رواية ذئاب لا تعرف الحب

ناقصة
سعدية بنبرة شبه لئيمة وهي تضيق عينيها يا دوسا صدقيني انتي الكسبانة وربنا خدي القرشين وآآ..
فردوس مقاطعة بحزم خلاص يا سعدية قفلي الكلام في الموضوع ده أنا عاوزة أخلص اللي في أيدي خليني ألحق أخد اذن وأروح
سعدية وهي تلوي فمها في تأفف طيب بالراحة عليا ده أنا غرضي أفيدك
ثم وضعت يدها بداخل جيب صدرها وأخرجت علكة منه ثم وضعتها في جوفها وبدأت تمضغها بطريقة مقززة ..
…………………………………..
في منزل ما بمنطقة المعادي
تململت فتاة ما على فراش وثير ثم مدت ساقها الطويلة من أسفل الغطاء لتكشف عنها وفتحت عينيها تدريجيا وتثاءبت بإرهاق جلي على ملامح وجهها ..
أزاحت تلك الفتاة خصلات شعرها التي تغطي جبينها بأطراف أصابعها ثم اعتدلت في نومتها ولفت ذراعها بحذر خلف ظهرها لتتحسسه وتفركه ثم تأوهت قليلا و..
فتاة ما بنبرة شبه متآلمة وبخفوت آآآه .. ده طلع مصېبة ومش طبيعي
رمشت الفتاة بعينيها في ذعر حينما رأته يدلف إلى داخل الغرفة بجسده المشدود والذي يبرز عضلات صدره وكتفيه القوية وبوجهه الصارم ثم حدجها بنظرات مهينة من عينيه البنيتين قبل أن يتشدق ب …
أوس بنبرة فظة قومي يالا
فتاة ما بنبرة شبه متلعثمة آآ.. انت .. انت مش .. مش مبسوط مني
سار أوس في اتجاهها ثم وضع كف يده على رأسه ليمرره في خصلات شعره و…
أوس بصلابة ونظرات قاسېة مالكيش فيه
فتاة ما بتردد بس أنا حاسة إنك .. انك مش مبسوط أنا والله عملت كل اللي قولتلي عليه طب عرفني إن كنت قصرت في حاجة أنا مستعدة آآ…
أمسكها أوس من ذراعها فتوقفت عن الكلام ثم ضغط عليه وجذبها فارتجفت هي أمامه بشدة ونظرت إليه بړعب جلي و…
أوس مقاطعا بصرامة وهو محدق بها زيك زي اللي قبلك مافيش واحدة ملت دماغي كلكم عبيد للفلوس
فتاة ما بنبرة مخټنقة بس ده كان .. كان طلبك وبرضاك وأنا آآ…
أوس مقاطعا بنبرة شبه غاضبة وهو يصر على أسنانه وأنا مش عاوزه كده يالا خدي حاجتك وغوري من هنا ….!!!!!!
ثم دفعها بقسۏة للخلف ومن ثم أشاح بوجهه بعيدا عنها وسار ناحية سترته المعلقة على الأريكة ومد يده داخل جيبها وأخرج قداحته ليشعل سېجارة كوبية أخذها من علبة معدنية مزخرفة موضوعة على التسريحة ..
نفث هو دخان السېجارة في الهواء ثم استدار ليرمق تلك الفتاة بنظرات احتقار و…
أوس بنبرة باردة وهو يشير بعينيه في فلوس في الدرج اللي هناك خديها واتعالجي
شعرت الفتاة بأن لا قيمة لها ثم لملمت حالها ومدت يدها وفتحت الدرج وأخذت المال الموضوع بداخله ثم نهضت عن الفراش ودلفت خارج الغرفة بعد أن أخذت متعلقاتها المتروكة على الأرضية الرخامية اللامعة ..
جلس أوس على الأريكة الوثيرة ثم أسند ساقه على مسندها وظل يهزها في عصبية وهو ېدخن بشراهة ثم حدق أمامه بنظرات فارغة لا حياة فيها …
……………..
