حكايات زهرة. ١

خطبت ابني لبنت اخويا من وقت ما كانوا اطفال ، ولما كبروا اخويا بقى يرفض اي عريس يتقدم لبنته ويقول بنتي مخطوبه لابن عمها ، ويوم خطوبتهم ابني صدمنا كلنا ودخل وفي ايده بنت تانيه وقال انه بيحبها وعايز يتجوزها ، بس الصدمه الاكبر كانت في رد بنت اخويا اللي خلت ابني هيفقد وعيه من شدة الذهول ! !!!اخويا مكانش بس اخ كان صاحب عمري اتربينا كتف بكتف، وشيلنا الهم سوا من صغرنا. ولما ربنا كرمنا وجبنا عيال، قعدنا مع بعض والقعدة دي مش قادر أنساها؛وعدنا بعض وعد رجال: " ان عيالنا يكونوا لبعض، نربيهم على إيدنا ولما يكبروا نجوزهم لبعض عشان نطمن عليهم ونفضل عيلة واحدة ما تفرقناش الأيام. "ومرت الأيام والأولاد كبروا قدام عينا. علياء، بنت أخويا، كبرت وبقت حتة سكرة، عروسة زي القمر، أدب وأخلاق وجمال تفتح النفس. بس الأهم من ده كله، إن البنت كبرت واتربت على فكرة واحدة بس... إنها لإبن عمها. كانت بتشوفه سندها، وحبه كبر في قلبها من كتر ما سمعت عن الوعد ده من وهي طفلة، ورسمت حياتها كلها معاه وشايفاه هو راجلها وأملها في الدنيا.وأخويا كان صاين الوعد لأبعد حد. كل ما يتقدم لعلياء عريس، ومهما كان عريس لقطة ومناسب ومن عيلة، كان أخويا يرفضه بشياكةويقول كلمة واحدة: "بنتي مخطوبة لإبن عمها، والكلمة عندنا بعقد. "البنت كبرت وخلصت دراستها واشتغلت، وابني هو كمان خلص دراسته واتعين في وظيفة كويسة. وفي يوم، لقيت أخويا جايلي وقاعد معايا، شكله كان محرج شوية بس بيتكلم بأصول. قال لي: "يا محمود ، الأولاد كبروا وبصراحة مراتي كل كام يوم تسألني إيه اللي معطلكم؟ علياء وابنك خلصوا دراسة والاتنين اشتغلوا، حان الوقت بقى نطمن عليهم."رديت عليه بحماس وفرحة الدنيا مش سيعاني: "معاك حق يا سالم، إحنا هنستنى إيه أكتر من كده؟ شقة الواد على التشطيب خلاص، وانهارده بليل هكلمه ونيجي نتقدم رسمياً قدام الناس ونلبسهم الشبكة. "أول ما ابني رجع البيت، قعدت معاه وأنا طاير من الفرحة، قلت له اللي دار بيني وبين عمه وقلت له: "يا بني هما معاهم حق، إحنا طولنا عليهم قوي وجيه الوقت بقى نطمن عليكم."لقيت الولد وشهم اتغير، وقال بضيق : "هما مين قالهم أصلاً إني هتجوز بنتهم؟ ! علياء بنت عمي دي زي أختي، وعمري ما فكرت فيها غير كده... وبعدين أنا بحب واحدة تانية ومعايا في الشغل وهخطبها هي!"اتصدمت وقعدت باصص لومش مصدق... قلت له بذهول: " أنت بتقول إيه يا كارم؟! دلوقتي افتكرت تقول الكلام ده؟! ما طول عمرنا بنتكلم قدامك ونقول علياء ليك، مكنتش بتقول ليه إنك مش عايزها من زمان؟!"رد عليا ببرود يستفز: "كنت بقلبها في دماغي، ودلوقتي شايف إني مش عايزها."ما حسيتش بنفسي، مسكته من هدومه بعصبية وغيظ الدنيا كله في قلبي، وقلت له: "دلوقتي يعني إيه يا روح أمك؟ ! ده عمك رفض الف عريس عشانك، ووقف حال البنت لما كبرت وبقت على وش جواز وانت ياما سكت!"رد عليا ببجاحة عمري ما شفتها منه: "والله دي مشكلته هو، أنا موعدتهوش بحاجة!"صرخت فيه وأنا جسمي كله بيفور: "بس أنا وعدته! !"