المعلم

متابعة القراءة
صفحة
1
/ 9
انت في الصفحة 2 من 9 صفحات

بتكلم عن حد تاني انما شمس لاء مقدرش اصدق اللي بتقوله اكيد رحت عنوان غير العنوان اللي قولت لك عليه.
ياسر عمو وجيه انا اكيد مش عيل صغير عشان اتوه فى العنوان وعشان، حضرتك تصدقني العنوان هو خمسه شارع المحبه المعادي عمارة رقم عشرين الدور الرابع شقه سته حتى اسم صاحبها رضوان الراضي.
وجيه بذهول فعلا هو العنوان بس اللي بتوصفها وبتكلم عنها مش شمس نهائي اسمها شمس وهى شمس بجد.
ياسر بضحكه صغيرة بس اللي شفتها دي مش شمس خالص دي يتقال عليها ضلمه او فزاعه لكن شمس دي لاء.
وجيه بتفكير قال لاء انا لازم اتاكد كلمها واللي حكته شئ وكلام ياسر واللي حكاه شئ تاني، انا لازم افهم واعرف مين فيهم الصادق ومين الكذاب.
مسك تليفونه من على المكتب وقال جيبي ملف مريض اوضه ستاشر معاكي تعالي مكتبي بسرعة.
ياسر بذكاء عمو بعد اذنك انا همشي مش هقدر اشوف وشها مرة تانية.
قاطعه وجيه وقاله اوعك تتحرك من مكانك انا لازم افهم واشوف مين فيكم الصادق ومين الكذاب.
ياسر لسه هيكلم سكت مع خبط على الباب ودخول بنت غاية فى الجمال والشياكة لبسه فستان للارض وعليه خمار بنفس لون الفستان مشيت ناحية المكتب وعيون ياسر مش بتنزل من عليها ومع كل خطوه بتخطيها ينبهر بجمالها.
وحيه تعالي قربي يا شمس.
شمس بستحياء اول ما. شافت اللي قاعد قدام مكتب وجيه الدموع ملت عيونها وبصوت مخڼوق قالت هاجي لحضرتك وقت تاني يا دكتور.
وجيه بتأثر بص لياسر بضيق استغرب نظرات ياسر وابتسامته اللي ملت وشه عيونه مش بتتحرك من على شمس قال تمام يا دكتورة جيبي الملف واتفضلي كملي شغلك.
شمس بعصبيه بصت لياسر اللي عيونه مش بترفع من عليها وابتسامته ماليه وشه قالت بصوت مكتوم اتفضل يا دكتور.
مشيت شمس وخرجت من المكتب وقفت قدامه بعد ما قفلت الباب تاخد نفسها بصعوبه ودموعها ڠرقت وشها.
جريت على الحمام وقفلت الباب وراها وسابت دموعها اللي نزلت على وشها بغزارة وبصوت موجوع انا كنت عارفه انه زي غيره هيهرب كأنى وباء وخايفين منه بس دا الوحيد اللي كان عندي أمل لما عيوني جات عليه وهو نازل من عربيته حسيت وانا وقفة وراء الشباك أن قلبي دق وكلام دكتور وجيه عنه وعن أخلاقه وتربيته اكدولي إحساسي دا، على قد ما كنت فرحانه وعندي أمل على قد ما اتوجعت وانجرحت وحسيت پقهرة قلبي أكتر رغم انها مش أول مرة بس طريقته وخروجه كانت اصعبهم وأوجاعهم.
بحزن هو اي اللي جابه انا مصدقت اليومين اللي فاتوا دول قدرة استجمع نفسي واجي المستشفى واتعامل مع الناس باريحيه يجي دا ويقلب المواجع والچروح عليا،طيب هقدر اقف قدام دكتور وجيه بأي وش وانا نفسي جوايا عليه عتب كبير.
فضلت على حاله تبكي بالم وكسره وهى بتكلم نفسها ليه انا عن كل البنات بيحصل معايا كدا الاول كنت مش بهتم وأقول مفيش قبول لكن توصل لهروب العريس اول ما ادخل عليه من باب الصالون دا اللي جرحني معقوله فيا عيب مخليهم يهربوا بالطريقة المهينهة دي.
قطعت كلامها صوت خبط على الباب راحت للحوض غسلت وشها وظبط طرحتها وراحت فتحت الباب لسه هتخرج لقت اللي قدمها بتكلمها رفعت عيونها واللي بتكلمها بتقول شمس كنت هروح لك بعد شوية للعيادة تحكيلي عملتي ايه مع العريس اللي كان متقدم لك من يومين.
شمس بتوتر ولجلجه مفيش يا إسراء محصلش نصيب.
اسراء بصدق والسبب اي مينفعش كدا يا شمس
متابعة القراءة
صفحة
2
/ 9
انت في الصفحة 3 من 9 صفحات