مغير الاحوال

متابعة القراءة
صفحة
1
/ 9
انت في الصفحة 2 من 9 صفحات

انا يختى عندي عيال عوزة اربيهم غير ابوهم اللي فاقع مرارتي مش هتكملي عليا واطب ساكته بسبب سي زفت دا خلينا قاعدي الشويتين دول واحنا ساكتين وبصين للماية.
فاطمة متقوليش زفت.
كريمة يالهوي هو انا بدن فى مالطه ولا بنفخ في قربة مقطوعة وبعدين يا حبيبتي ليكم قد ايه مطلقين تلات شهور ويومين لو هو فعلا باقي عليكي زي ما انتي باقيه عليه ومن الاخر كدا لو كان عاوز يردك يا فاطمة كان ردك من اول اسبوع وبصراحة اكتر ومن غير زعل دا شكله م صدق وعمل الهوليله دي زي ما بيتقال جات على الطبطاب.
فاطمة بدفاع ما هو عنده حق يا كريمة بابا كان شديد معه فيها اي لو كان اداله دهبي يفك زنقته.
كريمة خبط كف بكف هو كان جبلك فيه ربع جرام شبكته وبعها بعد جوازكم بكام يوم حتى دبلتك جبلك بدلها دبله فلصه ابوكي كتر خيرة محبش يخليكي ااقل من اخواتك وجبلك حتتين دهب يسندوكي وقت عوزة بدل ما يخلي فى عينه حصوة ملح ويرجع شبكتك بكل بجاحه راح لابوكي بطلب الدهب.
فاطمة كان متعشم يا كريمة.
كريمة استغفرالله العظيم نقول تور تقول احلبوه يا بنتي مدرس لغه انجليزيه فى مدرسة خاصة مولها دروس بياخد بالحصه ډخله فى الشهر فوق العشرين الف هيزنق فى اي صحته وبومب بيته ومرتبك رايح عليه اهله وهو دلوع الماما بتديله مصروفه فلوسة بتروح فين وبتصرف على مين.
فاطمة بتفكير ماعرفش بس برده ليه حق يزعل كلام بابا كان تقيل.
كريمة يعني الراجل غلط في ايه لما قال ان الدهب هو اللي شريه لو عاوزه ومزنوق له يمضي على كمبياله ضمان حق وهو عشان عارف ومالى ايده منك كان واثق انك هتتضغطى على ابوكى انه يوافق من غير شروط وانتى كنتى هتعملى كده لولا ابوكى الله يكرمه صمم وقالك لو عايزة ترجعى ارجعى لكن حاجتى اللى انا جايبها بفلوسى مش هياخد منها مليم.
فاطمه انا مش عارفة ليه ابويا صمم رأيه كده؟
كريمه ماهو عنده حق؟ هو جوزك عايز الفلوس فى ايه؟ لا هيشترى أرض ولا شقه ولاحتى هيفتح مشروع يبقى عايزهم فى ايه؟
فاطمه مزنوق وعليه ديون يبقى ازاى منقغش جنبه؟!
ماهو ليه حق برضه يزعل.
كريمه بعصبية يابنتى انا عاوز اعرف مخك ده جواه ايه بتفكري ازاى؟! واحد مش متحمل مسئولية اى حاجه انتى ال شايلة الليله ومولعها دروس بيطلع الصبح بيجيلك اخر الليل فلوسه بتروح فين؟ ايه ال هيخليه مديون؟ اشمعنا الدين ظهر لما الدهب جه؟ فجاءة كده حصل ده كله؟
فاطمه مش عارفة يا كريمه انا متلخبطه.
كريمه انتى ال ملخبطه نفسك ومعميه عنيكى وكل حاجه واضحه قدامك.
فاطمه يعنى يا كريمه لو كان جوزك جه وقالك فين دهبك انا محتاجه كنتى هتعملى ايه؟ مش كنتى هتجرى تدهوله؟
كريمه مفيش ست فى الدنيا غير قليله الأصل هى ال مش بتقف جنب جوزها بس المهم يكون هو يستاهل فعلا والواعية تعمل حساب لبكرة وتضمن حقها لكن فى حالتك انتى يا حبيبتى مش بتظهر ديونكم الا لما يكون معاكى قرش بيستخسرهم فيكى وشايفك حق مكتسب وان اى حاجه فى ايدك لازم تكون فى ايده من الاخر علاقتك بيه مكنتش حب دى كانت طمع ومش اى طمع ده حتى النفس ال طالع منك وداخل كان طمعان فيه ولما الحنفية اتقفلت مشى ولا دور.
فاطمه باصرار لا هيرجع انا واثقه.
كريمه اتمنى انه يرجع عشان حالتك دى تخوف يا فاطمه
متابعة القراءة
صفحة
2
/ 9
انت في الصفحة 3 من 9 صفحات