هنا الولد رد عليا بقلة أدب وبجاحة طيرت عقلي، وقال لي: "يبقى تتجوزها انت!"من غير ما أفكر، إيدي اتمدت ونزلت على وشه بقلم قوي رن في البيت كله. الولد اتصدم ومسك وشه، وبص لي وقال: "بتض. ربني؟! بتمد إيدك عليا عشان اخوك يا بابا؟! "رديت عليه بغضب مكتوم: "وهك. سر دماغك كمان! وهتتجوز بنت عمك والسبوع الجاي هعملكم خطوبتكم ورجلك فوق رقبتك، فاهم ولا لأ؟!"هز رأسه بقلة حيلة وقال : "تمام... اللي تشوفه يا بابا."وفعلاً، خلال الأسبوع ده جهزنا كل حاجة، واشترينا الدهب والشبكة اللي تليق بيهم، واخويا دعا كل القرايب والحبايب، وزين المكان والبيت كله عشان يستقبلنا بأحسن صورة. يوم الخطوبة، وصلنا البيت تحت، فالولد قال : "اطلعوا أنتم يا بابا وأنا هركن العربية وهحصلكم على طول."طلعنا عند أخويا شقته وكان عازم كل قرايبنا والناس كلها مرحبة ومبسوطة. مرت نص ساعة والولد لسة ما طلعش. أنا أعصابي باظت، وتوترت جداً وقعدت أقول في بالي: "يا ترى هرب ولا عمل إيه؟ هقول لأخويا والناس لو هرب!"وفجأة... باب الشقه اتفتح. دخل الولد... و يا ريته كان هرب!داخل وماسك في إيده بنت تانية جميلة، ماسك إيدها بقوة وماشي بيها بثقة وجرأة في وسط الصاله، وقال بصوت عالي سمع الكل: "السلام عليكم. "الناس كلها سكتت، وبصلوه باستغراب وذهول، وأنا كنت هتشل في مكاني، رجليا ما بقتش شيلاني وابني كمل عليا وقال قدام المعازيم كلهم: "دي نورهان، البنت اللي بحبها ومش هخطب غيرها... أنا قلت الكلام ده قدام الكل أهوه، عشان بابا بيحاول يجبرني على بنت عمي وأنا مش عايزها! "المكان كله بقى زي المدافن... أنا كنت هقع ساكت من الجلطة، وأخويا بص لي بصة عمري ما هنسى كسرتها، بصة فيها مهانة ووجع يهد جبال...وعلياء ، العروسة اللي كانت طايرة من الفرحة، وشها اصفر وكانت هتقع من طولها من الصدمة. بس بصت لأبوها ولقته حرفياً بيروح فيها ونفسه مقطوع من شدة الإهانة قدام قرايبه...في اللحظة دي، علياء عملت حاجة ما حدش يتوقعها أبداً... اتمالكت نفسها بصعوبة، وقربت خطوتين بثبات غريب من كارم ابني اللي واقف بيبص لها بتحدي... واللي قالته وقتها خلى المكان كله في حالة صدمة، وابني من شدة الذهول ساب إيد البنت اللي معاه، وكان هيفقد وعيه من المفاجأة وما بقاش عارف يتنفس ولا يرد!!!!!وقفت علياء وسط الصالة، والوجوم خيم على المكان كله، والعيون كلها معلقة عليها وهي بتقرب من كارم بخطوات ثابتة وراسين. كارم كان واقف رافع راسه بابتسامة تحدي، مستني منها دموع أو إنهيار أو صريخ قدام المعازيم، لكن علياء وقفت قدامه بضبط نفس رهيب، وبصت في عينيه بثبات ونظرة نضج وعزة نفس أربكته في ثواني. قربت منه أكتر، وبصت للبنت اللي ماسكة إيده، وبعدين رجعت بصت لكارم وقالت بصوت هادي جداً، بس واصل لكل زاوية في الشقة:"أولاً يا كارم، أنت فاهم الموضوع غلط خالص ومكبره زيادة عن اللزوم. .. القلم اللي أخدته من عمي محمود الأسبوع اللي فات ما كانش عشانك ولا عشان خاطري، القلم ده كان عشان قلّة أدبك وتطاولك على أبوك وعمك. ثانياً، أنت جاي فاكر إنك بتكسرني أو بتهيني قدام الناس؟ أنت للأسف بتتوهم... لأن البنت اللي بتقول إنك بتحبها دي، أنا أعرفها قبلك بكتير! "كارم اتسمر مكانه، وابتسامة التحدي اختفت من وش تدريجياً، وبدأ يتردد وهو بيبص للبنت اللي جنبه ولعلياء. علياء كملت كلامها وهي بتشاور على نورهان بكل هدوء:"نورهان مش مجرد زميلتك في الشركة يا كارم... نورهان تبقى صاحبة عمري من أيام المدرسة، وهي اللي جابتلك الوظيفة دي أصلاً لما كلمت بابا وبابا اتدخل بوسطة وعلاقاته عشان يتعين واحد مستهتر زيك فيها! ونورهان كانت عارفة كل كلمة وكل وعد بين عيلتنا، وكانت داخله حياتك بفرسة وبترتيب مني أنا ونورهان عشان نكشف حقيقتك ونشوف هل أنت راجل تتحمل المسئولية وتستاهل تشيل اسم العيلة، ولا مجرد عيل طايش العقد النفسية سايقاه! "هنا نورهان سحبت إيدها من إيد كارم بمنتهى الجفاء وقالت له ببرود:"آسفة يا كارم... علياء حكت لي عن طريقة كلامك عن أهلك وعن استهتارك، ومكناش مصدقين إنك ممكن توصل بالبجاحة دي إنك تستغلني عشان تطعن أهلك في شرفهم وكلمتهم قدام الناس. أنا مش لعبة في إيدك عشان تثبت بيها إنك راجل."كارم وشّه جاب ألوان، وبقى يبص لنورهان ولعلياء بذهول مش طبيعي، حاسس إن الأرض بتلف بيه، والنفس بدأ يضيق في صدره من الصدمة، كأنه بيتخنق وممش مصدق اللعبة اللي وقع فيها بغبائه قدام كل القرايب. علياء كملت كلامها ونظرتها أشد قوة:"والأهم من ده كله يا ابن عمي... عشان ترتاح خالص وتفوق لنفسك، بابا مكانش بيمشّي كل العرسان عشان خاطر عينك ولا عشان واهمين نفسنا بيك... بابا كان بيمشّيهم عشان أنا اللي كنت برفضهم، ولما وافقت عليك، وافقت عشان أريح أبويا وأرضيه، مش عشان أنت الفارس اللي كنت بحلم بيه! وعشان تطمن أكتر... الشبكة اللي في الصالون دي مش بتاعتك اصلاً، والعريس الحقيقي للخطوبة دي موجود وسطنا دلوقتي!"في اللحظة دي، دخل من باب الشقة شاب بعمة وهيئة محترمة، وابتسم لأخويا سالم وراسل عليه وسلم عليه بكل احترام ودفا... علياء بصلت لكارم اللي كان خلاص هيفقد وعيه وجسمه بيتنفض من كثرة الوجوم والذهول، وقالت له:"أعرفك بـ مهندس حازم، العريس اللي أنا اخترته بنفسي وشرطت عليه نعلن خطوبتنا النهاردة قدام العيلة كلها، عشان نقطع الشك باليقين ونعرف مين اللي صاين الأصول ومين اللي بايعها... اتفضل يا كارم، أنت وستك نورهان ضيوف عندنا النهاردة، لو حابب تقعد تشرب حاجة ساقعة في خطوبتي مرحب بيك، ولو حابب تمشي فالباب يفوت جمل!"كارم بقى واقف زي الصنم، ركبه مش شايلاه، عينيه رايحة جاية بين علياء، ونورهان، والحضور اللي بدأوا يتهامسوا ويبصوا له بنظرات شفقة وسخرية بعد ما كان فاكر إنه هو اللي بيكسر العيلة كلها! أنا وقفت في مكاني مش قادر أستوعب ذكاء بنت أخويا وحسن تصرفها اللي أنقذ كرامة أخويا وكرامتي قدام الناس، وفي نفس الوقت أدّت لبدري درس عمره ما هينساه طول حياته. بس قبل ما كارم ينطق بكلمة أو يتحرك خطوة واحدة لبرة الشقة، وقف أخويا سالم من مكانه، وبص لكارم بصة حادة، وقال بصوت هز الصالة كلها:"استنى عندك يا كارم. .. اللعبة مخلصتش لحد هنا، عشان في حاجة تانية أنت لازم تعرفها النهاردة!"