أوس مهاب الجندي ابن الجراح الشهير مهاب الجندي صاحب مشفى الجندي الشهير .. هو شاب على مشارف الثلاثينات من عمره
يمتلك من المال ما يمكنه من شراء أي شيء فهو رئيس مجموعة شركات الجندي للصلب .. تلك الشركات العريقة التي أسسها جده وورثها من بعده أبيه وأعمامه ولكن تولى هو بحنكته إدارتها بالكامل .. وعمل تحت إمرته أعمامه .. أما والده فاكتفى بعمله في الجراحة وإدارة المشفى ..
بينما والدته هي السيدة ناريمان شوقي امرأة من أصول راقية لم تعرف في حياتها سوى الثراء
يمتاز أوس بأنه ذو جسد صلب وذراعين قويين ووركين ضخمين ومنكبين عريضين أما ملامح وجهه فهي قوية وحادة في نفس الوقت وتظهر جليا على شخصيته الصارمة .. حواجبه كثيفة وأهدابه طويلة .. عينيه بنيتان وتوحيان بالغموض الممزوج بالشړ .. فمه غليظ وقوي .. بشرته قمحية وخشنة .. وعروقه تبرز من عضلاته ..
شخصية أوس صارمة وقاسېة إلى حد كبير فهو يتلذذ بإشعار الأخرين بدونيتهم وخاصة من هم أضعف منه وغالبية من يعمل معه يتحاشاه على قدر الإمكان فمن يتجرأ ويقف في طريقه يمحى أثره على الفور ..
وهو متعدد العلاقات النسائية وينفق بسخاء من أجل إسعاده ولكنه إلى الآن لم يرض أبدا عنهن فكلهن سواسية رغم تفانيهن في إرضائه فهو لم يجد فيهن ضالته المنشودة .. وريثما ينتهي منهن يلقي بها للخارج وكأن لا قيمة لهن .. ومع ذلك تبقى على صلة به حال رغبته في تكرار اللقاء معه ..
………………………
أطفىء أوس سيجارته التي لم يكملها في منفضة زجاجية موضوعة على الطاولة الصغيرة المجاورة للأريكة ثم أنزل ساقه ونهض عن الأريكة وقد أمسك بهاتفه المحمول في يده …
عبث في بعض الأزرار ثم وضع الهاتف على أذنه و…
أوس هاتفيا بنبرة باردة ألووو ايوه
عدي هاتفيا بنبرة جادة انت فين يا أوس الدنيا مقلوبة عليك في اجتماع مع آآآ..
أوس مقاطعا بهدوء مستفز عارف وشوية وهتلاقيني جاي
عدي بضيق بس كده الناس ممكن تمشي وآآ..
أوس مقاطعا بعدم اكتراث وماله يمشوا هيجي ألف غيرهم !
ثم صمت لثانية قبل أن يستأنف ب …
أوس محذرا وبنظرات شرسة بس يستحملوا اللي هيجرالهم …!!!!!
ابتلع عدي ريقه ولوى فمه ثم ..
عدي بترقب خلاص أنا هاتصرف لحد ما تيجي بس ماتتأخرش ..!!!!
أنهى أوس المكالمة مع رفيقه ومدير مكتبه عدي الشامي ثم ألقى بجسده على الفراش وعقد ساعديه خلف رأسه وأخذ يطلق صفيرا خاڤتا من بين شفتيه وهو يتذكر كيف يدعس من لا يروقه ببرود قاټل ….
………………………..
جلس الحاج عوض الله القرفصاء في زاوية المسجد وهو ممسك بمصحف صغير في يده وظل يرتل بصوت خاڤت بعض آيات الذكر الحكيم .. ثم جلس إلى جواره شيخ المسجد الوقور والذي ربت على ظهره و…
الشيخ أحمد بنبرة امتنان الله يباركلك يا عم عوض المسجد زي الفل والحمام نضيف
أنهى الحاج عوض القراءة ثم أغلق المصحف ورفعه إلى جبينه بعد أن قبله وأسنده في الرف المجاور ونظر إلى الشيخ أحمد بنظرات إطراء و..
