مغير الاحوال

منى عبدالعزيز ومروة وحمدي
مغير الأحوال.
قاعده بصه للنيل ودمعها محپوسة فى عيونها اديرت وهي بتمسح دمعه نزلت من عينيها مع سمعها صوت بيكلمها وبيقول فاطمة جبتلك بيسه مشطشطه تدفكي فى الجو دا.
رسمت ابتسامه بصعوبة على وشها وقالت بيسه يا كريمة لي يا بنتي تعبتي نفسك وانا قيلالك مليش نفس لحاجه.
كريمة بضيق يووه يا فاطمة كل ما قولك حاجه تقولي مليش نفس لينا ساعه قاعدين وعيونك منزلتش من على النيل هى دي الخروجه والتمشيه اللي قولنا نعملها.
فاطمة بحزن والله يا كريمة لولي اصرارك انا مكنتش خرجت ولا هوبت بره البيت.
كريمة بضيق. ودا من ايه ان شاء الله يا ست فاطمة.
فاطمة بحزن يعني مش عارفه يا كريمة.
كريمة پحده طفيفة لا انتي اول ولا اخر واحده تطلق وبعدين يا حبيبتي عدتك خلصت من يومين مش هتفضلي حپسه نفسك فى البيت حتى الشغل مش بتروحيه انا مش عارفه عامله فى نفسك كدا ليه.
فاطمة دموعها نزلت وبصت للماية وقالت مش قادرة ياكريمة كل يوم اقول هيخبط على الباب ويجي يردني لعصمته تلات شهور عدوا ولا مرة جت رساله منه بالغلطت.
كريمة امرك عجيب يا فاطمة بعد كل اللي حصل لسه عندك امل ترجعيله يا بنتي انتي تحمدي ربنا انك خلصتي منه.
فاطمة پبكاء هو بساهل كدا يا كريمة دا حب وعشرة خمس سنين دا احنا مكمناش سنه جواز ملحقناش نفرح.
كريمة هزت راسها وقالت هو انتي ليه بتكلمي بصيغة الجمع دايما شمله فى كلامك وتفكيرك فيه واقطع دراعي لو كنتي فى باله اصلاً او بتجي فى حسباته على رأي ربيع جوزي الراجل لما بيستغني بيرمي وراء ضهره ويعيش حياته.
فاطمة بدفاع لاء مش باسم انا متأكدة ان امه والحرابي اللي معه هم السبب.
كريمة لعبت بقها يمين وشمال ليه ان شاء الله كان نغه لسه بيرضع لما امه تمشيه يا فاطمة دا من يوم يومه بياع وبتاع مصلحته.
فاطمة حرام عليكي يا كريمة باسم حنين ومش كدا خالص اكيد هما السبب لو عليه كان ردني من تاني يوم.
كريمة انا مش عاوزه ازعلك ولا اكسر بخاطرك باسم من اول يوم اتعرفنا عليه فى الكلية وانا مرتحتلهوش عليه ريبه مخيفه مش قادره انسي شكله ولا كلامه وغرورة بشكله وانا مكره ما عليا الراجل اللي واخد مقلب فى نفسه عشان ملامحه حلوه حبتين.
فاطمة حبتين دا قمر يا كريمة وحنين ورقيق اوي .
كريمة يووه دا ملزق دا لحد اللحظه دى مش عارفه انتي حبتيه ازاي ولعب عليكي لحد ما اتعلقتي بيه دا مفيش بنت من صحابنا ملعبش عليها حتى انا كان بيكلمني وحاول يشقطني وانتي معه.
فاطمة بسرعة ودفاع لا لا متظلمهوش يا كريمة هو حكالي كل حاجة وقال انك فهمتيه غلط دا كان جاي لك عايزك تصلحينا على بعض لاننا كنا مټخانقين.
كريمة اتنهدت بضيق صحيح مراية الحب عاميه يا فاطمة دا وانتم متجوزين كان مصاحب كل زملتنا فى المدرسة ناسية كلامك على مروة زملتنا اللي كل يوم والتاني بتبصلك بطريقه كنتي بتستغربيها ولما كلمتيه وقولتي على اللي بتعمله مروة وعلى كلامها قالك ايه.
فاطمة ما هو مكنش عاوز مشاكل و خلاني انقل مدرسه تانيه.
كريمة وانا وقتها قولت لك بلاش لكن مسمعتيش كلامي وسمعتي كلامه هو وياما نصحتك ولمحتلك انه من وقت نقلك وهو مقضيها مع الكل اشي تصوير واشي هدايا غير الاكل والشبسيات لاولاد الابلوات والبنات.
فاطمة اهو دا اكبر دليل على حنيته.
كريمة پحده بقولك اي يا فاطمة