سكت المكان كله، وعيون الحضور كلها اتجهت لـ "سالم" أخويا وهو بياخد خطوتين بثبات وقوة ناحية كارم ابني، اللي كان واقف زي المذبوح، ركبه بتخبط في بعضها ومشدود ومش قادر يأخد نفسه من كتر الصدمات اللي نازلة فوق دماغه واحدة ورا التانية. سالم بص لكارم بنظرة فيها خليط من الحزن والصرامة، وقال وهو بيبص لي وبعدين يرادد النظر لكارم:"فاكر يا كارم إنك لما جيت النهاردة وبإيدك بنت غريبة وداخل تكسر كلمة أبوك وتهين كرامتي قدام القرايب، إنك كدة راجل وبتاخد حقك؟ أنت فاكر إن الوعد اللي بيني وبين أبوك من صغركم كان مجرد كلام مصاطب أو فرض عليك وخلاص؟ لأ يا ابن أخويا... الوعد ده كان عشان نحميك أنت قبل ما نحمي علياء!"كارم بلع ريقه بصعوبة وبص لأخويا بعيون زاغية، وقال بصوت متقطع ومبحوح:"تحموني أنا؟ ! يعني إيه يا عمي؟ أنتم كنتم بترتبوا كل ده من ورايا؟"أنا نفسي كنت واقف مذهول ومُش فاهم سالم يقصد إيه، وقربت من أخويا وقلت له بنبرة كلها رجاء وتوتر:"سالم... في إيه يا أخويا؟ أنت تقصد إيه بـ إننا بنحميه؟ فهمنا وفهم الناس دي كلها بدل ما كرامتنا بقت في الأرض."سالم حط إيده على كتفي وشد عليا بضغط دافي، وبعدين رفع رأسه وبص للناس الحاضرين وقال بصوت جهوري:"يا جماعة، محمود أخويا طوال عمره راجل أصيل، شال الهم معايا وكان سند ليا... ولما علياء اتولدت، أنا ومحمود اتعاهدنا إننا نكبر عيالنا على الأصول. بس لما كارم كبر ودخل الكلية، بدا يظهر عليه طيش واستهتار، وكان ماشي في طريق هيوديه في داهية. من أربع سنين، كارم تورط في مشكلة كبيرة في شغله القديم، وكان هيتحبس فيها بسبب طيشه وتسرعه، وناس كبار في السوق كانوا ناوين يدمروه ويضيعوا مستقبله قبل ما يبدأ. "كارم وشّه اصفر زي الميت، وجسمه بدأ اترعش بجد، وقال وهو بيرجع خطوة لورا:"عمي... أنت... أنت عرفت الموضوع ده منين؟ محدش كان يعرف بالقصة دي خالص!"سالم ابتسم ابتسامة مكسورة وقال:"عايز تعرف عرفت منين؟ أنا اللي دفعت الفلوس من جيبي وخلصت القضية دي من غير ما أبوك يعرف عشان قلبه ما يتكسرش عليك وهو راجل مريض وما يتحملش الفجيعة فيك! أنا اللي دخلت بعلاقاتي ووقفت زي الجبل عشان ألم وسختك وأحميك من السجن، والشرط الوحيد اللي شرَطوه الناس دول عشان يسحبوا بلاغهم، إني أضمنك بنفسي وبكلمتي وبكل ما أملك... وقلت لهم الولد ده ابن أخويا وسندي، وسلوكه يتعدل تحت عيني. "المكان كله شهق، والناس بدأت تتهامس بذهول، وأنا كنت حاسس إن قلبي هيقف... بصيت لابني بذهول وقلت له بصوت بيتنفض:"أنت يا كارم؟ كنت هتدخل السجن وأخويا يداري عليك ويدفع من معاه وأنا يا غافل ليك الله؟! تعمل فينا كدة بعد ده كله؟ !"