عوض بصوت ضعيف كتر خيرك يا سيدنا الشيخ انت اللي ناصفني هنا
الشيخ أحمد بهدوء الكل بيحبك يا عم عوض فمتزعلش من اللي بيقول كلمة كده ولا كده رضا الناس غاية لا تدرك
عوض بنبرة شبه محتجة بس في ناس اعوذوا بالله منها لا حمد ولا شكرانية وهما بيعملوا الحړام عيني عينك ومش عاجبهم واحد غلبان زيي يجوا يتنططوا عليه ويتريقوا عليا
الشيخ أحمد بنبرة عادية معلش دي طبيعة البشر المهم انت بتاكل بالحلال وبتصرف على أهل
بيتك من تعبك وربنا بيبارك في القليل ..
عوض بنبرة راضية الحمدلله فضل ونعمة من ربنا
الشيخ أحمد بنبرة هادئة إن شاء الله في ليلة محمدية يوم الجمعة الجاية عاوزين نجهز المسجد قبلها
عوض بنبرة متحمسة اللهم صلي عليه من عينيا يا سيدنا الشيخ أنا هبات من يومها هنا
الشيخ أحمد مبتسما في عذوبة إن شاء الله الله يبارلك يا عم عوض ومتقلقش أجرك محفوظ
عوض بلهفة الله يجازيك خير يا شيخنا
……………………………………….
في قصر عائلة الجندي
تعالت قهقهات السيدة ناريمان عاليا في غرفة الصالون وهي تتحدث في هاتفها المحمول مع صديق العائلة المقرب الطبيب ممدوح ثم وضعت طرف إصبعها على أنفها لتسيطر على نوبة الضحك ومن ثم أخذت نفسا عميقا قبل أن تتشدق ب ….
ناريمان هاتفيا بنبرة رقيقة شوور .. انت لازم تيجي مهاب مش هايقبل بأي أعذار
ممدوح هاتفيا بنبرة هادئة عندي شغل وعمليات أد كده يا نريموو
ناريمان بعذوبة تؤ .. مش مقبول انت هاتحضر البارتي ده عيد ميلاد ليان
ممدوح بنبرة رخيمة كبرت البنوتة دي بسرعة
ناريمان بتنهيدة حارة ايوه وطلباتها كترت معاها تخيل عاوزة تسافر أسبانيا وهي عندها امتحانات !
ممدوح مبتسما في هدوء سبيها تدلع شوية
ناريمان بضيق زائف لأ برضوه أنا عاوزاها تنجح ونخلص بقى مش معقول هاتفضل في سنة اولى كده كتير
ممدوح بنبرة دبلوماسية عادي في بنات زيها كده كتير انتي بس ظبطي الدكاترة بتوعها وهتلاقيها جابت تقدير
ناريمان بجدية هو أنا عارفة ألاقي سكة معاهم ده حتى مهاب رافض انه يساعدني وأوس شايل ايده خالص منها فمش قدامي حد يحللي المشكلة دي
ممدوح بنبرة لئيمة وأنا روحت فين أنا لما هاجي هاحل كل مشاكلها
ناريمان بنبرة ناعمة اوووه بجد يا ممدوح I am so grateful أنا ممنونة
ممدوح بابتسامة عريضة أنا معملتش لسه حاجة يا نريموو .. !
……………………………..
في غرفة ليان بالطابق العلوي
وقفت ليان ذات الشعر البني الطويل و المجعد عن عمد أمام خزانة ملابسها ثم مررت أصابع يدها في خصلات شعرها محاولة التفكير فيما سترتديه اليوم و…
ليان بضيق واضح اوووف مش عندي حاجة جديدة خالص لازم أغير الاستايلات دي فورا بجد حاجة خنيقة أوي
ثم أمسكت بهاتفها المحمول واتصلت برفيقتها جايدا و..
ليان هاتفيا بإنزعاج جودي أنا كده أوت من العرض
جايدا هاتفيا بقلق ليه بس
ليان هاتفيا بتشنج وهي تضع يدها في خصرها مش عندي حاجة استايلش ومامي مش هتوافق تجيبلي حاجة الوقتي
جايدا بضيق بس كده شلة شيري هاتكسب
ليان وهي تزفر في عصبية اوووف طب أنا أعمل ايه !
جايدا بإنفعال كونتي قوليلي من بدري يا لولو أنا هاتصرف ازاي
ليان بتبرم معرفش و I dont care .. لا أهتم
ثم أنهت المكالمة وهي تسب في تعصب ورمت بثقل جسدها على فراشها الوثير والمليء بالوسادات و..
