وعشقت عدوى

حد حتى لو كان أبويا إنتي اللي هتكوني معايا في المستقبل وأنا مش هخلي حاجة تفرقنا
نغم بصتله بحب ودموع فرحة في عنيها لانه متمسك بيها رغم كل حاجة بس برضه كانت عينيها مليانة خوف بس عليه هو من ڼار ابوه
أنا أنا خاېفة يا رعد خاېفة إنك ټندم بعدين وإنه كل شيء يتغير لما تواجه باباك
رعد بثقة
مش هتغير لو إنتي معايا أنا هكون معاكي دايما لاني مش متخيل حياتي من غيرك ولا حتى ثانية
نغم بتأثر وهي بتبص لرعد بحب
انا بحبك رعد بحبك أكتر من أي حاجة في حياتي و كنت خاېفة أقولها بس دلوقتي خلاص مش هخبي وهعترفلك
رعد فرحته ظهرت على وشه وابتسم ابتسامة عميقة من قلبه
نغم دلوقتي أسعد لحظة في حياتي و أنا مستعد أواجه أي حاجة عشان أكون معاكي وعشان اسمع منك دايما انك بتحبيني
نغم كانت مش قادرة تتحكم في مشاعرها و قلبها بيدق بسرعة وقالتله
وأنا معاك رعد معاك في كل وقت و هكون جنبك مهما حصل
ابتسم رعد بتلقائية وكأنه بيطمنها وبيطمن نفسه انها فعلا معاه وجمبه
تم كتبت الكتاب وانهاردة نغم بقت مرات رعد و بقت شريكة حياته رسمي بعد كل اللي عدى بينهم بعد كل الصراعات والمشاعر اللي كانوا بيحاولوا يخبوها دلوقتي هي حلاله
فكان رعد ماسك إيدها وإحساسه ميتوصفش كان مش قادر يستوعب إنها أخيرا بقت بتاعته مش بس في قلبه لا دي بقت مراته قدام الدنيا كلها كان بيبصلها بنظرة كلها عشق نظرة بتقول ألف كلمة من غير ما ينطق حرف
ونغم كانت حاسة بعيونه اللي مش سايباها ووشها كان محمر وملامحها مخلوطة بين الفرحة والكسوف بس كانت غرقانة في سعادتها اللي ذادت لما رعد قرب منها وهمس بصوت واطي بس مليان حب كأنه خاېف حد يسمعه غيرها
عارفة
إني مش مصدق لحد دلوقتي
نغم بابتسامة خجولة
مش مصدق إيه
رعد وهو بيقرب اكتر
إني بعد كل التعب ده بقيتي رسمي بتاعتي
نغم حست بقلبها بينبض بسرعة وصوتها كان واطي وهي تهمس
وأنا كمان مش مصدقة يارعد مش مصدقة إني خلاص بقيت مراتك وإنك خلاص معايا ومحدش هيقدر يبعدك عني
رعد بابتسامة
محدش يقدر ياخدني منك ولا حتى الزمن أنا ليكي يا نغم وعمري ما كنت عايز غيرك
نغم حست بكلماته بتدخل قلبها وتدفيهاما رعد فرغم إنه كان بيعيش أسعد لحظات عمرهبس كان في ۏجع صغير جوه قلبه ۏجع مرتبط بشخص واحد
أبوه
ووقتها فجأة المكان كله سكت وكأن الزمن وقف لثواني وكأن الدنيا حبست أنفاسها عين رعد لمحت صابر أبوه وهو داخل من باب القاعة
رعد ماقدرش يتحرك كأنه متجمد في مكانه كل الأصوات اختفت ولقي نفسه واقف قدام الراجل اللي أكتر حد في الدنيا بيأثر فيه بس تأثير سلبي للاسف
صابر بصله وخد نفس عميق وصوته كان متردد بس خرج بعد سكوت طويل
مبروك يا رعد
رعد حس بقلبه بيتشد في صدره كأن الكلمات دي كانت ناقصة كأنه كان مستنيها من زمان بس مش قادر يصدق إنها اتقالت أخيرا كانت مفاجأة كانت حاجة مستحيل كان يتوقعها بس برضه أكتر حاجة كان محتاج يسمعها النهاردة
بصله رعد وهو مش عارف يقول انت جيت
صابر پانكسار باين عليه وصوته كان كله ندم
كان لازم أجي كان لازم أشوف ابني في أهم يوم في حياته كان لازم أصلح اللي لسه ممكن يتصلح يا رعد
رعد بلع ريقه عيونه بدأت تملى بالدموع اللي كان بيحاول يمنعها بس فشل صوت أبوه كان فيه دفء عمره ما سمعه قبل كده
نظراته كان فيها شيء جديد شيء هو نفسه مكانش فاهمه بس كان حقيقي
صابر كمل بندم
أنا غلطت فيك
كتير كنت قاسې قاسې أوي كنت
فاكر إن القسۏة هتخليك راجل كنت شايف إن الحب ضعف بس اكتشفت إن اللي عملته معاك كان هو الضعف الحقيقي زي إني ضيعت عليك طفولتك إني بعدتك عني إني خليتك تكبر وإنت حاسس إنك لوحدك
رعد أخد خطوة أقرب كان شايف في عيون أبوه حاجة عمره ما شافها كان شايفه الإنسان مش مجرد الأب الصارم اللي عمره ما كان بيبين أي ضعف وكان قاسې لابعد حد
رعد بحزن
ليه دلوقتي يا بابا ليه بعد ما كل حاجة خلاص حصلت
صابر بتنهيدة
لإن اللي فات مش هيرجع بس اللي جاي ممكن يتصلح أنا ندمان يا رعد ندمان على كل يوم كنت بعيد عنك فيه على كل مرة خليتك تحس إنك مش كفاية على كل لحظة كنت مستني فيها مني كلمة طيبة وماقولتهاش أنا تعبت من العند يا ابني تعبت من البعد وتعبت أكتر لما فهمت إني كنت بخسرك
وكمل صابر بصوت عالي وهو بيوجه كلامه ليوسف ابو نغم
واسف ليك انت كمان يا يوسف حقيقي لو رجع بيا الزمن مش هعمل اللي عملته ده تاني ابدا
يوسف ابتسم بهدوء وبص لرعد وحرك راسه بتأييد وكأنه بيقوله اوعي تحرجه او تكسفه
رعد بحزن
أنا عمري ما كرهتك مهما عملت معايا مهما قسيت عليا كنت دايما مستني اليوم اللي هتيجي فيه وتقول اللي قولته ده
صابر بصوت مليان ضعف
أنا عاوز أعوضك عن كل حاجة فاتت عاوز أكون جنبك جنبك وجنب نغم عاوزك تعيش سعيد عاوزك تحس إني فخور بيك لإنك فعلا فخر ليا يا ابني لانك مطلعتش شبهي
رعد ماقدرش يستحمل أكتر خد خطوة قدام ووقتها ابتسمت نغم بفرحة لانها كانت عارفة ان رعد متأثر اوي بعلاقته مع ابوه اللي كانت متدمرة وكان نفسها انه يرتاح وفعلا اخيرا ووقتها لقته بيسحبها من ايديها وبيضمها ليه كأن
خلاص فرحته اكتملت و وقتها كان رعد في اسعد لحظات حياته هو ونغم
تمت