلام كان بيعيش هو وزوجته في منطقه حوران ربنا أنعم عليه بالكثير من النعم رزقه اولاد وبنات ورزقه ارض كبيره يزرعها وكان يخرج منها احسن الثمار رزقه قطعان من الماشيه والاف الرؤس من الأبقار والاغنام والجمال والماعز رزق واسع وفوق كل دا ربنا اختاره للنبوه. سيدنا أيوب كان ملجأ للفقراء بيته قبله يتوجه ليها كل اللي محتاج. كان يكر”ه ان يشوف فقير وميساعدهوش. كان يؤمر ولاده انهم يحملوا الاكل ويبحثوا عن الفقراء كان ممكن يعيش في راحه هو عنده الكتير ما يكفيه هو و أولاده لكنه مع ذلك كان يعمل هو و أولاده وزوجته

راح الشيطان موسوس للناس يقول لهم كما ذكر. إن أيوب يعبد الله لانه أعطاه هذا الخير الوفير والفضل الكثير من الأولاد والبنات والماشيه والاغنام والأراضي الخصبه فا يوب يعبد الله لذلك خوفا على المال ولو كان فقير ما كان ليعبد الله

(حاشا لله ان يكون كلام ابليس حقيقه)