ليان بعصبية اووف منك جودي أوووف !!
………………
ليان مهاب الجندي هي الابنة الصغرى للطبيب مهاب تدرس إدارة أعمال في الجامعة الأمريكية ولكنها لا تكترث بالدراسة لذا رسبت العام الماضي فشاغلها الأكبر هو عالم الموضة بكل ما فيه ..
تمتلك هي عيني والدتها العسلية وشعرها الناعم ولكنها قررت أن تجعله هذا العام مجعدا لتتشبه ب مريام فارس فتثير غيرة زميلاتها .. وتحصد لقب جميلة الجامعة .. أما جسدها فهو متناسق مع طولها …
……………………………………
تجاوزت دقات الساعة الثالثة بقليل حينما مرت فردوس من أمام القهوة الموجودة على
ناصية الطريق ..
زفرت في إرهاق وتوقفت للحظة عن السير لتلتقط أنفاسها ثم أخذت نفسا مطولا قبل أن تبدأ بالتحرك مجددا وهي ممسكة لحقائب بلاستيكة تحوي على بعض الخضار الغير طازج والذي ستكافح به من اجل إعداد طعام الغذاء لعائلتها البائسة ..
وصلت فردوس إلى بنايتها القديمة ودلفت إلى داخل ذلك المدخل الرمادي الكئيب ذو الحوائط المتصدعة والطلاء المشقق لتصعد على الدرج بخطوات بطيئة وهي مطرقة لرأسها و..
فردوس بتذمر لسه موال كل اليوم الغدا وبعده الغسيل والنهادرة المفروض أحمي تهاني ياربي .. مش هارتاح أبدا من الغلب ده
ثم اصطدمت هي بدون قصد بإحدى السيدات و..
حكمت بإنزعاج مش تاخدي بالك يا آآ..
فردوس مقاطعة بخفوت لامؤاخذة
فرفعت رأسها لتجد جارتها حكمت تقف أمامها وعلى وجهها ابتسامة غبية و…
حكمت بنبرة متشوقة فردوس ازيك يا حبيبتي
علش مشوفتكيش
فردوس بتعب ولا يهمك يا حكمت أنا اللي غلطانة واخدة في وشي ومش مركزة
حكمت وهي تزم شفتيها في فضول من ايه يا حبيبتي
فردوس بإرهاق غلب كل يوم الهم اللي انا فيه مافيش حاجة بتخلص
تغنجت حكمت بجسدها المترهل عمدا لكي تلفت انتباه فردوس إلى ذلك الفستان الرخيص الذي ترتديه وبالفعل نجحت في جذب انتباهها و..
حكمت بنبرة شبه متعالية شوفتي الفستان ده من وكالة البلح تقفيل بلاده حاجة فخيمة تليق بيا
فردوس وهي تلوي فمها على مضض أه باين
حكمت بنبرة لئيمة ونظرات حادة لو بس تسمعي كلامي هتلبسي زيي وهتفوقي لنفسك بدل ۏجع القلب ده
فردوس بنبرة معترضة ونظرات محذرة لأ يا حكمت أنا مقابلش إن بنتي تشتغل خدامة أومال كنت بطفح الډم ليه مش عشان تخلص تعليمها وتتوظف وتشيل عني الهم أقوم أنا أخليها تخدم في البيوت
حكمت بنبرة مصرة والله انتي عبيطة بتك لهلوبة وشاطرة والقرش هيجري في ايدها وهتغننك
فردوس بنبرة جادة طب ماتشغلي بنتك رحمة معاكي بدل ما انتي مركزة مع تقى
حكمت بإنزعاج بت فقر يا ريتني أقدر عليها لكن هي قادرة و طالع في نافوخها تبقى أبصر ايه ده اللي بيسموه مو.. مو.. يوووه مش عارفة أنطقها اللي هي بتاعة الكليبات أل ايه عاوزة ترقص وتغني وهي صوتها وحش
فردوس وهي تتنهد في إرهاق ربنا يهديها عن اذنك بقى لأحسن خلاص درعاتي خدلت ومش قادرة أقف على رجلي
حكمت وهي توميء برأسها وبنبرة متحمسة وماله يا حبيبتي اطلعي بيتك بس فكري في اللي بقولك عليه
فردوس بإقتضاب وهي تصعد الدرج ربنا يسهل
راقبت حكمت فردوس وهي تتجه للأعلى بنظرات ثاقبة ثم ..