سالم كمل كلامه وبص لكارم بكل قوة:"ولما لقيتك بتمشي مع صحبة سؤ، اتفقت مع علياء صاحبة نورهان، إننا نجيبلك شغل نظيف ومحترم في الشركة اللي فيها نورهان عشان نراقب سلوكك ونشوف هل طمر فيك الخير والستر اللي سترناهولك، ولا أنت لسة العيل الطايش اللي بيعض الإيد اللي اتمدت له بالخير! وعلياء هي اللي اقترحت عليا القصة دي كلها، وقالت لي: 'يا بابا لو كارم بادلنا الصيانة والأصول، هكون له زوجة وسند، ولو طلع بايع ومستهتر، هكشفه قدام نفسه ودام العيلة كلها عشان يفوق قبل ما يضيع خالص'."كارم بصلهم بثلاثتهم... بصل لعلياء اللي واقفة جنب المهندس حازم بكل كبرياء، وبصل لنورهان اللي بصاله بقرف وازداء، وبصل لأبوه وليا وهو مش قادر يقف على رجليه. الكبرياء والغرور اللي كان داخل بيهم الصالة اتخرقوا وبقوا هباء، وحس بمدى صغره وحقارته قدام العيلة اللي كان فاكر إنه بيكسرها، في حين إنهم هما اللي كانوا حاميينه وسترينه طوال السنين اللي فاتت. كارم بدأ يتنفس بصعوبة، وشفايفه ازرقت، وركبه خانته تماماً ووقع على الأرض على ركبه قدام المعازيم كلهم، وبقى يبص للأرض ودموعه نزلت لأول مرة من سنين، وقال بصوت مكسور ومخنوق:"أنا... أنا آسف... والله ما كنت اعرف... أنا كنت فاكركم بتجبروني وبتقيدوا حريتي... أنا طلعت عيل وغبي. .."علياء قربت منه وقفت فوق رأسه، وقالت له بصوت صارم وناشف:"الأسف ده تقوله لنفسك يا كارم... تقوله لضميرك اللي مات. أنت ما كسرتنيش ولا كسرت بابا، أنت كشفت نفسك بس، ووريت الناس كلها الفرق بين اللي اتربى على الأصول وصانها، وبين اللي عاش فاكر إن العالم بيلف حواليه. "في اللحظة دي، المهندس حازم قرب ومسك إيد سالم أخويا وقال بابتسامة راقية:"يا عم سالم، الشرف ليا إني أدخل البيت ده وأطلب إيد الدكتورة علياء، بيت الأصول والعز اللي بيصون ولاده حتى لو جحدوا."سالم ابتسم بحب وضم حازم، والزغاريد انطلقت في الشقة من القرايب والستات اللي كانوا قاعدين، والمكان اللي كان مليان توتر بقى مليان فرحة وهيصة، وكارم قاعد على الأرض وسطهم زي الغريب، محدش حتى باصص له أو فارق معاه وجوده. أنا مشيت ناحية ابني، وبصيت له وهو قاعد على الأرض بيعيط بحرقة، وقعدت جنبه على ركبتي، ومسكت وشّه بإيدي التنتين... بس المرة دي مش عشان أض. ربه بقلم، المرة دي بصيت في عينيه وقلت له بوجع هادئ:"قوم يا كارم... قوم أقف على حيلك، بس اخرج من البيت ده دلوقتي. .. اخرج عشان تتعلم يعني إيه راجل، وتعرف إن الكلمة عقد، وإن اللي يبيع أهله عشان شوية شو شوية غرور، بيصحى يلاقي نفسه أفقر خلق الله."كارم قام بالعافية، وبص حواليه، ولقى نورهان سابته وخرجت من الشقة، والعيلة كلها مقبولة على علياء وحازم يباركولهم، ووالده وأخوه في عالم تاني. .. خرج كارم من باب الشقة يجر رجليه بالسيف، ودخل الأسانسير وهو حاسس إن العالم كله انهد فوق رأسه. بس القصة مخلصتش عند الباب ده... لأن كارم وهو نازل في الشارع، لقي عربية سوداء واقفة تحت العمارة، ونزل منها شخصين بجثامين ضخمة وباصين له بنظرات مرعبة، وقربوا منه بسرعة...

مقالات ذات صلة

هاتولى عريس ٢

المعلم

قصة اضطراب بقلم سيد مصطفى كاملة

سارة خليفه

ما هي أول هدية أهديت إلى الرسول صلى الله عليه وسلم بالمدينة المنورة ؟

مريم وياسين ١و٢

اترك تعليقاً إلغاء الرد