حكمت بخفوت لنفسها بكرة تيجي تسترجيني أشغل بتك لما الديانة يجوا أول الاسبوع الجاي يطالبوا بالكمبيلات .. ساعتها بس هاتعرفي مقامك و تبطلي الأنعرة الكدابة اللي انتي عايشة فيها !!!!!
يتبع
منال سالم
الفصل الثاني
كانت أطياف عدة أشخاص تتحرك على مقاعدها في الظلام حينما أضيئت غرفة الاجتماعات فجأة ليبدأ أحد الموظفين بإستكمال العرض التقديمي الخاص بتلك المناقصة الجديدة الخاصة بشركة الجندي للصلب ..
تراجع أوس بظهره للخلف على مقعده الجلدي الضخم ذي اللون البيج ثم حل زرار سترته السوداء الداكنة ليجلس بأريحية أكبر وظل يحدج الموظف بنظراته الثاقبة وهو يضرب بقلمه الحبر الأسود على سطح الطاولة المستديرة بضربات ثابتة ومتزامنة والتي بثت نوعا من الړعب في داخله فابتلع ريقه لأكثر من مرة وظل يتحدث بنبرة شبه متلعثمة محاولا إقناع مندوبي شركة Serious للتوقيع على اتفاقية الشراكة في الصفقة القادمة ..
وما إن انتهى الموظف من توضيح أهم بنود العقد حتى أخرج منشفة صغيرة قطنية من جيب سترته ليجفف بها عرقه البارد من على جبينه ..
وفجأة نهض أوس عن مقعده ودفعه بقدمه للخلف قليلا ثم سار في اتجاه شاشة العرض ووقف إلى جوار الموظف ليحدجه بنظرات مخيفة قبل أن يستدير ليواجه مندوبي الشركة و..
أوس بغطرسة واضحة شرف ليكم انكم تكونوا جزء من منظومة الجندي دي شروطنا وده نظامنا .. معاكم يوم للتفكير والرد في عرض الشركة .. وزي الوقتي لو ملاقتش رد هاعتبر الاتفاق ملغي …
ثم صمت لثوان ليتفحص ردة فعل المندوبين البادية على وجوههم قبل أن يتابع ب ….
أوس بصرامة ونظرات حادة تقدروا تمشوا Your time is over .. وقتكم انتهى
نظر المندوبين إلى بعضهم البعض بنظرات حائرة ثم نهضوا عن مقاعدهم وقاموا بجمع بعض الملفات الموضوعة أمامهم وكذلك متعلقاتهم الشخصية ثم ساروا في اتجاه باب الغرفة وهما يتهامسون فيما بينهم …
ابتسم أوس لنفسه في غرور ثم حدق في الموظف المرتعدة فرائصه بنظرات مخيفة و…
أوس بلهجة قوية وهو يصر على أسنانه معنديش موظف يتهته في الكلام خد حسابك وبرا الشركة
جحظت عيني الموظف في عدم تصديق فصړخ فيه أوس مجددا فانتفض هو فزعا وقام بلملمة أشيائه ودلف إلى الخارج راكضا شاحب الوجه وكأنه رأى شبحا للتو …
عاد أوس للجلوس مجددا على رأس الطاولة في حين دلف إليه رفيقه عدي ورمقه بنظرات حائرة و…
عدي بنبرة متذمرة انت طردت مدير ال.. آآآ..
أوس مقاطعا ببرود مستفز مكان المعتوه ده مش عندي
عدي وهو يلوي فمه في ضجر نعم !! معتوه !! ده افضل مدير جه من آآ…
أوس مقاطعا بصلابة وقوة أنا قولت معنديش مكان للمتخلفين اللي زيه وأنا خلاص خدت قراري فالموضوع منتهي
زفر عدي في ضيق ووضع أحد يديه في جيب بنطاله ثم رفع يده الأخرى على رأسه ليمررها في خصلات شعره و…
عدي متسائلا بتوتر وبنظرات حادة طيب هاتعمل ايه في الصفقة افرض مرضوش يكملوا معانا أو .. أو لاقوا عرض تاني أفضل مننا وآآ…
أوس مقاطعا بغرور جلي ونظرات متحدية هايتصلوا كمان ساعة يطلبوا يمضوا العقد
عدي وهو يلوي فمه في استخفاف لا والله طب وايه اللي مخليك متأكد كده
أوس بغطرسة واضحة عشان أنا أوس مهاب الجندي مش مجرد صاحب شركة صلب والسلام ..!
زم عدي فمه في سخرية واستدار بوجهه ناحية شاشة العرض و…
عدي بعدم اقتناع ماظنش ..
أوس بثقة عالية شوية وهتشوف ..
ثم نهض عن مقعده وسار في اتجاهه ووضع يده على كتف عدي و..
أوس بنبرة أقرب لفحيح الأفعى المهم مافيش جديد
استدار عدي برأسه في اتجاهه ثم حدق مباشرة في عينيه قبل أن يردف ب …
عدي مبتسما في
غرور وهو يغمز بعينه عيب عليك ودي تفوتني برضوه !
أوس وهو يمط شفتيه في ترقب مممم .. حاجة جديدة ولا
عدي بنبرة متحمسة كله جديد في جديد اصبر وهاتشوف
أوس بنظرات شيطانية ونبرة جادة هيبان …!
عدي عبد الرحمن الشامي هو الرفيق المقرب لأوس منذ المرحلة الثانوية فوالديهما كانا أصدقاء وهما أصبحا رفيقين بحكم الصلة ومن وقتها صارت صداقتهما قوية ..
تزوج عدي من قبل مرة واحدة ولكنه انفصل عن زوجته
في منزل تقى عوض الله
طرقت السيدة فردوس بكف يدها على الباب بعد أن قرعت الجرس لعدة مرات لكي تفتح لها ابنتها وبعد دقيقة فتحت لها تقى ثم رمقت والدتها بنظرات متفحصة قبل أن تمد كلتا يديها وتنحني بجسدها الهزيل للأمام لتحمل عنها الحقائب البلاستيكية و…
تقى بنبرة عادية اتأخرتي ياماما أنا قولت هاتيجي بدري عن كده شوية
فردوس بنبرة متعبة مش عقبال ماروحت السوق وجبت الأكل ده وبعدين بطلي ترغي ووسعي شوية لأحسن رجلي مش شيلاني
تقى بخفوت حاضر يا ماما
دلفت فردوس إلى داخل منزلها وألقت بجسدها المرهق والمثقل بالأعباء على أقرب أريكة ثم أزاحت حذائها البالي عن قدمها وظلت تفرك أصابع قدميها پتألم ثم أسندت ظهرها للخلف وأغمضت عينيها في تعب و..
فردوس وهي تزفر في انزعاج توب عليا يا رب من الشقى ده
وضعت تقى الحقائب البلاستيكية في مطبخ المنزل القديم ثم أفرغت محتوياتها على الطاولة وظلت تتفحص الخضار الغير طازج وهي تلوي شفتيها في تأفف و…
تقى لنفسها بنبرة أقرب للهمس ده بدل ما البياع يرميهم قال أما أبيعهم لأمي ولو قولتلها انهم بايظين يمكن تزعق مافيش داعي أفتح بؤي أنا أغسلهم كويس وخلاص !
ثم بدأت تقى في تجهيز الأوعية الفارغة من أجل البدء في تحضير الطعام ..
في مشفى الجندي الخاص
توقف الطبيب مهاب أمام فراش ذلك المړيض الهام الذي أجرى له العملية صبيحة اليوم وظل يقرأ التقارير النهائية عن تطورات حالته الصحية ثم استدار برأسه ليتحدث مع الممرضة و…
مهاب بلهجة رسمية ونظرات حادة الدوا يتاخد في ميعاده ويتعملي تقرير كل 4 ساعات
الممرضة وهي توميء برأسها حاضر
مهاب بنبرة جادة الزيارة ممنوعة تماما لحد ما أدي الأوكيه بنفسي
الممرضة بخفوت تمام يا دكتور مهاب
ثم علق التقرير بعد أن وقع عليه على طرف الفراش وانصرف من الغرفة وقام بوضع يده في جيب سترته الطبية البيضاء ليخرج هاتفه المحمول الذي كان يهتز بداخله ومن ثم أجاب عليه و…
مهاب هاتفيا بجدية ألوو أيوه يا ناريمان
ناريمان هاتفيا بنبرة شبه منزعجة أيوه يا مهاب كل ده عشان ترد بجد أنا زهقت
مهاب بضيق ناريمان أنا مش فاضي للكلام ده عندي عمليات وآآ…
ناريمان بتذمر خلاص .. خلاص مش لازم الأسطوانة دي عاوزاك تشوف حجز القاعة عشان البارتي بتاع ليان
مهاب بإقتضاب مش لسه بدري عليها
ناريمان بنبرة شبه ضجرة بدري ايه ده فاضل أقل من أسبوع وأنا في دماغي مليون حاجة عاوزة أعملها قبل الحفلة
مهاب بنفاذ صبر طيب ربنا يسهل
ناريمان بإصرار مهاب أنا مش بطلب منك حاجة صعبة عاوزة قاعة 7 ستارز وطقم خدم مميز وآآ..
مهاب مقاطعا بحدة أنا مش هافتكر كل اللي بتقوليه ده هاتي اللي انتي عاوزاه وانا هحاسب ماشي ويالا اقفلي عشان ورايا شغل
ناريمان وهي تزفر في ضيق اووف مش بعرف أتفاهم معاك
مهاب بإيجاز باي
ثم أنهى المكالمة وأطلق سبة
على الزواج وتبعاته ثم سار في اتجاه المصعد ليتوجه بعدها إلى مكتبه الفخم ..
في منزل تقى عوض الله
بدلت فردوس ملابس عملها بملابس المنزل المريحة ثم توجهت إلى غرفة ابنتها لتطمئن على أختها الكبرى تهاني فوجدتها راقدة على الفراش في عالم أخر خاص بها تهذيء كعادتها بكلمات غير مفهومة فلوت فمها في تأفف ثم تركتها وأغلقت الباب خلفها وسارت في اتجاه المطبخ ..
كانت رابطة شعرها غير محكمة فعقدتها جيدا على رأسها ثم رأت تقى وهي تقطع الخضار وتطهو الأرز فوقفت إلى جوارها و..
فردوس متسائلة بجدية قوليلي عملتي ايه
تقى بنبرة هادئة غسلت الرز بعد ما نقعته شوية والوقتي بأقطع الخضار بعد ما شطفته
فردوس بإمتعاض طيب .. روحي شوفي الغسيل
تقى بنبرة محتجة ونظرات ضيقة يا ماما الغسالة البرميل بايظة وعاوزة تتصلح
فردوس وهي تزفر في سخط يادي النيلة هو أنا ناقصة مصاريف أعمل ايه بس أشق هدومي يا ناس
ربتت تقى على ظهر والدتها في حنو ثم انحنت برأسها لتقبل كتفها و…
تقى بهدوء خلاص يا ماما أنا هاغسل الهدوم على ايدي في الطبق متزعليش نفسك
فردوس بتشنج امتى ربنا ياخدني عشان أرتاح من الغلب اللي أنا فيه
تقى بقلق ونظرات مرتبكة عشان خاطري أنا هاعمل كل حاجة اقعدي انتي ارتاحي
ثم قامت بدفع والدتها برفق إلى خارج المطبخ وجعلتها تجلس في الصالة على الأريكة القديمة ذات اللون الزيتي وقبلتها من رأسها ثم ركضت في اتجاه المطبخ وقامت بإعداد كوب عصير ليمون بارد لها ثم أعطتها إياه لترتشف منه القليل ..
توجهت بعدها إلى المرحاض وبدأت في تقسيم الملابس المتسخة إلى عدة أنواع حتى يسهل عليها غسلها ..
وما إن تنتهي من جزء حتى تقوم بعصره ثم تركه ليجفف قليلا قبل أن تتوجه به إلى الشرفة لكي تعلقه على الحبال
رأت فردوس ابنتها وهي تجاهد لإنجاز ماهو مطلوب فأشفقت عليها فهي لا تريدها أن تضيع وقتها فيما لا يفيد